১ করিন্হীয় 14:37 - Chakma Bible

³⁷ যুনি কেঅ নিজোরে ভাববাদী কয় বা আত্মিক্ মানুচ্ বিলি মনে গরে সালে তে স্বীগের্ গোরোক্ যে, মুই তমা ইধু যিয়েনি লিগিলুং সিয়েনি বেক্কানি প্রভুর উগুম্।

১ করিন্হীয় 14:37 ပူးပေါင်းရင်းမြစ်များ

গণাণা 24:16

যে মানুচ্চো গোজেনর্‌ কধানি শুন্যে আর দাঙর্‌ গোজেনর্‌ ইত্তুন্‌ জ্ঞান পার্‌, যে বেগত্তুন্ খেমতাবলা গোজেনর্‌ দিয়্যে জ্ঞানান্ দেখ্যে, যে মাদি উগুরে আদু পাড়িনে পোজ্যে, আর যিবের্‌ চোগো পাদা খুলি যেইয়্যে, তে এই কধাগান কত্তে:

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

রোমীয় 12:3

মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্।

১ করিন্হীয় 14:29

যিগুনে ভাববাদী ইজেবে কধা কন্ তারা দ্বিজন বা তিনজন কধা কোদোক্ আর অন্যগুনে তার্ বিচের্ গুরি চাদোক্।

১ করিন্হীয় 14:36

গোজেনর্ কধানি কি তমাত্তুন্ নিগিলি এচ্চ্যে বা সিয়েন কি বানা তমা ইধু এচ্চ্যে?

১ করিন্হীয় 14:38

যুনি কেঅ সিয়েনি এলাফেলা গরে সালে তারেয়ো এলাফেলা গরা অবঅ।

১ করিন্হীয় 2:15

যে মানুচ্চো আত্মিক্ তে বেক্কানি পোরোক্ষ্যে গুরি চায়, মাত্তর্ তারে কনজনে পোরোক্ষ্যে গুরি চেই ন-পারন্।

১ করিন্হীয় 3:1

ভেইলগ্, যিগুনে আধ্যাতিক্ সেবাবোত্যে মানুচ্চুনো ইধু যেবাবোত্যে গুরি কধা কনা উচিত, মুই তমা ইধু সেবাবোত্যেগুরি কধা কোই ন-পারং, বরং যিগুনে পাপ-স্বভাবর্ অধীনোত্ আঘন্ তারা ইধু যেবাবোত্যেগুরি কধা কনা উচিত, সেবাবোত্যেগুরি তমা ইধু কোইয়োং। খ্রীষ্টিয় জিংকানিত্ তুমি দঅ এক্কুবারে চিগোন্ গুরো ধোক্ক্যেন, সেনত্তে তমা ইধু সেবাবোত্যেগুরি কধা কোইয়োং।

১ করিন্হীয় 7:25

গাবুজ্যে মিলেগুনোত্ত্যে প্রভুত্তুন্ কনঅ উগুম মুই ন-পাং। মাত্তর্ গোজেনর্ দোয়্যে পেইনে মুই বিশ্বেজবলা ওইয়োং বিলিনে মঅ কধাগান জানাঙর্।

১ করিন্হীয় 7:40

মাত্তর্ মর্ মতে তে যেবাবোত্যে আঘে যুনি সেবাবোত্যে থায় সালে তে আরঅ সুগি অয়। মর্ মনে অয়, মুই গোজেনর্ আত্মার্ মাধ্যমে এ কধাগান্ কঙর্।

১ করিন্হীয় 8:2

যে কিজু হবর্ পায় বিলিনে মনে গরে, তে যেবাবোত্যে হবর্ পানা উচিত সেবাবোত্যেগুরি এজঅ হবর্ ন-পায়।

২ করিন্হীয় 10:12

তমা ভিদিরেত্তুন্ কেঅ কেঅ নিজোর্ নাঙ্ ফুদেবাত্যে চান্। আমি তারার্ দলত্ নিজোরে ফেলেবাত্যে বা তারা সমারে নিজোরে তুলোনা গুরিবাত্যে সাহচ্‌ ন-গুরিই। কি মূর্খ তারা। কিয়া তারা নিজে যিয়েন গম্ মনে গরন্, সিয়েন সমারে নিজোরে তুলোনা গরন্ আর সিয়েন্দোই নিজোরে বিচের্ গরন্।

২ করিন্হীয় 10:7

তুমি দঅ বারেদি চেঙেরাগান দেগর্। কেঅ যুনি নিজোরে খ্রীষ্টর্ বিলিনে বিশ্বেজ্ গরে তো ইয়েন্অ তার্ চিন্তে গরানা উচিত যে, তে যেবাবোত্যেগুরি খ্রীষ্টর্ সেবাবোত্যেগুরি আমিয়ো খ্রীষ্টর্ মানুচ্।

২ করিন্হীয় 11:4

যে যীশুর্ কধা আমি প্রচার গোজ্জ্যেই কেঅ যেক্কে তারে বাদে অন্য কনঅ যীশুর্ কধা তমা ইধু প্রচার গরে, বা যে পবিত্র আত্মাগানরে তুমি পেইয়ো তারে বাদে যুদো কনঅ বাবোত্যে আত্মা যেক্কে তুমি পঅ, বা যে গম্ হবরান তুমি মানি লোইয়ো সিয়েনত্তুন্ যুদো কনঅ বাবোত্যে গম্ হবর্ যেক্কে তুমি পঅ, সেক্কে দঅ দেগঙত্তে হুজি ওইনে সিয়েনি বেক্কানি মানি লঅ।

গালাতীয় 6:8

পাপ-খাচ্চ্যদরে হুজী গুরিবার বীজি লাগেলে সিয়েনত্তুন্ ভস্তর্ ফসল এবঅ। মাত্তর্ পবিত্র আত্মারে হুজী গুরিবার বীজি লাগেলে সিয়েনত্তুন্ উমর্‌অ জিংকানির্ ফসল এবঅ।

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

১ যোহন 4:6

আমি গোজেনর্; যে গোজেনরে জানে তে আমা কধা শুনে, মাত্তর্ যে গোজেনর্ নয় তে আমা কধা ন-শুনে। ইয়েন্দোই আমি সত্যর্ আত্মাগানরে আর ছলনার্ আত্মাগানরে চিনি পারিই।

যিহূদা 1:17

মাত্তর্ কোচ্‌পেইয়্যে ভেইয়ুন, যেদক্কানি কধা আমা প্রভু যীশু খ্রীষ্টর্ দূত্‌তুনে আগেদি কোইয়োন সিয়েনি তুমি ইদোত্ গুরি চঅ।