১ করিন্হীয় 14:26 - Chakma Bible

²⁶ ভেইলগ্, সালে কি কোম্? তুমি যেক্কে মন্ডলীত্ এক জাগাত্ এগত্তর্ অ সেক্কে তমাত্তুন্ কেঅ নাঙ্-গিনিবার্ গীদ্ গরে, কেঅ শিক্ষ্যে দে, কেঅ গোজেনর্ সত্য ফগদাং গরে, কেঅ অন্য ভাষায় কধা কয়, আরঅ কেঅ সিয়েনর্ অত্তগান বুঝেই দে। যে যিয়েন গত্ত সাৎ বেক্কানি যেন মন্ডলীরে গড়েই তুলিবাত্যে গরা অয়।

১ করিন্হীয় 14:26 ပူးပေါင်းရင်းမြစ်များ

রোমীয় 1:13

ভেইলগ্, এ কধাগান্ হবর্ পেইয়ো, মুই ভালোক্ বার্ তমা ইধু যেবাত্তে চেইনেয়ো এজঅ সং মানা গরদন্। অন্য জাগাত্ অযিহূদীগুনো ইধু প্রচার গুরিনে যেবাবোত্যে ফল পেয়োং, ঠিগ্ সেবাবোত্যেগুরি তমাত্তুন্অ কিজু ফল দেগিবার আজায় মুই তমা ইধু যেবাত্তে চেইয়োং।

রোমীয় 12:7

যুনি সিয়েন সেবা গুরিবার্ খেমতা অয় সালে তে সেবা গোরোক্। যে শিক্ষ্যে দিবার্ খেমতা পেইয়্যে তে শিক্ষ্যে দোক্;

রোমীয় 14:19

ইয়েনত্যে যিয়েন গুরিলে শান্তি অয় আর যিয়েনর মাধ্যমে আমি একজন আরেকজনরে শিগেইনে তুলি পারিই, এজঅ, আমি সিয়েনর্ চেট্ট্যা গুরিই।

রোমীয় 15:2

বিশ্বেজি ভেইয়োরে গোড়েই তুলিবার আজায় আমি পত্তিজনে যেন তার্ ভালেদিত্যে তারে হুজি গুরিই।

১ করিন্হীয় 14:15

সালে মত্তুন্ কি গরানা উচিত? মুই আত্মালোই তবনা গুরিম, বুদ্ধিলোই তবনা গুরিম; মুই আত্মালোই নাঙ্ গিনেদে গীদ্ গেইম্, বুদ্ধিলোইয়ো নাঙ্ গিনেদে-গীদ্ গেইম্।

১ করিন্হীয় 14:2

অন্য কনঅ ভাষায় যে মানুচ্চো কধা কয় তে মান্‌জ্য ইধু কধা ন-কয় মাত্তর্ গোজেন ইধু কধা কয়, কিয়া কেঅ সিয়েন বুঝি ন-পারন্। তে আত্মালোই গুমুরো সত্যর্ কধা কয়।

১ করিন্হীয় 14:27

যুনি কেঅ অন্য ভাষায় কধা কয় সালে দ্বিজন্ বা বেশ্ অলে তিনজনে এক একজন গুরি কধা কোদোক্, আর অন্য একজনে সিয়েনর্ অত্তগান বুঝেই দোক্।

১ করিন্হীয় 14:40

বেক্কানি যেন যগাজ্জ্যেগুরিনে আর গুচ্চ্যেয়্যে গুরিনে গরা অয়।

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

২ করিন্হীয় 13:10

ইয়েনত্যে মুই ন-থেবার্ সময়োত্ মুই তমা ইধু ইয়েনি লেগেঙর্, যেন লুমিলে পরেদি প্রভু মরে যে অধিকারান্ দিয়্যে সিয়েন দরমর গুরি বেবহার গরা ন-পড়ে। সে অধিকারানর্ উদ্দেচ্চ্য অলঅ তমারে উগুরে তুলোনা, তমারে ক্ষতি গরানা নয়।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ইফিষীয় 4:16

গোদা কিয়্যেগান এমন্‌ গুরিনে বান্ন্যে আঘেদে যে, পত্তি ভাগ্‌কানি যার্ যার্ জাগাত থেইনে কিয়্যেগান সমারে এগত্তর্ থায়। পত্তি ভাগে যেক্কে গমেডালে কাম্ গরে সেক্কে গোদা কিয়্যেগান মাঢাবো চাল্লই বাড়ি উদে আর কোচ্‌পানার্ মাধ্যমে নিজোরে গাঢেই তুলে।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

ইফিষীয় 5:19

আর গীতসংহিতার গীদ্, বাঈনী গরানা আহ্ আত্মিক গীদোর্ মাধ্যমে তুমি একজন আরেকজন সমারে কধা কঅ; তমা মনেদি প্রভুর নাঙে গীদ্ গঅ।

১ থিষলনীকীয় 5:11

ইয়েনত্যে তুমি ইক্কিনে যিয়েন গরর্ সেবাবোত্যেগুরি একজন আরেকজনরে উচ্চোমি দান গুরিবাত্যে আর একজন আরেক জনরে গাধেই তুলোনাত্ থাগঅ।