১ করিন্হীয় 12:12 - Chakma Bible

¹² এক্কান্ কিয়্যের্ যেবাবোত্যে ভালোক্কানি ভাগ্ থায় আর সেই ভাগ্‌‌কানি ভালোক্কানি অলেয়ো যেবাবোত্যেগুরি বেক্কানি মিলিনে এক্কানগুরি কিয়্যে অয়, খ্রীষ্টয়ো ঠিগ্ সেবাবোত্যে।

১ করিন্হীয় 12:12 ပူးပေါင်းရင်းမြစ်များ

১ করিন্হীয় 10:17

আমি ভালোক্কুন অলেয়ো একই কিয়্যে, কিয়া বানা এক্কান রুটি আঘে, আর আমি বেক্কুনে সেই রুটির কট্টাগান্ লোই।

১ করিন্হীয় 12:20

কিয়্যের্ ভাগ্ ভালোক্কানি ঠিগ্ মাত্তর্ কিয়্যে এক্কান।

১ করিন্হীয় 12:27

তুমিই খ্রীষ্টর্ কিয়্যেগান্ আর এক একজন সেই কিয়্যেগানর্ এক এক্কান্ ভাগ্।

১ করিন্হীয় 12:7

বেক্কুনোর্ ভালেদিত্যে এক এক মান্‌জ্য ভিদিরে এক এক বাবোত্যে গুরিনে পবিত্র আত্মা ফগদাং অয়।

গালাতীয় 3:16

অব্রাহাম আর তার্ গুট্টিগুনো ইধু গোজেনে এগেম্ গোজ্জ্যে। পবিত্র বোইবো ন-কয়, “গুট্টিগুনো ইধু,” অত্তাৎ ভালোক্ গুট্টি ইধু, বরং কোইয়্যেদে, “তর্ গুট্টিগুনো ইধু,” অত্তাৎ এক্কো গুট্টি ইধু, আর সেই গুট্টিগুনোর্ বংশ অলঅ খ্রীষ্ট।

ইফিষীয় 1:23

এ মন্ডলী আজলে খ্রীষ্টর্ কিয়্যেগান। যিবে বেক্কানিত্তুন্ বেক্কানি পুরেই দে সেই খ্রীষ্টর্ পুরেই দেনাগান্ অলঅ এ মন্ডলী।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ইফিষীয় 4:4

গোজেনে তমারে ডাক্ক্যে বিলিনে তমা ইধু বানা এক্কান আজা আঘে, বানা এক্কানই কিয়্যে আঘে, একজনই সুদ্ধো-সাংগ আত্মাবলা আঘে,

ইফিষীয় 5:23

কিয়া খ্রীষ্ট যেধোক্ক্যেন মন্ডলীর, অত্তাৎ তার্ কিয়্যেগানর্ মাঢাবো, নেগ্‌‌‍কোয়ো সেধোক্ক্যেন মোগ্‌‌‍কোর্ মাঢা। সিয়েনবাদে খ্রীষ্টই এ কিয়্যেগানর্ উদ্ধোরগুরিয়্যেবো।

ইফিষীয় 5:30

কিয়া আমি তা কিয়্যেগানর্ ভাগ্।

কলসীয় 1:18

ইয়েনবাদে তেয়ই তার্ কিয়্যেগানর্, অত্তাৎ মন্ডলীর মাঢাবো। তেয়ই পত্তম্ আর তেয়ই মরণত্তুন্ পৌইল্যা জেদা ওইয়্যে, যেন বেক্কানিত্ তেয়ই আজল্লো ওই পারে।

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।

কলসীয় 3:15

খ্রীষ্ট যে সুগ্-শান্দি দে সেই সুগ্-শান্দিগান তমা রিবেঙত্ থেইনে তমারে পরিচালনা গোরোক্। সুগে-শান্দিয়্যে থেবাত্যে দঅ তমারে বেক্কুনোরে এক্কান কিয়্যে ইজেবে ডাগা ওইয়্যে। তুমি কৃতজ্ঞ থাগঅ।