১ করিন্হীয় 13:7 - Chakma Bible

⁷ কোচ্‌পানাগানে বেক্কানি সোজ্জ্য গরে, বেক্কুনোরে বিশ্বেজ্ গত্তে আয়োজি, বেক্কানিত্ আজা রাগায় আর বেক্ অবস্থাত্ থির্ থায়।

১ করিন্হীয় 13:7 ပူးပေါင်းရင်းမြစ်များ

পত্থম 29:20

ইয়েন পরেদি যাকোবে রাহেলত্তে সাত বজর্‌ সং কাম্‌ গুরিলো। যাকোব রাহেলরে কোচ্‌পেদ বিলিনে সে বজরুন্‌ তাইধু বানা কয়েক্‌ দিন বিলিনে মনে গুরিলো।

ইয়োব 13:15

তে যুনি মরে মারেয়ো ফেলায় তো তা উগুরে মুই আজা রাগেম্‌; মুই হামাক্কাই তা মুজুঙোত্‌ মঅ পক্ষেদি কধা কোম্‌।

গীতসংহিতা 119:66

মর্ যেনে গম বিচেরবুদ্ধি আর জ্ঞান অয় সেনত্তে তুই মরে শিগেই দে; তর্ বেক উগুমানি মুই বিশ্বেজ্ গরং।

গম্ উপদেজ্ 10:12

ঈচ্ গরানাগানে কোল্-কোজ্যে বাজেই দে, মাত্তর্ কোচ্‌পানাগানে বেক অন্যেয়ানিরে ঢাগি রাগায়।

মথি লেখ্যে গম্ হবর্ 10:22

মত্তে বেক্কুনে তমারে ঘিনেবাক্, মাত্তর্ যে থুম্ সং থির্ থেবঅ তে উদ্ধোর্ পেবঅ।

মার্ক 9:23

যীশু তারে কলঅ, “ ‘যুনি গুরি পারচ্,’ এ কধাগানর অত্তগান্ কি? যে বিশ্বেজ্ গরে তাত্তেই বেক্কানি সম্ভব।”

রোমীয় 15:1

আমি যিগুনে বিশ্বেজদি ঠিগ্, আমি যেন নিজোরে হুজি গরানা ইন্দি চোগ্ ন-দিইনে কম্ বিশ্বেজিগুনোর্ দুর্বলানি সোজ্জ্য গুরিই।

রোমীয় 8:24

পাপত্তুন্ উদ্ধোর্ পেইনে আমি এ আজাগান পেইয়্যেই। আমি যিয়েনত্যে আজা গুরিই আঘি যুনি সিয়েন্ পেই যেই-গোই সালে দঅ সেই আজাগান্ আর আজা ন-থেলঅ। যিয়েন্ পেইয়্যেই সিয়েনত্যে কন্না আজা গুরি থায়?

১ করিন্হীয় 13:4

কোচ্‌পানা নিত্য ধৈজ্জ্য ধরে, দোয়্যে গরে, ইংসে ন-গরে, দেমাগ্ ন-গরে, বার্‌‌বো ন-গরে,

১ করিন্হীয় 9:12

এ পৌইদ্যেনে তমা উগুরে যুনি অন্যগুনোর্ দাবি থায় সালে আমার্ কি সিয়েন আরঅ বেশ্ গুরি ন-থেবঅ? মাত্তর্ আমি সেই দাবিগান কামত্ ন-লাগেই বরং বেক্কানি সোজ্জ্য গুরির্, যেন খ্রীষ্ট পৌইদ্যেনে গম্ হবর্ প্রচার পধত্ আমি কনঅ কাঙেলেত্যে ন-ওই।

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।

দ্বি’লম্বর বিররণ 1:9

সে অক্তত্‌ মুই তমারে কোইয়োং, মর্‌ গায়্‌ গায়্‌ তমারে বুয়োই নেযানা সম্ভব নয়।

দ্বি’লম্বর বিররণ 22:27

কিত্যে মানুচ্চো মিলেবোরে খলাত্‌ পেইয়্যে আর মেলা ঠিগ্ ওইয়্যে মিলেবো যুনিয়ো রঅ ছাড়ে তো তারে রোক্ষ্যে গুরিবার মত কনজন সিয়েনত্‌ ন-এলাক।

২ থিষলনীকীয় 1:4

আর ইয়েনত্যে গোজেন মন্ডলীগুনো মুজুঙোত্ তমারে নিইনে আমি দেমাগ্ গুরির, কিয়া যেদক্কানি অত্যেচার্ আর দুখ্-কষ্ট তুমি সোজ্জ্য গরর্, সিয়েনির ভিদিরেয়ো তমার ধৈজ্জ্য আর বিশ্বেজ্‌চান থিগি আঘে।

২ তীমথিয় 2:24

যিবে প্রভুর চাগর্, তার কোল্-কোজ্জ্যে গরানা উচিত নয়, বরং তাত্তুন্ বেক্কুনো উগুরে দোয়্যেলু উয়ো পরিবো। তাত্তুন্ অন্যগুনোরে শিক্ষ্যে দানর্ খেমতা আর সোজ্জ্যগুণ থাহ্ পরিবো।

২ তীমথিয় 3:11

ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।

২ তীমথিয় 4:5

মাত্তর্ তুই বেক্কানিত্ নিজোরে দোঙেই রাগা, দুঘ্ সোজ্জ্য গর্ আর খ্রীষ্ট পৌইদ্যেনে গম হবর্ প্রচার গরানাত্ থাক্, আর গোজেনে তরে যে কাম গুরিবাত্যে দিয়্যে সিয়েন থুম্ সং গর্।

ইব্রীয় 13:13

সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ পিতর 4:8

আর বেগত্তুন্ দাঙর্ কধাগান অলঅ, তুমি একজন আরেকজনরে যদবদে কোচ্‌পেইয়ো, কিয়া কোচ্‌পানাগানে ভালক্কানি পাপরে ঢাগি রাগায়।