১ করিন্হীয় 14:16 - Chakma Bible

¹⁶ সিয়েন ন-অলে যুনি তুই আত্মালোই ভালেদি জানাচ্ সালে সেই ভাষা বুঝি ন-পারে এন্ কনঅ মানুচ্‌ যুনি সিয়েনত্ থায়, সালে তে কেধোক্ক্যেন গুরি তর্ ভালেদিগান আমেন বিলিনে মানি লবঅ? তে দঅ কোই ন-পারে তুই কি কর্।

১ করিন্হীয় 14:16 ပူးပေါင်းရင်းမြစ်များ

১ রাজাবলী 1:36

সেক্কে যিহোয়াদার পূঅ বনায় রাজারে কলঅ, আমেন। আমার গিরোজ্‌ মহারাজর গোজেন লগেপ্রভু সিয়েনই গোরোক্‌।

১ বংশধর 16:36

সিরিস্টির্ আগেত্তুন্‌ ধুরি থুম্ ন-ওইয়্যে জিংকানি সং ইস্রায়েলর গোজেন লগেপ্রভুর বাঈনী ওক্‌।” ইয়েন পরেন্দি বেক্‌ মানুচ্চুনে কলাক্‌, “আমেন, লগেপ্রভুর বাঈনী ওক্‌।”

নহিমিয় 5:13

মঅ পোজাক্‌কানর্‌ মুজুঙোন্দিগান্‌ মুই ঝাড়িনে কলুঙ্‌, “যিগুনে এ সমক্‌কান্ রোক্ষ্যে ন-গুরিবাক্‌ গোজেনে তারারে পত্তিজনরে তারার্‌ ঘরানি আর সোম্বোত্তিত্তুন্‌ এধোক্কেন্‌ গুরিনে ঝাড়ি ফেলেব। এবাবোত্যে মানুচ্চুনোরে এধোক্কেন্‌ গুরিনে ঝাড়ি ফেলা অবঅ আর তারার্‌ বেক্কানি শেজ্‌ গরা অবঅ।” এ কধানি শুনিনে বেক্‌ মানুচ্চুনে কলাক্‌, “আমেন,” আর তারা লগেপ্রভুর বাঈনী গুরিলাক্‌। মুরুব্বী মানুচ্চুনে তারার্‌ শমক্‌ অনুসারে কাম্‌ গুরিলাক্‌।

নহিমিয় 8:6

সেক্কে ইষ্রা মহান গোজেন লগেপ্রভুর বাঈনী গুরিলো, আর বেক্‌ মানুচ্চুনে তারার্‌ আঢ্‌তানি তুলিনে‌ কলাক্‌, “আমেন, আমেন।” সে পরেন্দি তারা মাদিত্‌ মাদা নিগিরিনে লগেপ্রভুরে তারার্‌ মনর্‌ ভোক্তি জানেলাক্‌।

গীতসংহিতা 106:48

সৃট্টির্ আগেত্তুন্ ধুরি উমর সং ইস্রায়েলর গোজেন লগেপ্রভুর বাঈনী ওক্। বেক মানুচ্চুনে কোদোক্, “আমেন।” লগেপ্রভুরে নাঙ্ গিনে ওক্।

গীতসংহিতা 41:13

পৌইল্যাত্তুন ধুরি থুম্ সং ইস্রায়েলর গোজেন লগেপ্রভুর বাঈনী ওক্। আমেন, আমেন।

গীতসংহিতা 72:19

জিংকানিবর্ তার মহিমাবলা নাঙানির্ নাং গিনে ওক্; পুরো দুনিয়াগান তার মহিমালোই পূরোন ওক্। আমেন, আমেন।

গীতসংহিতা 89:52

জিংকানিবর্ লগেপ্রভুর বাঈনী ওক্! আমেন, আমেন।

যিরমিয় 11:5

মুই তমা পুরোণী মানুচ্চুনো ইধু এমন দেজ্ দিবার শমক্ গোজ্যং যিয়েনত্ দুধ, মধু আর কনঅ কিজুর অভাব নেই, আর সে শমক্তান্ মুই পুরেই দিম।’ সে দেজ্‌চানই এচ্চ্যে তুমি গজক্ গুরি আগঅ।” ‍ জোবত্ মুই কলুং, “আমেন, লগেপ্রভু।”

