১ করিন্হীয় 11:34 - Chakma Bible

³⁴ যুনি কারঅ পেট পুরে সালে তে ঘরত্তুন্ হেই এজোক্, যেন মন্ডলী ইজেবে এক জাগাত এগত্তর্ অনার্ ফলে সাজা ন-পেই। অন্য বেক্কানি পৌইদ্যেনে মুই যেক্কে এম্ সেক্কে উপদেচ্‌ দিম্।

১ করিন্হীয় 11:34 ပူးပေါင်းရင်းမြစ်များ

১ করিন্হীয় 11:33

সেনত্তে মর্ ভেইয়ুন, যেক্কে হেবাত্যে তুমি মন্ডলী ইজেবে এক জাগাত এগত্তর্ অ সেক্কে একজন আর একজনত্যে বাজ্জ্যেই থাগঅ।

১ করিন্হীয় 16:1

এবেরা মুই গোজেন মানুচ্চুনোর্ সাহায্যত্যে চান্দা তুলোনা পৌইদ্যেনে কঙর্। গালাতিয়া রেজ্যর্ মন্ডলীগুনোর্ মানুচ্চুনোরে মুই যে উগুমান দুয়োং তুমিয়ো সেবাবোত্যে গরঅ।

১ করিন্হীয় 16:2

তুমি বেক্কুনে তমার্ আয় মজিম্ সাপ্তার্ পত্তম দিনোত্ কিজু তুলিনে থুবো, যেন মুই লুমিলে পরেদি চান্দা তুলো ন-পরে।

১ করিন্হীয় 16:5

ম্যাসিডোনিয়া রেজ্যন্দি গুরি মুই তমা ইধু এম্, কিয়া মুই ম্যাসিডোনিয়া ভিদিরেদি যেম্।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

১ করিন্হীয় 4:19

মাত্তর্ প্রভুর আওজ্ অলে মুই সবরে তমা ইধু এম্। যিগুনে দেমাগে ফুলি উত্ত্যন্ তারার কধাবাত্তানি শুনিবাত্যে ন-এম্, মাত্তর্ তারার্ খেমতাগান কত্তমান সিয়েন চেবাত্যে এম্।

১ করিন্হীয় 7:17

সেনত্তে, প্রভু যিবেরে যে অবস্থায় থোইয়্যে আর গোজেনে যিবেরে যিয়েনত্তে ডাক্ক্যে, সেই মজিম তে চোলোক্। এ উগুমান মুই বেক্ মন্ডলীগুনোত্ দি থাং। কনঅ চুনু মাঢা কাবা মান্‌জ্যরে কি ডাগা ওইয়্যে? মাত্তর্ সে চুনু মাঢা কাবা চিহ্নোগান্ পুজি ন-ফেলোক্।

তীত 1:5

ক্রীট দ্বীবোত্ যে কামানি এজঅ সং আদ্‌ধান্ন্যেগুরি রোইয়্যে সিয়েনি ঠিগ্ গুরিবাত্যে মুই তরে ক্রীট দ্বীবোত্ থোই এচ্চ্যং। মুই তরে যে উগুমানি দুয়োং সেই মজিম পত্তি শঅর মন্ডলীর্ আজল্ নেতাগুনোরে কামত্ অদেঅদে রাগা।