১ করিন্হীয় 10:13 - Chakma Bible

¹³ মান্‌জ্য জিংকানিত্ যেদক্কানি পোরোক্ষ্যে ওই থায় সিয়েনি বাদে আর অন্য কনঅ পোরোক্ষ্যে দঅ তমা উগুরে ন-অয়। গোজেনে বিশ্বেজবলা; সোজ্জ্যর্ বারেদি পোরোক্ষ্যে তে তমা উগুরে অবাত্তে ন-দিবো, বরং পোরোক্ষ্যের্ লগে লগে সিয়েনত্তুন্ নিগিলি এবার্ এক্কান পধ-অ তে গুরি দিবো যেন তুমি সিয়েন সোজ্জ্য গুরি পারঅ।

১ করিন্হীয় 10:13 ပူးပေါင်းရင်းမြစ်များ

গীতসংহিতা 124:7

শিগেরিগুনো আঢত্তুন্ পেগ্‌কুনে যেবাবোত্যে গুরি রোক্ক্যে পান্ সেবাবোত্যেগুরি আমি রোক্ক্যে পেইয়্যেই; ফাল্লো ছিনি যেইয়্যে আর আমি রোক্ক্যে পেইয়্যেই।

গীতসংহিতা 125:3

গোজেন ভক্ত মানুচ্চুনে যেনে অন্যেয় কামত্ আত্ ন-দুয়োন্ সেনত্তে গোজেনর দিয়্যে তারা দেজ্‌ছান উগুরে পাজিগুনোরে রাজাগিরি গুরিবাত্তে দিয়্যে ন-অবঅ।

গীতসংহিতা 36:5

ও লগেপ্রভু, তর্ অমকদ কোচ্‌পানা আগাজত্ লুমেগোই; তর্ বিশ্বেজ্‌ছান্ যেনে আগাজত্ লুমেগোই।

গীতসংহিতা 89:33

মাত্তর্ মর্ অমকদ কোচ্‌পানা মুই তা উগুরেত্তুন তুলি ন-নেযেম; মঅ বিশ্বেজ্‌ছান মিজে অবাত্তে ন-দিম।

যাত্রা 3:17

সেনত্যে মুই কঙর্‌, মিসর দেজর্ অত্যেচারত্তুন্‌ নিগিলেনে মুই তমারে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনোর দেজত্‌ নেযেম্‌। সিয়েনত্ দুধ, মধু আর কনঅ কিজুর্‌ অভাব নেই।

যিশাইয় 11:5

সততাগান্ অবদে তার কমর্-বিজোনি আর বিশ্বেজ্‌চান অবদে তার কমরত্ বানিবার্ ফিতে।‌

যিশাইয় 25:1

ও লগেপ্রভু, তুয়ই মর্ গোজেন; মুই তর্ বাঈনী গুরিম আর তরে নাঙ্ গিনিম। যেদক্কানি আমক্ অবার্ কাম ভালোক্ দিন আগে তুই পরিকল্পনা গোজ্যস্ সিয়েনি তুই বেক্কানি গমেডালে গোজ্যস্।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিরমিয় 12:5

মান্‌‍‍‌‌‌‌‌‌জ্য লগে ধাবা দেনাত্ যুনি তুই বল্‌পোজ্যে ওই পড়চ্ সালে ঘোড়াগুনো লগে ধাবা দেদি তুই কেধোক্ক্যেন গুরি পারিবে? বানা সুগ্ শান্দিবলা দেজত্ যুনি তুই নিজোরে নিরাপদ মনে গরচ্ সালে যর্দনর পার ঝারত্ তুই কেধোক্ক্যেন গুরি থেবে?‍‍‌‌‌‌‌‌

যিরমিয় 29:11

তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।

আবিলেচ্ 3:23

পত্তিদিন বেন্যেমাদান্ সিয়েন নুয়ো ওইনে দেগা দে; তার বিশ্বেজ্‌চান দাঙর্।

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

হোশেয় 2:20

মুই বিশ্বেজ্ গুরিনে সেই মিজেনাগান পাক্কা গুরিম আর সেক্কে তুই লগেপ্রভুরে গভীন গুরিনে জানি পারিবে।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