যিরমিয় 28:6

তে কলদে, “আমেন, লগেপ্রভু যেন সিয়েন গরে। লগেপ্রভুর ঘরর্ পযাপিরানি আর বাবিলত্তুন বেক্ বন্দীগুনোরে ইধু ফিরেই আনিনে লগেপ্রভু তর্ কোইয়্যে আগাম্ কধানি পুরোন্ গর্।

গণাণা 5:22

এই অভিশাবর্‌ পানিগান্‌ তর্‌ কিয়্যেত্‌ চুমিনে যেনে এমন্‌গুরি কাম্‌ গরে যেনে তর্‌ পেট্টো ফুলি উদে আর তর্‌ মোক্কোর্‌-জিনিসচান অকেজো ওই যায়। ইয়েনর জোবত্‌ মিলেমানুচ্চোত্তুন্‌ কুয়ো পুড়িবো, সিয়েনোই ওক।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

মার্ক 16:20

পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

যোহন 21:25

যীশু আরঅ ভালোক্কানি কাম্ গোজ্যে। যুনি সিয়েনি এক্কান্ এক্কান্ গুরি লেগা অদঅ সালে এদক্ বোই অদঅ যে, মর্ মনে অয় সিবে এ পিত্‌থিমীত্ ন-আঢিদো।

যোহন 7:15

“এ মানুচ্চো কনঅ শিক্ষ্যে ন-পেইনে কিবাবোত্যেগুরি ইয়েনি পৌইদ্যেনে কোই পারে?”

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

১ করিন্হীয় 11:24

সেই রেদোত্ তে রুটিগান্ লোইনে গোজেনরে ভালেদি জানেয়্যে আর কট্টা কট্টা গুরিনে কোইয়্যে, “ইয়েন্ মর্ কিয়্যেগান যিয়েন তমাত্যে দিয়্যে অবঅ; মরে ইদোত্ তুলিবাত্যে এবাবোত্যে গোজ্জ্য।”

১ করিন্হীয় 14:14

মুই যুনি অন্য কনঅ ভাষায় তবনা গরং সালে মর্ আত্মাগানে তবনা গরে মাত্তর্ মর্ মনানে কনঅ কাম্ ন-গরে।

১ করিন্হীয় 14:2

অন্য কনঅ ভাষায় যে মানুচ্চো কধা কয় তে মান্‌জ্য ইধু কধা ন-কয় মাত্তর্ গোজেন ইধু কধা কয়, কিয়া কেঅ সিয়েন বুঝি ন-পারন্। তে আত্মালোই গুমুরো সত্যর্ কধা কয়।

১ করিন্হীয় 16:24

তমা বেক্কুনোত্যে মর্ খ্রীষ্টীয় কোচ্‌পানা রলঅ।

২ করিন্হীয় 1:20

তে নিত্য “অয়”। গোজেনর্ বেক্ এগেমানি খ্রীষ্টর্ মাধ্যমে “অয়” ওই উদে। সেনত্যে গোজেনর্ বাঈনী গুরিবাত্যে খ্রীষ্টর্ মাধ্যমে আমি “আমেন” কোই।

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।

ফগদাং পেইয়্যে 5:14

সেই চের্‌‌‌বো জেদা প্রাণীয়ে কলাক্, “আমেন”। সে পরেদি সেই নেতাগুনে মাঢা নিগুরিনে জু জু জানেলাক্।

ফগদাং পেইয়্যে 7:12

“আমেন। নাঙ্ গিনেনা, বাঈনী গরানা, জ্ঞান, ভালেদি জানানা, সর্মান, খেমতা আর বল্ উমরত্যে আমা গোজেনরই ওক্‌। আমেন।”