১ করিন্হীয় 14:36 - Chakma Bible

³⁶ গোজেনর্ কধানি কি তমাত্তুন্ নিগিলি এচ্চ্যে বা সিয়েন কি বানা তমা ইধু এচ্চ্যে?

১ করিন্হীয় 14:36 ပူးပေါင်းရင်းမြစ်များ

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

সখরিয় 14:8

সে অক্তত্ হরান্ন্যে আর ঝার্‌কালত্ যিরূশালেমত্তুন্ মিদে পানি নিগিলিনে অদ্দেক্কান পূগেদি সাগর ইন্দি আর অদ্দেক্কান্ পোজিমেদি সাগর ইন্দি বেঈ যেবঅ।

প্রেরিত্‌ 17:1

পৌল আর সীল আম্‌ফিপলি আর আপল্লোনিয়া শঅর ভিদিরেন্দি থিষলনীকী শঅরত্ গেলাক্। সিধু যিহূদীগুনোর এক্কান্ সমাজ-ঘর এলঅ।

প্রেরিত্‌ 17:15

যে মানুচ্চুনে পৌলরে সমারে গুরি নেযাদন্ তারা তারে এথেন্স শঅরত্ আনিলাক্। সে পরেদি সেই মানুচ্চুনে সীল আর তীমথিয়ত্যে এ উগুমান্দোই বিরয়াত্ ফিরি গেলাক্, সীল আর তীমথিয় যেদক্ ঝাদি-মাদি পারন্ যেইনে যেন পৌল সমারে মিজেই পারন্।

১ করিন্হীয় 14:35

যুনি তারা কিজু জানিবাত্যে চান্ সালে ঘরত্ তারার্ নেগ্‌কোরে পুযোর্ গোত্তোক্, কিয়া মন্ডলীত্ কধা কনা এক্কো মিলের্ পক্ষে লাজর্ বেপার।

১ করিন্হীয় 14:37

যুনি কেঅ নিজোরে ভাববাদী কয় বা আত্মিক্ মানুচ্ বিলি মনে গরে সালে তে স্বীগের্ গোরোক্ যে, মুই তমা ইধু যিয়েনি লিগিলুং সিয়েনি বেক্কানি প্রভুর উগুম্।

১ করিন্হীয় 4:7

তুই যে অন্যগুনোত্তুন্ বিশেষ কিজু সিয়েন দঅ কেঅ মনে ন-গরন্। তর্ এমন্‌ কি আঘে যিয়েন তুই দান ইজেবে ন-পাচ্? আর যুনি তুই সিয়েনই পেই থাচ্ সালে ন-পাচ্ বিলিনে কিত্ত্যে বাড়্ গরর্?

১ থিষলনীকীয় 1:8

বানা ম্যাসিডোনিয়া আর আখায়া রেজ্যত্ যে তমাত্তুন্ প্রভুর কধানি ছিদি পোজ্জ্যে এমন নয়, মাত্তর্ গোজেন উগুরে তমার বিশ্বেজর্ কধায়ো বেক্‌ জাগানিত্ যেইনে লুম্মেগোই। এ পৌইদ্যেনে আমার্ কিচ্চু কনা দরকার নেই,