১ করিন্হীয় 14:2 - Chakma Bible

² অন্য কনঅ ভাষায় যে মানুচ্চো কধা কয় তে মান্‌জ্য ইধু কধা ন-কয় মাত্তর্ গোজেন ইধু কধা কয়, কিয়া কেঅ সিয়েন বুঝি ন-পারন্। তে আত্মালোই গুমুরো সত্যর্ কধা কয়।

১ করিন্হীয় 14:2 ပူးပေါင်းရင်းမြစ်များ

পত্থম 11:7

সেনত্তে এজঅ, আমি তলে লামিনে তারা কধানিত্‌ যাগুলুক্‌ বাজেই দিই যেনে তারা একজন কধা আরেকজনে বুঝি ন-পারন।”

পত্থম 42:23

যোষেফে যে তারা কধানি বুঝি পাজ্যে সিয়েন তারা ন-বুঝিলাক্, কিত্তে আরেকজনরে দিইনে তে তারা লগে কধাবাত্তা কোইয়্যে।

২ রাজাবলী 18:26

সেক্কে হিল্কিয়োর পুয়ো ইলীয়াকীম, শিব্‌ন আর যোয়াহ রব্‌শাকিরে কলাক্‌, “তঅ চাগরুনো ইদু তুই দোয়্যে গুরিনে অরামীয় কধালোই কধা কঅ, কিত্তে আমি সিয়েন্‌ বুঝিই। দেবাল উগুরে মানুচ্চুনো ইদু তুই আমা লগে ইব্রীয় কধালোই কধা ন-কোচ্‌।”

গীতসংহিতা 78:2

মুই উপমা দিইনে কধানি ভাঙি কোম্; মুই পুরণ দিনো হবর্ ন-পেইয়্যে কধানি কোম।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

মার্ক 16:17

যিগুনে বিশ্বেজ্ গরন্ তারা ইধু এ চিহ্নোগান্ দেগা যেবঅ-মঅ নাঙে তারা ভুদ্ ধাবেবাক্, তারা নুয়ো নুয়ো ভাষায় কধা কবাক্,

মার্ক 4:11

যীশু তারারে কলঅ, “গোজেন রেজ্যর্ গুমুরো সত্যগান্ তমারে জানিবাত্তে দিয়্যে ওইয়্যে, মাত্তর্ অন্যগুন যিগুনে বারেত্তুন্, হিত্ত্যলোই বেক্ কধানি কুয়ো অয়,

প্রেরিত্‌ 10:46

তারা সিয়েন বুঝিলাক্ কিয়া এ অযিহূদীগুনোরে তারা নানান্ ভাষায় কধা কদে আর গোজেনরে বাঈনী গত্তে শুনিলাক্। সেক্কে পিতরে কলঅ,

প্রেরিত্‌ 19:6

সেক্কে পৌলে তারা উগুরে আঢ্‌‌তানি থলে পরেদি তারা উগুরে পবিত্র আত্মাগান্ এলঅ, আর তারা নানান্ ভাষায় কধা কুয়ো ধুরিলাক্ আর ভাববাদী ইজেবে গোজেনর্ কধা কুয়ো ধুরিলাক্।

প্রেরিত্‌ 22:9

যিগুনে মঅ লগে এলাক্ সিগুনে সেই পহ্‌রান্ দেগিলাক্, মাত্তর্ যে মঅ লগে কধা কর্ তা কধানি তারা ন-বুঝিলাক্।

রোমীয় 16:25

যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়,

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

১ করিন্হীয় 13:1

মুই যুনি মান্‌জ্যর আর স্বর্গদূত্‌‌তুনোর্ ভাষায় কধা কং মাত্তর্ ম-ইধু কোচ্‌পানা ন-থায়, সালে মুই বেশ গুরি বাজেয়্যে ঘন্টা বা ঝন্‌‌‌ঝন্‌ গোজ্জ্যে তাল ধোক্ক্যেন ওইয়োং।