লূকে লেখ্যে গম্ হবর্ 11:4

আমা পাপ্পানি খেমা গর্, কারন যিগুনে আমা বিরুদ্ধে অন্যেয় গরন্ আমি তারারে ক্ষেমা গুরিই। আমারে তুই পোরোক্ষ্যেত্ ন-ফেলেচ্।’ ”

লূকে লেখ্যে গম্ হবর্ 16:26

ইয়েন বাদেয়ো তমার্ আর আমা ভিদিরে এমন্‌ এক্কান দাঙর্ ফারগ্ আঘে যেনে আওজ্ গুরিলেয়ো কেঅ ইয়োত্তুন পার্ ওইনে তমা সিধু যেই ন-পারে আর সিয়োত্তুন পার্ ওইনে আমা ইধু এই ন-পারে।

প্রেরিত্‌ 27:44

আর বাগি বেক্কুনে জাহাজর্ তক্তা বা অন্য কনঅ কট্টা ধুরিনে সিয়েনত্ যাদোক্। এবাবোত্যেগুরি বেক্কুনে গমেডালে কুলো চরত্ লুমিলাক্।

১ করিন্হীয় 1:9

গোজেনে বিশ্বেজবলা; তেয়ই তমারে ডাক্ক্যে যেন তা পুয়োবো আমা প্রভু যীশু খ্রীষ্ট আর তমা ইধু কধাবাত্তা-মিলেমিলি থায়।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

দ্বি’লম্বর বিররণ 7:9

সেনত্যেই তুমি মনত্‌ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্‌পায় আর তার্‌ উগুমানি পালন্‌ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্‌ আজার বংশ সং রোক্ষ্যে গরে আর তারা উগুরে তার্‌ অমকদ কোচ্‌পানা দেগায়।

১ থিষলনীকীয় 5:24

ইদোত্ রাগেয়ো, যিবে তমারে ডাক্ক্যে তে নির্ভরযোগ্য; তে খামাক্কায় সিয়েন গুরিবো।

২ থিষলনীকীয় 3:3

মাত্তর্ প্রভু বিশ্বেজ্‌বলা; তেয়ই তমারে থির্ রাগেব আর শদান আঢত্তুন্ তমারে রোক্ষ্যে গুরিবো।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।

ইব্রীয় 10:23

বিশ্বেজি ইজেবে আমার যে আজা আঘে, এজঅ, আমি থির্ ওইনে তা কধানি স্বিগের্ গুরি থেই, কিয়া যিবে এগেম্ গোজ্জ্যে তে বিশ্বেজ্‌বলা।

ইব্রীয় 11:11

যুনিয়ো সারার পুয়ো অবার্ বয়জ্‌চান পার্ ওই যেইয়্যে তো বিশ্বেজর্ কারনে তে অব্রাহামর্ পুয়োবো পেদত্ ধুরিবার খেমতা পেয়্যে, কিয়া তে বিশ্বেজ্ গোজ্জ্যেদে, যিবে এগেম্ গোজ্জ্যে তে বিশ্বেজ্‌বলা।

ইব্রীয় 12:4

পাপর্ বিরুদ্ধে যুদ্ধো গত্তে গত্তে তমার দঅ এজঅ লো ঝরেদে ধোক্ক্যেন অবস্থা ন-অয়।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

১ পিতর 4:19

সালে গোজেনর্ আওজে যিগুনে দুঘ্ পাদন, তারা তারার্ বিশ্বেজ্‌বলা গোজেন আঢত্ নিজোরে তুলি দেদোক্ আর গম কাম গোরোদোক্।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।

১ শমূয়েল 29:10

সেনত্যেই তুই আর তর্‌ গিরোজর্‌ যিদুক্কুন্‌ মানুচ্‌ তর্‌ লগে এচ্চ্যন্‌ তুমি কেল্যে বেন্যে উদো আর পহর্‌ অনার লগে লগে যেয়োগোই।”