১ করিন্হীয় 13:1 - Chakma Bible

¹ মুই যুনি মান্‌জ্যর আর স্বর্গদূত্‌‌তুনোর্ ভাষায় কধা কং মাত্তর্ ম-ইধু কোচ্‌পানা ন-থায়, সালে মুই বেশ গুরি বাজেয়্যে ঘন্টা বা ঝন্‌‌‌ঝন্‌ গোজ্জ্যে তাল ধোক্ক্যেন ওইয়োং।

১ করিন্হীয় 13:1 ပူးပေါင်းရင်းမြစ်များ

গীতসংহিতা 150:5

দাঙর্ দাঙর্ রঅ গুরিনে করতাল বাজেইনে তারে নাঙ্ গিনো, ঝন্‌ঝন্ গোজ্যে ঝুরি বাজেইনে তারে নাঙ্ গিনো।

মথি লেখ্যে গম্ হবর্ 25:45

“জোবত্ তে তারারে কবঅ, ‘মুই তমারে ঘেচ্চেকগুরি কঙর্, তুমি যেক্কে এই সামান্য মানুচ্চুনো ভিদিরে কনঅ একজনত্তে সিয়েন্ ন-গরঅ সেক্কে সিয়েন্ মত্তেয়ো ন-গরঅ।’ ”

মার্ক 16:17

যিগুনে বিশ্বেজ্ গরন্ তারা ইধু এ চিহ্নোগান্ দেগা যেবঅ-মঅ নাঙে তারা ভুদ্ ধাবেবাক্, তারা নুয়ো নুয়ো ভাষায় কধা কবাক্,

রোমীয় 14:15

কনঅ হানাত্যে যুনি তুই তঅ ভেইয়ো মনত্ দুঘ্ দুয়োচ্ সালে দঅ তুই আর কোচ্‌পানার্ মনভাব্‌পোই ন-চলর্। যে ভেইয়োত্যে খ্রীষ্ট মোজ্জ্যে, হানাত্যেই তারে নাশ্ ন-গোজ্জ্য।

১ করিন্হীয় 12:16

কানানে যুনি কয়,“মুই চোগ্ নয় বিলি কিয়্যের্ ভাগ্অ নয়,” সালে সিয়েন যে কিয়্যের্ ভাগ্ নয় এমন নয়।

১ করিন্হীয় 12:8

কাররে কাররে সেই পবিত্র আত্মার্ মাধ্যমে জ্ঞানর্ কধা বা বুদ্ধির্ কধা কবাত্যে দিয়্যে অয়।

১ করিন্হীয় 13:8

এ কোচ্‌পানাগান্ কনদিন্অ থুম্ ন-অয়। ভাববাদী ইজেবে কধা কবার্ যে খেমতাগান্ আঘে সিয়েন থুম্ ওই যেবঅ; নানান্ ভাষায় কধা কবার্ যে খেমতাগান্ আঘে সিয়েন যেবগোই; জ্ঞান আঘে, সিয়েন-অ থুম্ ওই যেবঅ;

১ করিন্হীয় 14:2

অন্য কনঅ ভাষায় যে মানুচ্চো কধা কয় তে মান্‌জ্য ইধু কধা ন-কয় মাত্তর্ গোজেন ইধু কধা কয়, কিয়া কেঅ সিয়েন বুঝি ন-পারন্। তে আত্মালোই গুমুরো সত্যর্ কধা কয়।

১ করিন্হীয় 14:4

অন্য কনঅ ভাষায় যে মানুচ্চো কধা কয় তে নিজোরে গড়েই তুলে, মাত্তর্ ভাববাদী ইজেবে যে কধা কয় তে মন্ডলী মানুচ্চুনোরে গড়েই তুলে।

১ করিন্হীয় 14:5

মুই চাং যেন তুমি বেক্কুনে নানান্ ভাষায় কধা কোই পারঅ, মাত্তর্ আরঅ বেশ্ গুরি চাং যেন তুমি ভাববাদী ইজেবে কধা কোই পারঅ। অন্য কনঅ ভাষায় যে মানুচ্চো কধা কয়, মন্ডলীর্ মানুচ্চুনোরে গড়েই তুলিবাত্যে যুনি তে তার্ কধানির্ অত্তগান বুঝেই ন-দে, সালে তাত্তুন্ ভাববাদী ইজেবে যে কধা কয় তে-ই বরং দাঙর্।

১ করিন্হীয় 8:1

এবার্ মুই মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, আমার্ বেক্কুনোর জ্ঞান আঘে। জ্ঞান মান্‌জ্যরে দেমাগ্ গরে, মাত্তর্ কোচ্‌পানা মান্‌জ্যরে গড়েই তুলে।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

১ পিতর 4:8

আর বেগত্তুন্ দাঙর্ কধাগান অলঅ, তুমি একজন আরেকজনরে যদবদে কোচ্‌পেইয়ো, কিয়া কোচ্‌পানাগানে ভালক্কানি পাপরে ঢাগি রাগায়।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

ফগদাং পেইয়্যে 14:2

সে পরেদি মুই স্বর্গত্তুন্ জোরে বেঈ যেইয়্যে গঙার পানি রঅ ধোক্ক্যেন আর জোরে দেবা পেরাগ পড়েদে ধোক্ক্যেন এক্কো রঅ শুনিলুং। যে রবুয়ো মুই শুনিলুং সিবে অলদে বীণা-বাজেয়্যেগুনোর্ বীণার আবাজ ধোক্ক্যেন।