১ করিন্হীয় 13:12 - Chakma Bible

¹² আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

১ করিন্হীয় 13:12 ပူးပေါင်းရင်းမြစ်များ

পত্থম 32:30

সেক্কে যাকোবে সে জাগান নাঙান রাগেল পনূয়েল (যিয়েনর্ ভেদ্‌তান্ “গোজেন মু”)। তে কলঅ, “মুই গোজেনরে মুজুঙো-মুজুঙি দেগিনেয়ো বাঁজি আগং।”

ইয়োব 19:26

মঅ চামাড়াগান ভস্ত ওই যানার পরেন্দিয়ো মুই জেদা বাদে গোজেনরে চেই পেম্‌।

ইয়োব 36:26

গোজেনে যে কত্তমান্ দাঙর্ সিয়েন আমি বুঝিও ন-পারিই। তা বয়সছান কদক্ সিয়েন জানানা সম্ভব নয়।

যাত্রা 33:11

মান্‌জে যেধোক্ক্যেন গুরি মুয়োমি ওইনে সমাজ্যে লগে কধা কন্‌ লগেপ্রভু ঠিগ্ সেধোক্ক্যেন গুরিই‌ মোশির্‌ লগে কধা কদঅ‌। পরেন্দি মোশি ইস্রায়েলীয়গুনোর্‌ তাম্বুলোত্‌ ফিরি যেদঅ‌ মাত্তর্‌ নূনোর্‌ পূঅবো যিহোশূয় মিলন-তাম্বুলান ছাড়ি ন-যেদঅ‌। যিহোশূয় নাঙে এই গাবুজ্যেবো অলদে মোশিরে এজাল্‌‌দিয়্যে।

যিহিষ্কেল 17:2

ও মান্‌জ্যর পুয়োবো, উদাহরনর্ মাধ্যমে ইস্রায়েলীয়গুনোরে জানেই দুয়ো,

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।

মথি লেখ্যে গম্ হবর্ 5:8

যিগুনোর্ মনানি দোল্ তারা বর্‍‍‍পেইয়্যে, কিয়া তারা গোজেনরে দেগিবাক্।

রোমীয় 8:18

মুই কোই পারং, আমি যে মহিমাগান্ যেরেদি পেবং সিয়েন তুলনায় আমা এ জিংকানিত্ দুঘ্ পানাগান্ কিচ্চু নয়।

১ করিন্হীয় 13:11

মুই যেক্কে চিগোন চিজি এলুং সেক্কে চিগোন চিজি ধোক্ক্যেন কধা কদুং, চিগোন চিজি ধোক্ক্যেন চিন্তে গত্তুং আর চিগোন চিজি ধোক্ক্যেন বিচের্‌‌অ গত্তুং। ইক্কিনে মর্ বয়চ্ ওইয়্যে, সেনত্তে চিগোন্ চিজির আচার-বেবহারানি বাদ্ দুয়োং।

১ করিন্হীয় 8:3

মাত্তর্ যে গোজেনরে কোচ্‌পায়, গোজেনে তারে জানে।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

২ করিন্হীয় 5:7

যিয়েন দেগা যায় আমি দঅ সিয়েন্দোই ন-চলিই, বরং বিশ্বেজ্‌চোই আঢাউদো গুরিই।

ফিলিপীয় 3:12

মুই যিয়েনত্যে চেষ্টা গরঙর্ সিয়েন ইক্কিনে যে পেইয়োং বা পুরণ ওইয়্যে এমন্‌ নয়। মাত্তর্ যিয়েনত্যে খ্রীষ্ট যীশু মরে ধোজ্জ্যে সিয়েন ধুরিবাত্যে মুই ধাবা দোঙর্।

যাকোব 1:23

যে বানা সেই কধানি শুনে মাত্তর্ সে ধগে কাম্ ন-গরে তে এমন্‌ মান্‌জ্য ধোক্ক্যেন, যে আনাত্ নিজো চেঙেরাগান্ চেইনে যায়ই আর সেক্কেনে সিয়েন ভুলি যায়।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

ফগদাং পেইয়্যে 22:4

তারা তা মুয়োন দেগিবাক্ আর তা নাঙান্ তারার্ কবালত্ লেগা থেবঅ।