১ করিন্হীয় 10:18 - Chakma Bible

¹⁸ ইস্রায়েল জাদ কধা চিন্তে গরঅ। তারা ইধু যিগুনে উৎসর্বর জিনিচ্‌ হেই থান্ তারা কি সেই পূজোবোর্ বেক্কানিত্ ভাগ ন-লন্?

১ করিন্হীয় 10:18 ပူးပေါင်းရင်းမြစ်များ

লেবীয় 3:11

ধর্মগুরুবো ইয়েনি লোইনে উৎসর্ব গোজ্যে হানা ইজেবে পুজোবো উগুরে পুড়ি ফেলেব। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো।

লেবীয় 7:6

ধর্মগুরু-পরিবারর্‌ যে কনঅ মরদ মানুচ্‌ সিয়েন্‌ হেই পারিবাক্‌, মাত্তর্‌ সিয়েন্‌ হা পুরিবো পবিত্র তাম্বুল-ঘরর্‌ চাগালাত্‌। ইবে দাঙর্‌ পবিত্র জিনিস।

লেবীয় 7:7

পাপ-উৎসর্ব আর দুষ্‌-উৎসর্ব এক্কুই‌ সুদোমে গরা পুরিবো। যে ধর্মগুরুবো এ দ্বিবে উৎসর্বর্‌ যে কনঅ এক্কোর অনুষ্ঠান্‌ গুরিনে উৎসর্ব গুরিয়্যেবোর্ পাপ্‌পানি ঢাগি দিবার্‌ বেবস্থা গুরিবো উৎসর্বর য়েরাগান্‌ সেই ধর্মগুরুবোর্‌ পাওনা অবঅ।

রোমীয় 1:3

সেই গম্ হবরান্ অলঅ তার্ পুয়োবো পৌইদ্যেনে। সেই পুয়োবো যীশু খ্রীষ্ট, আমার্ গিরোজ্। কিয়্যেগানদি তে রাজা দায়ূদোর গুট্টি এলঅ, আর তার্ পাপ-নেইয়্যে আত্মাগান ইন্দিত্তুন্ তে দাঙর্ খেমতালোই মরণত্তুন্ জেদা ওইনে গোজেনর্ পুয়ো ইজেবে ফগদাং ওইয়্যে।

রোমীয় 4:1

সালে আমা পূরোণি মানুচ্ অব্রাহাম পৌইদ্যেনে আমি কি কবং? এ পৌইদ্যেনে তে কি দেক্ক্যে?

রোমীয় 4:12

ইয়েন বাদে, চুনু মাঢাবো চামান কাবিবার্ আগেদি অব্রাহামে যেবাবোত্যেগুরি বিশ্বেজর্ পধেদি চুলিদো, যিদুক্কুন্ চুনু মাঢাবো চামান কাপ্যে মানুচ্ সেবাবোত্যেগুরি চলন্ অব্রাহামে তারার্‌অ বাপ।

১ করিন্হীয় 9:13

তুমি কি কোই ন-পারঅ, যিগুনে উবোসনা-ঘরর্ কাম গরন্ সিগুনে উবোসনা-ঘরত্তুন্ হানা পান্, আর যিগুনে পূজোর্ কাম গরন্ সিগুনে পূজোবোত্ যিয়েনি উৎসর্ব গরা অয় সিয়েনির ভাগ্ পান?

গালাতীয় 6:16

যিগুনে এ সুদোমত্ চলন্ তারার্, অত্তাৎ গোজেনর্ আজল্ ইস্রায়েলীয়গুনোরে তে শান্তি আর দোয়্যে দান গোরোক্।

দ্বি’লম্বর বিররণ 12:17

ইয়েন বাদে তমার শোজ্য, নূয়ো আংগুর-রস আর তেলর দশ ভাগর এক ভাগ, গোরু-ছাগল-ভেড়ার পত্তম ছঅবুয়ো, তমার্‌ মান্যা জিনিসছানি, তমার্‌ নিজোর আওজে গোজ্যে কনঅ উৎসর্ব আর বিশেষ দান তমার নিজোর আদাম্মে বা শঅর ভিদিরে হেই ন-পারিবা।

ইব্রীয় 13:10

আমার্ এক্কো পূজো আঘে আর যিগুনে ইস্রায়েলীগুনোর সেই উবোসনা-তাম্বুলোত্ কাম গরন, আমার্ সেই পূজোবো উগুরে উৎসর্ব-গোজ্জ্যে কনঅ কিজু হানার্ অধিকার তারার্ নেই।