১ করিন্হীয় 12:3 - Chakma Bible

³ মুই তমারে জানাঙর্, গোজেন আত্মালোই কধা কলে কেঅ ন-কন্, “যীশু উগুরে অভিশাপ্ পোরোক্।” আরঅ পবিত্র আত্মার্ মাধ্যমে ন-অলে কেঅ কোই ন-পারন্, “যীশু প্রভু”।

১ করিন্হীয় 12:3 ပူးပေါင်းရင်းမြစ်များ

গীতসংহিতা 109:20

মঅ বিপক্কগুনে, যিগুনে মঅ পৌইদ্যেনে বজং কধা কন্, তারা লগেপ্রভুত্তুন্ যেন এ ফল পান।

মথি লেখ্যে গম্ হবর্ 22:43

সেক্কে যীশু তারারে কলঅ, “সালে দায়ূদে কেধোক্ক্যেন্ গুরি মশীহরে পবিত্র আত্মার্ পরিচালনায় প্রভু বিলি ডাক্যে? তে কোইয়্যেদে,

মার্ক 9:39

যীশু কলঅ, তারে মানা ন-গোজ্য। মঅ নাঙে আমক্ কাম্ গুরিবার পরেদি কেঅ ফিরিনে মরে নিন্দে গুরি ন-পারন্,

যোহন 13:13

তুমি মরে মাষ্টর্ আর প্রভু বিলি ডাগঅ, আর সিয়েন্ থিগই কঅ কিয়া মুয়ই সিবে।

যোহন 13:14

মাত্তর্ মুই প্রভু আর মাষ্টর্ ওইনেয়ো যেক্কে তমা টেঙানি ধোই দিলুং সেক্কে তুমিয়ো একজন আরেকজনরে টেঙানি ধোই দেনা উচিত্।

যোহন 15:26

যে এজাল্ দিয়্যেবোরে মুই বাবা ইত্তুন্ তমা ইধু পাধেই দিম্, তে যেক্কে এবঅ সেক্কে তেয়ই মঅ পৌইদেনে সাক্ষি দিবো। তে অলঅ সত্যর্ আত্মা যিবে বাবাত্তুন্ এবঅ।

রোমীয় 10:9

সেই কধাগান্ অলঅ, যুনি তুই যীশুরে প্রভু বিলিনে মুুয়োদি স্বিগের্ গরচ্ আর মনেদি বিশ্বেজ্ গরচ্ যে, গোজেনে তারে মরণত্তুন্ জেদা গোজ্জ্যে সালেই তুই পাপত্তুন্ উদ্ধোর্ পেবে;

রোমীয় 9:3

মঅ ভেইয়ুনো বদলে, অত্তাৎ যিগুনে মঅ জাদর্ মানুচ্‌ তারার্ বদলে যুনি সম্ভব অদঅ সালে মুই নিজেই খ্রীষ্ট কায়-কুরেত্তুন দূর্ ওই যেবার্ অভিশাব্ মানি লোদুং।

১ করিন্হীয় 16:22

যুনি কেঅ প্রভুরে কোচ্‌ ন-পায় সালে তা উগুরে অভিশাব্ পোড়োক্। আমা প্রভু এজোক্।

১ করিন্হীয় 8:6

মাত্তর্ আমাত্তে গোজেন বানা এক্কো আঘে। তেয়ই বাপ্; তাত্তুন্ বেক্কানি এচ্চ্যে আর তাত্তেই আমি বাঁজি আঘিই। আর প্রভুয়ো আমার বানা এক্কো, তে যীশু খ্রীষ্ট। তা মাধ্যমে বেক্কানি এচ্চ্যে আর তা মাধ্যমে আমি বাঁজি আঘিই।

২ করিন্হীয় 11:4

যে যীশুর্ কধা আমি প্রচার গোজ্জ্যেই কেঅ যেক্কে তারে বাদে অন্য কনঅ যীশুর্ কধা তমা ইধু প্রচার গরে, বা যে পবিত্র আত্মাগানরে তুমি পেইয়ো তারে বাদে যুদো কনঅ বাবোত্যে আত্মা যেক্কে তুমি পঅ, বা যে গম্ হবরান তুমি মানি লোইয়ো সিয়েনত্তুন্ যুদো কনঅ বাবোত্যে গম্ হবর্ যেক্কে তুমি পঅ, সেক্কে দঅ দেগঙত্তে হুজি ওইনে সিয়েনি বেক্কানি মানি লঅ।

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

দ্বি’লম্বর বিররণ 21:23

মাত্তর্‌ বেন্যেমাদান্ সং তার্‌ কিয়্যেগান গাজত্‌ টাঙেই রাগে ন-পারিবো। সেদিন্যে তারে গোর্ দিয়্যে পুরিবো, কিত্যে গাজত্‌ টাঙেই রাগাইদে মানুচ্চো গোজেনর অভিশাব পেইয়্যে। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ সিয়েন তুমি অসিজি ন-গুরিবা।

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।