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

১ করিন্হীয় 14:16

সিয়েন ন-অলে যুনি তুই আত্মালোই ভালেদি জানাচ্ সালে সেই ভাষা বুঝি ন-পারে এন্ কনঅ মানুচ্‌ যুনি সিয়েনত্ থায়, সালে তে কেধোক্ক্যেন গুরি তর্ ভালেদিগান আমেন বিলিনে মানি লবঅ? তে দঅ কোই ন-পারে তুই কি কর্।

১ করিন্হীয় 14:26

ভেইলগ্, সালে কি কোম্? তুমি যেক্কে মন্ডলীত্ এক জাগাত্ এগত্তর্ অ সেক্কে তমাত্তুন্ কেঅ নাঙ্-গিনিবার্ গীদ্ গরে, কেঅ শিক্ষ্যে দে, কেঅ গোজেনর্ সত্য ফগদাং গরে, কেঅ অন্য ভাষায় কধা কয়, আরঅ কেঅ সিয়েনর্ অত্তগান বুঝেই দে। যে যিয়েন গত্ত সাৎ বেক্কানি যেন মন্ডলীরে গড়েই তুলিবাত্যে গরা অয়।

১ করিন্হীয় 15:51

মুই তমারে এক্কান গুমুরো সত্যর্ কধা কঙর্, শুনো। আমি বেক্কুনে যে মুরি যেবং সিয়েন নয়, মাত্তর্ বুদুলি যেবং।

১ করিন্হীয় 2:10

মাত্তর্ গোজেনে তার্ আত্মার্ মাধ্যমে সিয়েনি আমা ইধু ফগদাং গোজ্জ্যে, কিয়া পবিত্র আত্মার্ অজানা কিচ্চু নেই; এমন্‌ কি, তে গোজেনর্ গভিন পৌইদ্যেনেয়ো কোই পারে।

১ করিন্হীয় 2:7

আজলে আমি গোজেনর্ জ্ঞানবলা গুমুরো উদ্দেচ্চ্যর্ কধা কোই। সেই উদ্দেচ্চ্যগান লুগেইয়্যে এলঅ আর জগদ্‌তান্ বানেবার আগেদি গোজেনে সিয়েন থির্ গুরি রাগেয়্যে যেন আমি তার্ মহিমার্ ভাগী ওই পারিই।

ইফিষীয় 6:19

মত্যেয়ো তবনা গরঅ যেন মুই যেক্কে কধা কং সেক্কে গোজেনে মরে এমন্‌ ভাষা যুগেই দে যাতে মুই সাহচ্‌ গুরিনে তার্ দিয়্যে গম হবরর্ গুমুরো সত্যগান্ প্রচার গুরি পারং।

দ্বি’লম্বর বিররণ 28:49

লগেপ্রভু দূরোত্তুন, পিত্‌থিমীর শেজ্‌ দুঝিত্তুন এমন্‌ এক্কো জাদরে তমার বিরুদ্ধে লোই আনিবো যিগুনোর কধানি তুমি ন-বুঝিবা। ঈগল পেগো ধোক্ক্যেন গুরি সে জাত্তো ছোঁ মারিনে তমা উগুরে লামি এবঅ।

কলসীয় 2:2

মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

১ তীমথিয় 3:9

তারা যেন সাব্ বিবেগে খ্রীষ্টীয় ধর্ম-বিশ্বেজর্ গুমুরো সত্যগান ধুরি রাগান্।

ফগদাং পেইয়্যে 10:7

মাত্তর্ সাত-লম্বর স্বর্গদূত্‌তো তা তূরীবো বাজেবার দিনোত্ গোজেনর্ গুমুরো উদ্দেচ্চ্যগান পরিপূরোণ অবঅ। গোজেনে তা নিজো চাগরুনো ইধু, অত্তাৎ ভাববাদীগুনো ইধু যিয়েনি জানেয়্যে ঠিগ্ সেবাবোত্যে গুরি ইয়েনি অবঅ।”