১ করিন্হীয় 14:25 - Chakma Bible

²⁵ সেক্কে তা মনত্ গুমুরো বেপারানি নিগিলি এবঅ, আর তে সেক্কে মাদিত্ মাঢা নিগিরিনে গোজেনরে বাঈনী গুরিনে কবঅ, “ঘেচ্চ্যেকগুরি, গোজেনে তমা ভিদিরে আঘে।”

১ করিন্হীয় 14:25 ပူးပေါင်းရင်းမြစ်များ

পত্থম 44:14

যিহূদা আর তা ভেইয়ুনে যে সময়ানত্‌ যোষেফ ঘরত্‌ গেলাক্ যোষেফে সেক্কেয়ো সিয়েনত্‌ এলঅ। তারা তা মুজুঙোত্‌ যেইনে মাদিত্‌ আদু পাড়িনে পড়িলাক্।

গীতসংহিতা 72:11

বেক রাজাগুনে তাইদু মাঢা নিগিরোদোক্ আর বেক জাদ্‌তুনে তারে সেবা গোরোদোক্।

যিশাইয় 45:14

লগেপ্রভু ইস্রায়েল জাদরে কত্তে, “মিসরর পেইয়্যে সোম্বোত্তিগানি আর কূশর বেবসার পযাপিরানি তইদু এবঅ। লাম্বা লাম্বা সবায়ীয়গুনে নিজে তইদু এবাক্; তারা তর্ অবাক্ আর তঅ পিজে পিজে আঢিবাক্। তারা শিগোল্লোই বান্যে অবস্থায় তইদু এবাক্। তারা তঅ মুজুঙোত্ মাদিত্ মাঢা নিগিরিনে কোজোলি গুরিনে কবাক্, ‘গোজেনে ঘেচ্চেকগুরি তমা সমারে আঘে। বানা এক্কো তেয়ই গোজেন, আর কনঅ গোজেন নেই।’ ”

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

লূকে লেখ্যে গম্ হবর্ 8:28

যীশুরে দেগিনে তে রঅ ছাড়িনে উদিলো আর তা মুজুঙোত্ মাদিত্ পড়িনে রঅ ছাড়িনে কলঅ, “মহান গোজেনর্ পুয়ো যীশু, মঅ লগে তর্ কি সম্পর্ক? দোয়্যেগুরি তুই মরে যন্ত্রণা ন-দিচ্।”

যোহন 4:19

সেক্কে মিলেবো যীশুরে কলঅ, “মুই ইক্কিনে বুঝি পারিলুং তুই এক্কো ভাববাদী।

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

দ্বি’লম্বর বিররণ 9:18

লগেপ্রভুর চোগেদি ভান্ন্যেই এধোক্ক্যেন বেক্‌ পাপ্পানি গুরিনে তুমি তার্‌ রাগ্‌কান জাগেই দুয়ো বিলিনে মুই আগঅ ধোক্ক্যেন আরঅ চোল্লিশ দিন আর চোল্লিশ রেত্‌ লগেপ্রভুর মুজুঙোত্‌ আদু পাড়িনে পড়ি রোলুং; পানি বা পিদে কিচ্ছু মুয়োত্‌ ন-দিলুং।

ফগদাং পেইয়্যে 19:4

গোজেন, যিবে সিংহাসনত্ বৈ আঘে তারে সেই চব্বিচ্‌জন নেতা আর সেই চের্‌বো জেদা প্রাণী মাঢা নিগুরিনে সালাম গুরিনে কলাক্, “আমেন। হাল্লেলূয়া!”

ফগদাং পেইয়্যে 5:8

বোইবো লনার্ পর সেই চের্‌বো জেদা প্রাণী আর চব্বিচ্‌জন নেতা ভেড়া-ছবোর্ মুজুঙোত্ মাঢা নিগুরিলাক্। তারার পত্তিজনর্ আঢত্ এক্কো গুরিনে বীণা আর এক্কো গুরি আগর্‌বাট্টিলোই ভোরেয়্যে সনার কদরা এলঅ। সেই আগর্‌বাট্টিলোই ভোজ্যে কদরাগুন অলঅ গোজেন মানুচ্চুনোর তবনা।

১ শমূয়েল 9:19

জোবত্‌ শমূয়েল শৌলরে কলঅ, “মুয়ই দর্শক। তুই মর্‌ আগেদি উবোসনার উজু জাগানত্‌ যাহ্, কিত্যে এচ্চ্যে তুই মর্‌ লগে খেবে। কেল্যে বেন্যে মুই তরে বিদেয় দিম্‌ আর তর্‌ মনত্‌ যাহ্ আঘে সিয়েনি তরে কোম্‌।