১ করিন্হীয় 10:19 - Chakma Bible

¹⁹ মর্ এ কধাগানত্ কি ইয়েনই বুঝো যায়, মূত্তি ইধু উৎসর্ব-গোজ্জ্যে হানা বিশেষ কিজু বা মূত্তি বিশেষ কিজু?

১ করিন্হীয় 10:19 ပူးပေါင်းရင်းမြစ်များ

যিশাইয় 40:17

বেক্ জাদ্‌‌‌তুনে তাইদু কিচ্ছু নয়; সিগুনোরে তে কিজু বিলিনে মনে ন-গরে; সিয়েনি তাইদু বাজে।

যিশাইয় 41:29

চঅ, তারা বেক্কুনে বাজে, তারার্ কামানি কিচ্চু নয়। তারার্ ছাজিনে ঢাল্যে মূত্তিগুন্ বোইয়্যের বাদে আর্ কিচ্চু নয়; তারা কিচ্চু গুরি ন-পারন্।”

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

১ করিন্হীয় 1:28

জগদ্‌তানে যিয়েনরে তলে আর তুচ্চ বিলি মনে গরে, এমন কি, জগদর্ চোগেদি যিয়েন কিচ্চু নয় গোজেনে সিয়েনই বেঈ লোইয়্যে যেন জগদর্ চোগেদি যিয়েন মূল্যবান সিয়েন মূল্য নেইয়্যে ওই পারে।

১ করিন্হীয় 10:14

ইয়েনত্যে মর্ কোচ্‌পেইয়্যে সমাজ্জ্যেগুন, তুমি মূত্তি পূজোত্তুন্ দূরোত্ যঅ।

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

১ করিন্হীয় 3:7

সেনত্তে যে বীজি লাগায় বা যে সিগুনোত্ পানি দে তে কিচ্চু নয়; মাত্তর্ গোজেনে, যিবে বাড়েই তুলে, তেয়ই বেক্কানি।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

২ করিন্হীয় 12:11

মুই বেদমা ওইয়োং ঠিগ্, মাত্তর্ তুমিই মরে সিয়েন অবাত্যে বাধ্য গোজ্জ্য, কিয়া তমার্ উচিত্ এলঅ মরে নাঙ্ গিনেনা। যুনিয়ো মুই কিচ্চু নয় তো তমার্ সেই বিশেষ প্রচারগ্‌কুনোত্তুন্ কনঅ বাবদে চিগোন নয়।

দ্বি’লম্বর বিররণ 32:21

গোজেন নয় এধোক্ক্যেন দেবেদারে পূজো গরন তারা মর্ পাওনা ভোক্তির আওজ্‌চোই আগুন লাগেয়োন; দাঙর্‌ মূত্তি পূজো গরন্‌ তারা মর্‌ রাগ্‌কান জাগেই তুল্যন্। জাদঅ নয় এধোক্ক্যেন জাদর্‌ আদত্‌ ফেলেইনে মুইয়ো তারার মনর্ আগুনান্‌ জ্বালেম; এক্কো অবুঝুনো জাদর্‌ আদত্‌ ফেলেইনে তারার রাগ্‌কান জাগেবং।