১ করিন্হীয় 15:1 - Chakma Bible

¹ ভেইলগ্, যে গম্ হবরান্ মুই তমা ইধু ফগদাং গোজ্জ্যং, সেই গম্ হবরানর্ কধাগান তমারে ইদোত্ তুলি দোঙর্। তুমি সিয়েন মানি লোইয়ো আর সিয়েনত্ থির্‌অ আঘঅ।

১ করিন্হীয় 15:1 ပူးပေါင်းရင်းမြစ်များ

যোহন 12:48

যে মরে খিয়্যে ন-গরে আর মঅ কধা ন-শুনে তাত্যে বিচের্ গুরিয়্যে আঘে। যে কধাগান্ মুই কোইয়োং সেই কধাগান্ শেজ্ দিনোত্ তারে দুষী বিলিনে প্রমাণ গুরিবো;

প্রেরিত্‌ 11:1

অযিহূদীগুনেয়ো যে গোজেনর্ কধা বিশ্বেজ্ গোজ্জ্যন্ সে কধাগান্ প্রচারক্কুনে আর গোদা যিহূদীয়ার্ বিশ্বেজি ভেইয়ুনে শুনিলাক্।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

রোমীয় 11:20

ভারী গম্। মাত্তর্ তারারে ভাঙি ফেলা ওইয়্যে তারার্ অবিশ্বেজর্ কারনে আর তুই সিয়েনত্ উদ্ধোর্ ওই আঘচ্ তর্ বিশ্বেজত্তে। ইয়েনত্ বার্‌বো ন-গুরিচ্ বরং ভোক্তি গুরিনে দোরেচ্,

রোমীয় 2:16

গোজেনে যেদিন্ন্যে যীশু খ্রীষ্টর্ মাধ্যমে মান্‌জ্যর্ গুমুরো বেক্কানি বিচের্ গুরিবো সেদিন্যে সিয়েনি ফগদাং পেবঅ। মুই যে গম্ হবর্ প্রচার গরং সেই কধা মজিম ইয়েনির্ বিচের্ অবঅ।

রোমীয় 5:2

গোজেনর্ এই যে দোয়্যের্ পধেদি ইক্কিনে আমি চলির্ সিধু আমি খ্রীষ্টর্ মাধ্যমে বিশ্বেজ্‌চোই লুম্মেয়ি। গোজেনর্ মহিমা পেবার্ আজায় আমি ফুত্তি গুরির্।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

১ করিন্হীয় 3:6

মুই বীজি ফেলেয়োং, আপল্লো সিগুনোত্ পানি দিয়্যে, মাত্তর্ গোজেনে সিগুন বাড়েই তুল্ল্যে।

১ করিন্হীয় 4:15

খ্রীষ্ট পৌইদ্যেনে শিক্ষ্যে দিবার্ মানুচ্‌ অয়ত তমার্ আজার আজার থেই পারন, মাত্তর্ বাপ্ তমার ভালোক্কুন্ নেই; মুয়ই গম হবরর্ মাধ্যমে খ্রীষ্টীয় জিংকানিত্ তমার বাপ্ ওইয়োং।

২ করিন্হীয় 1:24

গিরোজ ধোক্ক্যেন গুরি আমি যে তমার্ বিশ্বেজ্ উগুরে আঢ্ দির্ সিয়েন নয়, বরং তুমি যেন হুজী অ সেনত্যে তমা সমারে কাম্ গরঙর্; কিয়া বিশ্বেজে তুমি দরমর গুরি থিয়্যেই আঘঅ।

১ থিষলনীকীয় 1:6

বোউত্ অত্যেচারর্ ভিদিরেয়ো পবিত্র আত্মার দিয়্যে হুজিলোই সেই গম হবরান মানি লোইনে তুমি আমার আর প্রভু ধোক্ক্যেন গুরি চলর্।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

২ থিষলনীকীয় 3:6

ভেইলগ্, আমা প্রভু যীশু খ্রীষ্টর্ নাঙে আমি তমারে এ উগুমান দির্-যুনি কনঅ ভেই আল্‌সি গুরিনে কাদায় আর আমাত্তুন্ তুমি যে শিক্ষ্যেগানি পেয়ো সিয়েনি ন-পালায়, সালে তুমি তা সমারে ন-মিল্ল্য।

১ পিতর 5:12

সীল, যিবেরে মুই মর্ বিশ্বেজি ভেই মনে গরং, তারে দিইনে এই চিধিগান মুই কম কধালোই তমা ইধু লিগিলুং, যেন মুই তমারে উচ্চোমি দি পারং আর গোজেনর্ ঘেচ্চ্যেকগুরি দোয়্যের্ সাক্ষি দি পারং। তুমি গোজেনর্ এই দোয়্যেলোই থির্ থেইনে বজত্তি গরঅ।