১ করিন্হীয় 10:23 - Chakma Bible

²³ কেঅ কেঅ কন্, “কনঅ কিজু গরানা অনুচিত্ নয়।” সিয়েন ঠিগ্, মাত্তর্ বেক্কানি যে মান্‌জ্যর উপকার গরে সিয়েন নয়। কনঅ কিজু গরানা অনুচিত্ নয় ঠিগ্, মাত্তর্ বেক্কানিয়ে যে মান্‌জ্যরে গোড়েই তুলে সিয়েন নয়।

১ করিন্হীয় 10:23 ပူးပေါင်းရင်းမြစ်များ

রোমীয় 14:15

কনঅ হানাত্যে যুনি তুই তঅ ভেইয়ো মনত্ দুঘ্ দুয়োচ্ সালে দঅ তুই আর কোচ্‌পানার্ মনভাব্‌পোই ন-চলর্। যে ভেইয়োত্যে খ্রীষ্ট মোজ্জ্যে, হানাত্যেই তারে নাশ্ ন-গোজ্জ্য।

১ করিন্হীয় 14:12

তমার্ বেলায়-অ এ কধাগান্ খাদে। তুমি যেক্কে পবিত্র আত্মার্ দিয়্যে দান পেবাত্যে বিশেষ গুরিনে আয়োজি অর্ সেক্কে যে যে দান্‌দোই মন্ডলীরে গড়েই তুলো যায় সিগুন্ বেশ্ গুরি পেবার চেষ্টা গরঅ।

১ করিন্হীয় 14:17

তুই অয়ত গমেডালে ভালেদি জানর্, মাত্তর্ সেক্কে সেই অন্য মানুচ্চোরে দঅ গড়েই তুলো ন-অর্।

১ করিন্হীয় 14:26

ভেইলগ্, সালে কি কোম্? তুমি যেক্কে মন্ডলীত্ এক জাগাত্ এগত্তর্ অ সেক্কে তমাত্তুন্ কেঅ নাঙ্-গিনিবার্ গীদ্ গরে, কেঅ শিক্ষ্যে দে, কেঅ গোজেনর্ সত্য ফগদাং গরে, কেঅ অন্য ভাষায় কধা কয়, আরঅ কেঅ সিয়েনর্ অত্তগান বুঝেই দে। যে যিয়েন গত্ত সাৎ বেক্কানি যেন মন্ডলীরে গড়েই তুলিবাত্যে গরা অয়।

১ করিন্হীয় 6:12

কেঅ কেঅ কন্, “কনঅ কিজু গরানা মর্ পক্ষে অনুচিত নয়।” সিয়েন থিক্, মাত্তর্ বেক্কানি যে মান্‌জ্যর্ উপকার্ গরে, সিয়েন নয়। কনঅ কিজু গরানা মর্ পক্ষে অনুচিত নয় সত্য, মাত্তর্ মুই কনঅ কিচ্চুর্ চাগর্ ন-ওম্।

১ করিন্হীয় 8:1

এবার্ মুই মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, আমার্ বেক্কুনোর জ্ঞান আঘে। জ্ঞান মান্‌জ্যরে দেমাগ্ গরে, মাত্তর্ কোচ্‌পানা মান্‌জ্যরে গড়েই তুলে।

১ করিন্হীয় 8:9

মাত্তর্ উজিয়ার্! যিগুনোর বিশ্বেজ্ নরম, তমার্ এই স্বাধীনতাগান তারা ইধু যেন পাপর্ কারন ন-অয়।

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

১ থিষলনীকীয় 5:11

ইয়েনত্যে তুমি ইক্কিনে যিয়েন গরর্ সেবাবোত্যেগুরি একজন আরেকজনরে উচ্চোমি দান গুরিবাত্যে আর একজন আরেক জনরে গাধেই তুলোনাত্ থাগঅ।

১ তীমথিয় 1:4

তারারে এ উগুমান্অ দিচ যেন তারা হিত্যে-কধালোই আর দাঙর্ দাঙর্ গুট্টির্-নাঙানি ইন্দি মনযোগ ন-দুয়োন। ইয়েনিয়ে গোজেনর্ কাম বাদ দিইনে নানান্ তর্কাতর্কির সৃট্টি গরে মাত্তর্ গোজেনে কেধোক্ক্যেন গুরি তার্ কামানি পরিচালনা গরে সিয়েনি বিশ্বেজর্ মাধ্যমে জানা যায়।