১ করিন্হীয় 10:32 - Chakma Bible

^32-33 মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 10:32 ပူးပေါင်းရင်းမြစ်များ

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

রোমীয় 14:13

ইয়েনত্তে আমি যেন একজন আরেক্ জনরে দুষ্ ন-ধুরিই, বরং এমন্‌ কনঅ কাম্ ন-গুরিবোং বিলিনে ঠিগ্ গুরিই, যিয়েন দেগিনে কনঅ ভেই মনত্ যাগুলুক্ পায় বা পাপত্ পড়িই পারে।

১ করিন্হীয় 11:22

হানা-দানা গুরিবাত্যে কি তমার বাড়ী-ঘর্ নেই? না কি তুমি গোজেনর্ মন্ডলীবোরে ঈচ্ গরর্ আর যিগুনোর্ কিচ্চু নেই তারারে লাজ্ দুয়োর্? মুই তমারে কি কোম্? মুই কি ইয়েনত্ তমারে বাঈনী গুরিম? খামাক্কায় নয়।

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

১ করিন্হীয় 15:9

প্রচারগ্‌কুনো ভিদিরে মুই বেক্কুনোত্তুন্ তলে, এন্‌ কি, প্রচারক বিলিনে কেঅ যে মরে ডাগে সিয়েনর্ যগাজ্যেয়ো মুই নয়, কিয়া গোজেনর্ মন্ডলীরে মুই অত্যেচার্ গত্তুং।

১ করিন্হীয় 7:17

সেনত্তে, প্রভু যিবেরে যে অবস্থায় থোইয়্যে আর গোজেনে যিবেরে যিয়েনত্তে ডাক্ক্যে, সেই মজিম তে চোলোক্। এ উগুমান মুই বেক্ মন্ডলীগুনোত্ দি থাং। কনঅ চুনু মাঢা কাবা মান্‌জ্যরে কি ডাগা ওইয়্যে? মাত্তর্ সে চুনু মাঢা কাবা চিহ্নোগান্ পুজি ন-ফেলোক্।

১ করিন্হীয় 8:13

হানাত্তে যুনি মঅ ভেইবো পাপত্ পড়ে সালে মঅ ভেইবো যাতে পাপত্ ন-পড়ে সেনত্তে মুই য়েরা হানা ছাড়ি দিম।

২ করিন্হীয় 1:1

মুই পৌল গোজেনর্ আওজে খ্রীষ্ট যীশুর এক্কো প্রচারক্ ওইয়োং। মুই আর আমা বিশ্বেজি ভেই তীমথিয় করিন্থ শঅরর্ গোজেন মন্ডলী আর আখায়া রেজ্যর্ গোজেনর্ বেক্‌ মানুচ্চুনো ইধু এ চিধিগান্ লেগঙর্।

২ করিন্হীয় 6:3

খ্রীষ্টত্যে আমি যে কাম্ গুরিই সিয়েনর যেন বদ্‌‌নাঙ্ ন-অয় সেনত্তে আমি এমন্‌ কিজু ন-গুরির্ যিয়েনর কারনে কেঅ কনঅ বাবদে মনত্ দুঘ্ ন-পান্।

গালাতীয় 1:13

যিহূদী ধর্ম পালেবার্ অক্তত কেধোক্ক্যেন গুরি মুই জিংকানি কাদেদুং সিয়েন দঅ তুমি শুন্ন্য। আর তুমি ইয়েন্অ শুন্ন্যদে, কি সাংগাদিক্ গুরি মুই গোজেন মন্ডলীগুনো উগুরে অত্যেচার্ গত্তুং আর সিগুন ভস্ত গুরিবার্ চেষ্টা গত্তুং।

ফিলিপীয় 1:10

সালে যিয়েন ঘেচ্চ্যেক গুরিনে বেক্কানিত্তুন্ গম সিয়েন তুমি বুঝিনে বেঈ লোই পারিবা। ইয়েন্দোই তুমি যীশু খ্রীষ্টর্ মাধ্যমে গম্ জিংকানির্ ফলে ভর্‌পুনোং ওইনে খ্রীষ্টর্ এবার দিন্নো সং খাটি আর থুদো নেইয়্যে থেই পারিবা; আর ইয়েন্দোই গোজেনর্ বাঈনী আর নাঙ্ গিনেনা অবঅ।

ফিলিপীয় 3:6

ধর্ম পৌইদ্যেনে মুই এমন্‌ একবুচ্চ্যে এলুং, খ্রীষ্ট মন্ডলী উগুরে মুই অত্যেচার্ গত্তুং; আর গোজেনর্ মানি লোইয়্যে অবার্ আজায় মোশির আইন-কানুন্ পালানা পৌইদ্যেনে কেঅ মরে বদ্‌নাঙ্ গুরি ন-পাত্তাক্।

১ থিষলনীকীয় 2:14

ভেইলগ্, যিহূদিয়া রেজ্যত খ্রীষ্ট যীশু লগে গোজেনর্ যে মন্ডলীগুন্ আঘন, তমা অবস্থা তারা ধোক্ক্যেন। যিহূদীগুনো আঢত্ তারা যেত্তমান দুঘ্ পেইয়োন, তুমিয়ো নিজো দেজর্ মানুচ্চুনো আঢত্ সেই একই দুঘোত্ ভুগ্‌গো।

১ তীমথিয় 3:5

যিবে তার্ নিজো ঘর পৌইদ্যেনে পরিচালনা গুরি ন-জানে তে কেধোক্ক্যেন গুরিনে গোজেন মন্ডলীর দেগাশুনো গুরিবো?

রূত 3:14

সেনত্তে রূতে বেন্যেপোত্যে সং তা টেঙর্‌ তলে পড়ি রলঅ। বোয়সে কোইয়্যে, এক্কো মিলে যে খামারত্‌ এচ্চ্যে সিয়েন যেনে কনজনে হবর্ ন-পান। সেনত্তে একজন আরেকজনরে চিনেদে ধোক্ক্যেন পহ্‌র অবার আগেদি রূতে উদি গেলঅ।