১ করিন্হীয় 11:7 - Chakma Bible

⁷ মাঢাবো ঢাঘি রাগানা মরদর্ উচিত নয়, কিয়া গোজেনে মরদরে নিজো ধোক্ক্যেন গুরি বানেয়্যে আর মরদর্ মাধ্যমে গোজেনর্ বাঈনী ফগদাং পায়; মাত্তর্ মিলেগুনোর্ মাধ্যমে মরদ্‌তুনোর্ বাঈনী গরানা ফগদাং পায়।

১ করিন্হীয় 11:7 ပူးပေါင်းရင်းမြစ်များ

পত্থম 3:16

সে পরেদি তে সে মিলেবোরে কলঅ, “মুই তরে পুয়ো অবার অক্তত্‌ তঅ শুলোনি অমকদ বাড়েই দিম্‌। তুই দুঘোত্ পুয়ো পুদেবে। নেগত্যে তর্‌ অমকদ আওজ্‌ অবঅ, আরঅ তে তঅ উগুরে সদ্দারী গুরিবো।”

পত্থম 5:1

ইবে অলঅ আদম বংশগুনোর্ কধা। মানুচ্‌ সৃট্টি গুরিবার অক্তত্‌ গোজেনে তারে তা নিজো ধোক্ক্যেন গুরি বানেল;

পত্থম 9:6

গোজেনে মানুচ্চুনোরে তা ধোক্ক্যেন গুরি বানেইয়্যে; সেনত্ত্যে কনঅ মান্‌জ্যরে যুদি কেউ খুন্‌ গরন্‌ সালে অন্য একজনত্তুন্‌ সে খুনীবোর পরাণান্‌ নেযা অবঅ।

গীতসংহিতা 8:6

তঅ আঢে বানেবার শাজন্ ভারান তুই তা আঢত্ দুয়োচ্ আর তা টেঙ তলাত্ রাগেয়োচ্ ইয়েনি বেক্কানি-

গম্ উপদেজ্ 12:4

গম্ আর গুণবলা মোগ্ নেগর্ মাঢাবোর মুকুট ধোক্ক্যেন্, মাত্তর্ যে মোক্কো লাজ্ গরে পারা কাম গরে তে তা নেক্কোর পঁচা আড় ধোক্ক্যেন।

১ করিন্হীয় 11:3

মুই চাং যেন তুমি বুঝি পারঅ যে, খ্রীষ্ট পত্তি মরদ্ পুয়োর্ মাঢাবো ধোক্ক্যেন্, নেগ্‌কো তা মোগ্‌কোর্ মাঢাবো ধোক্ক্যেন্, আর গোজেনে খ্রীষ্টর্ মাঢাবো ধোক্ক্যেন।

১ করিন্হীয় 11:6

যুনি কনঅ মিলে মাঢাবো ন-ঢাগে সালে তে তার্ চুলান্অ কাবি ফেলোক্। মাত্তর্ মিলেবোর্ পক্কে চুল কাবি ফেলানা বা মাঢাবো মুড়েই ফেলানা লাজেবার্ কধা বিলিনে তে তার্ মাঢাবো ঢাঘি থোক্।

২ করিন্হীয় 8:23

তীত পৌইদ্যেনে মর্ যিয়েন কবার্ আঘে সিয়েন এই-তে মর্ সমাজ্জ্যে আর মঅ লগে তে তমাত্যে কাম্ গরের্। আর অন্য ভেইয়ুনো পৌইদ্যেনে মর্ যিয়েন কবার্ আঘে সিয়েন এই-মন্ডলীগুনে তারারে বেঈ লোইনে পাধাদন্। এ ভেইয়ুনোর্ মাধ্যমে খ্রীষ্টরে বাঈনী গরা অয়।

যাকোব 3:9

এ জিলান্‌দোই আমি আমার প্রভুর্, অত্তাৎ বাবা গোজেনর্ বাঈনী গুরিই, আরঅ এ জিলান্দোই তা ধোক্ক্যেন গুরি বানেয়্যে মানুচ্চুনোরে অভিশাব্ দিই।