১ করিন্হীয় 11:22 - Chakma Bible

²² হানা-দানা গুরিবাত্যে কি তমার বাড়ী-ঘর্ নেই? না কি তুমি গোজেনর্ মন্ডলীবোরে ঈচ্ গরর্ আর যিগুনোর্ কিচ্চু নেই তারারে লাজ্ দুয়োর্? মুই তমারে কি কোম্? মুই কি ইয়েনত্ তমারে বাঈনী গুরিম? খামাক্কায় নয়।

১ করিন্হীয় 11:22 ပူးပေါင်းရင်းမြစ်များ

গম্ উপদেজ্ 17:5

যে মানুচ্চো নাঢা মান্‌জ্যরে ঠাট্টা গরে তে তারার গোজেনরে অগমান গরে; যে অন্যগুনোর দযাত্ হুজি অয় তে সাজা পেবদে পেবঅ।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 11:17

এবেরা মুই যে বেপারান উগুম দিবাত্যে যাঙর্ সে পৌইদ্যেনে মুই তমারে নাঙ্ ন-গিনোং, কিয়া তুমি যেবাবোত্যেগুরি মন্ডলীত্ এগত্তর্ অ সিয়েন্দোই তমার্ উপকার্ ন-ওইনে ক্ষতি অয়।

১ করিন্হীয় 11:2

মুই তমারে বাঈনী গরঙর্, কিয়া তুমি বেক্কানি পৌইদ্যেনে মঅ কধানি মনত্ গুরি থাগঅ, আর মুই তমারে যে শিক্ষ্যেনি দুয়োং সিয়েনি ধুরি রাগর্।

১ করিন্হীয় 11:34

যুনি কারঅ পেট পুরে সালে তে ঘরত্তুন্ হেই এজোক্, যেন মন্ডলী ইজেবে এক জাগাত এগত্তর্ অনার্ ফলে সাজা ন-পেই। অন্য বেক্কানি পৌইদ্যেনে মুই যেক্কে এম্ সেক্কে উপদেচ্‌ দিম্।

১ করিন্হীয় 15:9

প্রচারগ্‌কুনো ভিদিরে মুই বেক্কুনোত্তুন্ তলে, এন্‌ কি, প্রচারক বিলিনে কেঅ যে মরে ডাগে সিয়েনর্ যগাজ্যেয়ো মুই নয়, কিয়া গোজেনর্ মন্ডলীরে মুই অত্যেচার্ গত্তুং।

১ তীমথিয় 3:5

যিবে তার্ নিজো ঘর পৌইদ্যেনে পরিচালনা গুরি ন-জানে তে কেধোক্ক্যেন গুরিনে গোজেন মন্ডলীর দেগাশুনো গুরিবো?