১ করিন্হীয় 11:17 - Chakma Bible

¹⁷ এবেরা মুই যে বেপারান উগুম দিবাত্যে যাঙর্ সে পৌইদ্যেনে মুই তমারে নাঙ্ ন-গিনোং, কিয়া তুমি যেবাবোত্যেগুরি মন্ডলীত্ এগত্তর্ অ সিয়েন্দোই তমার্ উপকার্ ন-ওইনে ক্ষতি অয়।

১ করিন্হীয় 11:17 ပူးပေါင်းရင်းမြစ်များ

গম্ উপদেজ্ 27:5

কনজনে যুনি তরে কোচ্‌‌পান অদচ সিয়েন ফগদাং ন-গরে, তাত্তুন্ বরং কনজনে যুনি তরে গমেডালে দুজ্‌‌ছান দেগেই দুয়োন সিয়েন গম্।

লেবীয় 19:17

অন্য উগুরে মন ভিদিরে ঘিনাইদে মনোভাব রাগানা ন-চলিবো। অন্য মান্‌জ্যর্‌ দুষ্‌চান্‌ হামাক্কায়্‌ দেগেই দিয়া পড়িবো যেনে তার্‌ কারনে তুমি নিজে দুষি ন-অ।

রোমীয় 13:3

যিগুনে গম্ কাম্ গরন্ শাসনগুরিয়্যেগুনোরে দোরেবার কনঅ কারন তারার্ ন-থায়, মাত্তর্ যিগুনে অন্যেয় গরন্ তারা দরান্। শাসন গুরিয়্যেগুনোরে ন-দোরেইনে কি তুমি চলিবাত্তে চঅ? সালে যিয়েন গম্ সিয়েন গুরি থাগঅ। সেক্কে তুমি তাত্তুন্ বাঈনী পেবা।

১ করিন্হীয় 11:2

মুই তমারে বাঈনী গরঙর্, কিয়া তুমি বেক্কানি পৌইদ্যেনে মঅ কধানি মনত্ গুরি থাগঅ, আর মুই তমারে যে শিক্ষ্যেনি দুয়োং সিয়েনি ধুরি রাগর্।

১ করিন্হীয় 11:20

মন্ডলী ইজেবে এক জাগাত্ এগত্তর্ ওইনে যিয়েন খঅ সিয়েন আসলে প্রভুর্ হানা নয়,

১ করিন্হীয় 11:22

হানা-দানা গুরিবাত্যে কি তমার বাড়ী-ঘর্ নেই? না কি তুমি গোজেনর্ মন্ডলীবোরে ঈচ্ গরর্ আর যিগুনোর্ কিচ্চু নেই তারারে লাজ্ দুয়োর্? মুই তমারে কি কোম্? মুই কি ইয়েনত্ তমারে বাঈনী গুরিম? খামাক্কায় নয়।

১ করিন্হীয় 11:34

যুনি কারঅ পেট পুরে সালে তে ঘরত্তুন্ হেই এজোক্, যেন মন্ডলী ইজেবে এক জাগাত এগত্তর্ অনার্ ফলে সাজা ন-পেই। অন্য বেক্কানি পৌইদ্যেনে মুই যেক্কে এম্ সেক্কে উপদেচ্‌ দিম্।

১ করিন্হীয় 14:23

মন্ডলীর্ বেক্‌ মানুচ্চুন এক জাগাত্ এগত্তর্ অলে পরেদি যুনি বেক্কুনে নানান্ ভাষায় কধা কনাত্ থান্ আর সেক্কে সেই মন্ডলীর্ বারেদি মানুচ্চুনে আহ্ অবিশ্বেজিগুনে ভিদিরে এজন্, সালে কি তারা তমারে পাগল ন-কবাক্?

১ করিন্হীয় 14:26

ভেইলগ্, সালে কি কোম্? তুমি যেক্কে মন্ডলীত্ এক জাগাত্ এগত্তর্ অ সেক্কে তমাত্তুন্ কেঅ নাঙ্-গিনিবার্ গীদ্ গরে, কেঅ শিক্ষ্যে দে, কেঅ গোজেনর্ সত্য ফগদাং গরে, কেঅ অন্য ভাষায় কধা কয়, আরঅ কেঅ সিয়েনর্ অত্তগান বুঝেই দে। যে যিয়েন গত্ত সাৎ বেক্কানি যেন মন্ডলীরে গড়েই তুলিবাত্যে গরা অয়।

ইব্রীয় 10:25

কনঅ কনঅ মান্‌জ্যর যেধোক্ক্যেন অভ্যেস্ আঘে তারা ধোক্ক্যেন আমি যেন তেম্মাঙত্ এক সমারে এগত্তর্ অনা বাদ্ ন-দিই, বরং খ্রীষ্টর্ এবার দিন্নো যেদক্ কায়কুরে এবঅ সেদক্ যেন আমি একজন আরেক জনরে আরঅ উচ্চোমি দেনাত্ থেই।

১ পিতর 2:14

অন্যেয় গুরিয়্যে গুনোরে সাজা দিবাত্যে আর যিগুনে গম কাম গরন্ তারারে নাঙ্ গিনিবাত্যে সম্রাটে যে শাসনগুরিয়্যে গুনোরে পাদায় তারার্ অধীনোত্অ থাগঅ।