১ করিন্হীয় 14:39 - Chakma Bible

³⁹ সেনত্তে মর্ ভেইলগ্, ভাববাদী ইজেবে কধা কবাত্যে বিশেষ্ গুরিনে আয়োজি অ আর নানান্ ভাষায় কধা কবাত্যে মানা ন-গোজ্জ্য।

১ করিন্হীয় 14:39 ပူးပေါင်းရင်းမြစ်များ

১ করিন্হীয় 12:31

মুই বরং কং, তুমি বেগত্তুন্ দরকারী দানানি পেবাত্যে আয়োজি অ। মুই তমারে এবার্ আরঅ গম্ এক্কান পথ দেগেই দোঙর্:

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

১ করিন্হীয় 14:1

এ কোচ্‌পানাগানত্যে তুমি বিশেষ গুরিনে চেষ্টা গরঅ, আর পবিত্র আত্মার্ দিয়্যে দান, বিশেষ গুরিনে ভাববাদী ইজেবে কধা কবার্ খেমতা পেবাত্যে তমার্ আওজ্ থোক্।

১ করিন্হীয় 14:3

মাত্তর্ ভাববাদী ইজেবে যে কধা কয় তে মান্‌জ্য ইধু এমন্‌ কধা কয় যিয়েনি তারারে গড়েই তুলে আর উচ্চোমি আর সান্তনা দে।

১ করিন্হীয় 14:38

যুনি কেঅ সিয়েনি এলাফেলা গরে সালে তারেয়ো এলাফেলা গরা অবঅ।

১ করিন্হীয় 14:5

মুই চাং যেন তুমি বেক্কুনে নানান্ ভাষায় কধা কোই পারঅ, মাত্তর্ আরঅ বেশ্ গুরি চাং যেন তুমি ভাববাদী ইজেবে কধা কোই পারঅ। অন্য কনঅ ভাষায় যে মানুচ্চো কধা কয়, মন্ডলীর্ মানুচ্চুনোরে গড়েই তুলিবাত্যে যুনি তে তার্ কধানির্ অত্তগান বুঝেই ন-দে, সালে তাত্তুন্ ভাববাদী ইজেবে যে কধা কয় তে-ই বরং দাঙর্।

১ থিষলনীকীয় 5:20

যিগুনে ভাববাদী ইজেবে গোজেনর্ কধা কন্ তারারে ঈচ্ ন-গোজ্জ্য, বরং বেক্কানি যাচাই গুরি চেইয়ো।