১ করিন্হীয় 15:10 - Chakma Bible

¹⁰ মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

১ করিন্হীয় 15:10 ပူးပေါင်းရင်းမြစ်များ

মথি লেখ্যে গম্ হবর্ 10:20

তুমি যে কবা সিয়েন্ নয়, বরং তমা বাপ্পো গোজেন আত্মাগানে তমা ভিদিরেদি কধা কবঅ।

মথি লেখ্যে গম্ হবর্ 25:16

যে পাচ্ আজার্ দীনার্ পেলঅ তে সিগুন্দোই বেবসা গুরিনে আরঅ পাচ্ আজার্ দীনার্ লাভ্ গুরিলো।

রোমীয় 11:1

মুই সালে পুযোর্ গরং, গোজেনে কি তা মানুচ্চুনোরে এলাফেলা গোজ্জ্যে? কনদিন্অ নয়। মুই নিজেই এক্কো ইস্রায়েলীয়, অব্রাহাম গুট্টির্ আর বিন্যামীন-গুট্টির্ মানুচ্‌।

রোমীয় 12:3

মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্।

১ করিন্হীয় 15:11

সেনত্তে মুই প্রচার গরং বা অন্য প্রচারগ্‌কুনে প্রচার গরন্, আমি এ পৌইদ্যেনে প্রচার গুরিই আর তুমি সিয়েনিই বিশ্বেজ্ গোজ্জ্য।

১ করিন্হীয় 15:2

যে কধাগান্ মুই তমা ইধু ফগদাং গোজ্জ্যং সিয়েন যুনি তুমি দরমর গুরি ধুরি রাগেই থাগঅ সালেই তুমি সেই গম্ হবরানর্ মাধ্যমে পাপত্তুন্ উদ্ধোর্ পর্-খালিক্ যুনি তমার বিশ্বেজ্‌চান বানা বারেদি ন-অয়।

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

১ করিন্হীয় 3:6

মুই বীজি ফেলেয়োং, আপল্লো সিগুনোত্ পানি দিয়্যে, মাত্তর্ গোজেনে সিগুন বাড়েই তুল্ল্যে।

১ করিন্হীয় 4:7

তুই যে অন্যগুনোত্তুন্ বিশেষ কিজু সিয়েন দঅ কেঅ মনে ন-গরন্। তর্ এমন্‌ কি আঘে যিয়েন তুই দান ইজেবে ন-পাচ্? আর যুনি তুই সিয়েনই পেই থাচ্ সালে ন-পাচ্ বিলিনে কিত্ত্যে বাড়্ গরর্?

২ করিন্হীয় 12:11

মুই বেদমা ওইয়োং ঠিগ্, মাত্তর্ তুমিই মরে সিয়েন অবাত্যে বাধ্য গোজ্জ্য, কিয়া তমার্ উচিত্ এলঅ মরে নাঙ্ গিনেনা। যুনিয়ো মুই কিচ্চু নয় তো তমার্ সেই বিশেষ প্রচারগ্‌কুনোত্তুন্ কনঅ বাবদে চিগোন নয়।

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

গালাতীয় 2:8

তারা ইয়েন দেগিলাক্, কিয়া যিহূদীগুনো ইধু পিতরর্ প্রচারক-কামর পিজেদি যিবে এলঅ সেই গোজেনে অযিহূদীগুনো ইধু মর্ প্রচারক-কামর পিজেদিয়ো এলঅ।

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

১ থিষলনীকীয় 5:12

ভেইলগ্, আমি তমারে কোজোলি গুরির্, যিগুনে তমা ভিদিরে কাম্ গরন, প্রভুর ওইনে তমারে পরিচালনা গরন আর তমারে উপদেচ্‌ দি থান্, তারারে সর্মান গরঅ।

১ তীমথিয় 4:10

ইয়েনত্যে আমি মনে পরাণে কাম্ গুরির্ আর আওজ্ গুরিনে কাম্ গুরির্, কিয়া জেদা গোজেন উগুরে আমি আজা রাগেয়্যেই। তেয়ই বেক্‌ মানুচ্চুনোর্ উদ্ধোর্ গুরিয়্যে, বিশেষ গুরিনে তারারে যিগুনে তারে বিশ্বেজ্ গরন্।