১ করিন্হীয় 13:5 - Chakma Bible

⁵ ভান্ন্যেই বেবহার ন-গরে, নিজোর্ সুবিধের্ চেষ্টা ন-গরে, রাগ্ ন-গরে, কারঅ ভান্ন্যেই বেবহারর্ কধা মনত্ ন-রাগায়,

১ করিন্হীয় 13:5 ပူးပေါင်းရင်းမြစ်များ

২ শমূয়েল 10:3

মাত্তর্‌ অম্মোনীয় নেতাগুনে তারার্‌ গিরোজ্‌ হানূনোরে কলাক্, “তুই কি মনে গরচ্‌, দায়ূদে তঅ বাপ্‌পোরে সর্মান দেগেবাত্তে তরে বুজেবাত্তে মানুচ্‌ পাদেয়্যে? তে আজলে তারারে তইদু পাদেয়্যে যেনে তারা চড়্ ইজেবে শঅরর্‌ হবর্‌ নেযানার পরেন্দি সিয়েন্‌ ভস্ত গুরি দি পারন্‌।”

ইয়োব 21:27

“তুমি যিয়েন্‌ মনে গরর্‌ সিয়েন্‌ মুই গমেডালে হবর্‌ পাং; মঅ বিরুদ্ধে তমার্‌ বেক্‌ কধানি মর্‌ জানা আঘে।

গম্ উপদেজ্ 14:17

বদমেজাজি মানুচ্ ভুলো ধোক্ক্যেন কাম গরন, আর কুজুরোমি গুরিয়্যেবোরে বেক্কুনে ঘিনান্।

যিশাইয় 3:5

মানুচ্ মান্‌জ্যরে, পাড়াল্যে পাড়াল্যেরে অত্যেচার গুরিবাক্; চিগোনুনে বুড়োগুনো বিরুদ্ধে উদিবাক্, আর নাঢা মানুচ্চুনে সর্মান পেইয়্যে মানুচ্চুনো বিরুদ্ধে উদিবাক্।

যিরমিয় 11:19

মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

গণাণা 12:3

আসলে মোশি এলদে এক্কো সিদে মানুচ্‌, পিত্‌থিমীর্‌ যে কনঅ মান্‌জ্যত্তুন্‌ বেশ্‌ সিদে।

গণাণা 16:15

এই কধাগান্‌ শুনিনে মোশি অমহদ রাগ্‌ তুলিনে লগেপ্রভুরে কলঅ, “তুই তারার উৎসর্বগানি গুজি ন-লোচ্‌। মুই তারাত্তুন্‌ এক্কো গাধায়ো ন-নেযাং আর তারার কনঅ ক্ষোতিয়ো ন-গরং।”

গণাণা 32:6

সেক্কে মোশি গাদ আর রূবেণ-গুট্টির মানুচ্চুনোরে কলঅ, তমার ভেইয়ুনে যুদ্ধো গুরিবাত্তে যেবাক্‌ আর তুমি এই জাগানত্‌ বোই থেবা?

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

মথি লেখ্যে গম্ হবর্ 9:4

যীশু তারার্ মন কধা কোই পারিনে কলঅ, “তুমি মনে মনে ভান্ন্যেই চিন্তে কিত্তে গরর্?

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

লূকে লেখ্যে গম্ হবর্ 7:39

যে ফরীশীবো যীশুরে বাত্ত্যেয়্যে তে ইয়েন্ দেগিনে মনে মনে কুয়ো ধুরিলো, “যুনি এ মানুচ্চো ভাববাদী অদঅ সালে হবর্ পেদঅ, কন্না আর কি বাবোত্যে মিলে তা টেঙানি ধরের্; মিলেবো দঅ বজং।”

১ করিন্হীয় 10:24

কেঅ তার নিজোর্ মংগল চেষ্টা ন-গোরোক্ বরং পত্তিজনে অন্যর্ মংগল চেষ্টা গোরোক্।

১ করিন্হীয় 11:18

পত্তমে মুই শুনঙর্, তুমি যেক্কে মন্ডলী ইজেবে একসমারে এগত্তর্ অ সেক্কে তমা ভিদিরে দলাদুলি থায়, আর মুই সিয়েন কিজু বিশ্বেজ্অ গরং।

১ করিন্হীয় 12:25

যেন কিয়্যেগান ভাগ্ ওই ন-যায় বরং ভাগ্‌কানি যেন এক্কান আর এক্কানত্যে সং গুরিনে চিন্তে গরে। যুনি এক্কান ভাগর্ দুঘ্ অয় সালে তা সমারে বেক্ ভাগ্‌কানিয়ে দুঘ্ পায়।

১ করিন্হীয় 7:36

যুনি কেঅ মনে গরে তে তার্ গাবুর্ মিলেবো উগুরে গম্ বেবহার ন-গরের্, যুনি মিলেবোর্ বৌ দেনার্ বয়স পার্ ওই যাইদ্যে ধোক্ক্যেন অয় আর যুনি তে তারে বৌ দিবার দরকার্ মনে গরে, সালে তে নিজোর্ আওজ্ মজিম কাম্ গোরোক্। মিলেবোর্ মেলা ওক্, সিয়েনত্ কনঅ পাপ ন-অয়।

২ করিন্হীয় 5:19

ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,

ফিলিপীয় 2:21

অন্য বেক্কুনে যীশু খ্রীষ্ট পৌইদ্যেনে কামত্ ন-থেইনে নিজো পৌইদ্যেনে কামত্ থান্।

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

২ থিষলনীকীয় 3:7

কেধোক্ক্যেন গুরিনে আমা ধোক্ক্যেন চলানা উচিত সিয়েন তুমি নিজেই কোই পারঅ। তমা ইধু থেবার সময়োত্ আমি আল্‌সি গুরিনে ন-চুলিই,

২ তীমথিয় 2:10

সেনত্যে গোজেনে যিগুনোরে বেঈ লোইয়্যে সিগুনোত্যে মুই বেক্কানি সোজ্জ্য গরঙর্, যেন তারায়ো খ্রীষ্ট যীশুলোই পাপত্তুন্ উদ্ধোর পান্ আর উমরর্ মহিমা লাভ গরন।

২ তীমথিয় 4:16

পত্তম্‌বার যেক্কে মর্ বিচের ওইয়্যে সেক্কে কেঅ মরে এজাল ন-দুয়োন্, বরং বেক্কুনে মরে ফেলেই যেইয়োন; মাত্তর্ ইয়েন যেন তারা বিরুদ্ধে ধরা ন-অয়।

যাকোব 1:19

মর্ কোচ্‌‌পেইয়্যে ভেইয়ুন্, মর্ এ কধাগান খিয়েল্ গরঅ-তুমি বেক্কুনে শুনিবাত্যে আওজি অ, মাত্তর্ যাদিমাদি গুরি কধা কবাত্যে ন-যেয়ো বা রাগ ন-গোজ্জ্য;