১ করিন্হীয় 10:14 - Chakma Bible

¹⁴ ইয়েনত্যে মর্ কোচ্‌পেইয়্যে সমাজ্জ্যেগুন, তুমি মূত্তি পূজোত্তুন্ দূরোত্ যঅ।

১ করিন্হীয় 10:14 ပူးပေါင်းရင်းမြစ်များ

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

রোমীয় 12:19

কোচ্‌পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।”

১ করিন্হীয় 10:15

তমারে বুদ্ধিবলা কোই পারিনে মুই এ বেক্ কধানি কঙর্। মুই যিয়েনি কং সিয়েনি তুমি নিজেই বিচের্ গুরি চঅ।

১ করিন্হীয় 10:19

মর্ এ কধাগানত্ কি ইয়েনই বুঝো যায়, মূত্তি ইধু উৎসর্ব-গোজ্জ্যে হানা বিশেষ কিজু বা মূত্তি বিশেষ কিজু?

১ করিন্হীয় 10:7

তারা ভিদিরে কেঅ কেঅ যেবাবোত্যে মূত্তি পূজো গোজ্জ্যন্ তুমি সেবাবোত্যে ন-গোজ্জ্য। পবিত্র বোইবোত্ লেগা আঘে, মানুচ্চুনে হানা-দানা গুরিবাত্যে বলাক্, জেরেদি তারা নাচ-গান গুরিবাত্যে উদিলাক্।

১ করিন্হীয় 5:11

আসলে মুই যিয়েন লেক্ক্যং সিয়েনর অত্তগান ইয়েন-যুনি কেঅ নিজোরে বিশ্বেজি ভেই কয় অদচ তে বজং খাচ্চ্যদর্ মানুচ্‌ বা লুভী অয়, মূত্তি পূজো গরে, অন্যরে নিন্দে গরে, মাত্তল্ বা দেঙ্‌বাঁজি অয়, মাত্তর্ তা সমারে মিলেমিলি ন-গোজ্জ্য। এমন কি, তা সমারে হানা-দানায়ো ন-গোজ্জ্য।

২ করিন্হীয় 11:11

কিত্যে মুই এ কধাগান্ কঙর্? তমারে কোচ্‌ ন-পাং বিলিনে না কি? গোজেনে কোই পারেদে যে, মুই তমারে কোচ্‌পাং।

২ করিন্হীয় 12:15

মুই অমকদ হুজি ওইনে তমাত্যে বেক্কানি খরচ্ গুরিম আর নিজোরেয়ো দি দিম্। যুনি মুই তমারে বেশ্ কোচ্‌পাং সালে কি তুমি মরে কম্ কোচ্‌পেবা?

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

ফিলিপীয় 4:1

মর্ ভেইয়ুন, তমারে মুই কোচ্‌পাং আর তমারে রিনি চেবাত্যে চাং। তুমিই মর্ হুজী, মর্ মকুট। তুমি প্রভুর লগে মিজেইনে থির্ থাগঅ।

ফিলীমন 1:1

মুই পৌল খ্রীষ্ট যীশুর বন্দী ওইয়োং। মুই আর আমা বিশ্বেজি ভেই তীমথিয় আমার কোচ্‌‌পেইয়্যে সমাজ্জ্যে আর সমারে কাম গুরিয়্যে ফিলীমন ইধু,

ইব্রীয় 6:9

কোচ্‌পেইয়্যে সমাজ্জ্যেগুন, যুনিয়ো আমি এই বেক্‌ কধানি কোর্ তো আমি বিশ্বেজ্ গুরিই যে, তমা অবস্থা সেবাবোত্যে নয়; পাপত্তুন্ উদ্ধোরর্ ফল তমা জিংকানিত্ দেগা যার্।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

১ যোহন 5:21

পুয়ো-ছা লগ্, মূত্তি সমারে তমার কনঅ মিলেমিলি ন-থোক্।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 2:14

মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।