১ করিন্হীয় 1:27 - Chakma Bible

²⁷ মাত্তর্ জগদ্‌তানে যিয়েনরে মূর্খতা বিলি মনে গরে গোজেনে সিয়েনই বেঈ লোইয়্যে যেন জ্ঞানীগুনে লাজান্। জগদ্‌তানে যিয়েনরে খেমতা নেইয়্যে মনে গরে গোজেনে সিয়েনই বেঈ লোইয়্যে যেন যিয়েন খেমতাবলা সিয়েন খেমতানেইয়্যে অয়।

১ করিন্হীয় 1:27 ပူးပေါင်းရင်းမြစ်များ

গীতসংহিতা 8:2

চিগোন্ ঝি-পুয়োগুন আর চিজিগুনোর্ কধানি তুই খেমতার ঘর্ বানেয়োচ্; তঅ শত্রুগুনোর কধা ভাবিনে তুই সিয়েন গোজ্যচ্, যেনে তর্ শত্রু গুনেয়ো হেনা সুজিয়্যেগুনোরে তুই থামেই দি পারচ্।

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিশাইয় 29:19

নম্র মানুচ্চুনে আরঅ লগেপ্রভুরে দেগিনে হুজি অবাক্, আর যিগুনে অমকদ নাঢা তারা ইস্রায়েলর সেই পবিত্র মানুচ্চোরে নিইনে ফুত্তি গুরিবাক্।

যিশাইয় 44:25

ভন্ড ভাবভাদীগুনোর্ চিহ্নোগানি মুই বিফল গুরি দুয়োং আর গণক্ক্যেগুনোরে ভুল-বেদমা বানাং। মুই জ্ঞানীগুনোর শিক্ষ্যেগানি বিফল গুরিনে সিয়েনি ভুল-বেদমাগুনোর্ শিক্ষ্যে বানাং।‌

যিরমিয় 8:9

জ্ঞানী মানুচ্চুনে লাজান্ আর আমক্ অন আর ফালত্ পড়ন। তারা যেক্কে লগেপ্রভুর কধানি এলাফেলা গোজ্যন সেক্কে তারার কি বাবোত্যে জ্ঞান আঘে?

সফনিয় 3:12

যিগুনে লগেপ্রভু উগুরে বিশ্বেজ্ গুরিনে সেবাবোত্যে নত আর নম্র মানুচ্চুনোরে মুই তইদু বাগি রাগেম্।

গণাণা 22:30

গাধীবো বিলিয়মরে কলঅ, “মুই কি তর্‌ সেই গাধীবো নয় যিবে উগুরে তুই সারা জিংকানিগান্‌ চড়ি এচ্চ্যচ্‌? তঅ সমারে কি এধোক্ক্যেন বেবহার্‌ গরানা মর্‌ অভ্যাস?” বিলিয়মে কলঅ, “না, সিয়েন্‌ দ ন-গরচ্‌।”

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

মথি লেখ্যে গম্ হবর্ 21:16

ইয়েনি দেগিনে-শুনিনে তারা বিরক্ত ওইনে যীশুরে কলাক্, “তারা যিয়েন কদন্ সিয়েন তুই শুনোর্?” যীশু তারারে কলঅ, “অয়, শুনোঙর্। বোইয়োত্ তুমি কি কনদিন্অ ন-পড়: চিগোন্ পুয়ো-ঝি আর চিগোন্ চিজিগুনো কধানি ভিদিরে তুই নিজোত্তে বাঈনী গুরিবার্ বেবস্থা গোজ্যস্?”

মথি লেখ্যে গম্ হবর্ 9:9

যীশু যেক্কে সিয়েনত্তুন্ যাল্লোই সেক্কে পদথ্ মথি নাঙে এক্কো মান্‌জ্যরে খাজানা তুলেদে ঘরত্ বুয়োই থাগদে দেগিলো। যীশু তারে কলঅ, “আয়, মঅ শিচ্চ্য অগি।” মথি সেক্কেনে উদিনে তা সমারে গেলঅ।

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

প্রেরিত্‌ 17:18

সেক্কে ইপীকুরীয় আর স্তোয়িকীয় দলর্ কয়েক্কো মাষ্টর্ পৌল সমারে কধা সলাসুলি বাজেলাক্। তারাত্তুন্ কয়েকজনে কলাক্, “এই কোধোগিবো কি কবার্ চার্।” আর অন্যগুনে কলাক্, “মনে অয় তে বিদেশী দেব-দেবীর্ কধা ফগদাং গরের্।” তারা এ কধাগান্ কলাক্ কারন পৌলে যীশু পৌইদ্যেনে আর মরণত্তুন্ জেদা ওই উদোনা পৌইদ্যেনে ফগদাং গরের্।

প্রেরিত্‌ 7:35

ইবে সেই একই মোশি যিবেরে ইস্রায়েলীয়গুনে ইয়েন কোইনে ফিরেই দুয়োন, কন্না তরে শাসনগুরিয়্যে আর বিচেরগুরিয়্যে বানেয়্যে? যে স্বর্গদূত্‌তো সেই ঝুবো ভিদিরেত্তুন্ মোশিরে দেগা দিয়্যে সেই স্বর্গদূত্‌তো মাধ্যমে গোজেনে নিজে এ মোশিরে ইস্রায়েলীয়গুনোর শাসনগুরিয়্যে আর উদ্ধোর গুরিয়্যে ইজেবে মিসরত্ পাধেয়্যে।

প্রেরিত্‌ 7:54

ইয়েনি বেক্‌ কধানি শুনিনে সেই নেতাগুনে রাগে আগুন্ ওই গেলাক্ আর স্তিফান বিরুদ্ধে দাত্ কামাড়া ধুরিলাক্।

১ করিন্হীয় 1:20

মাত্তর্ জ্ঞানী মানুচ্‌ কুধু? পন্ডিত্ মানুচ্ বা কুধু? আর যিবের্ তর্ক গুরিবার খেমতা আঘে এ যুগোর্ সেবাবোত্যে মানুচ্ বা কুধু? এ জগদর্ জ্ঞানান্ যে বানা মূর্খতা সিয়েন কি গোজেনে ন-দেগায়?

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

১ করিন্হীয় 2:12

আমি জগদর্ আত্মাগানরে ন-পেই, বরং গোজেনত্তুন্ তার্ আত্মাগানরে পেইয়্যেই, যেন গোজেনে আমারে যেদক্কানি দান দিয়্যে সিয়েনি বুঝি পারিই;

২ করিন্হীয় 10:10

কনঅ কনঅ মান্‌জ্যে কন্, “তা চিধিয়ানি মনান্ ঝাগেরেই দে আর সিয়েনি খেমতাবলায়ো ঠিগ্, মাত্তর্ তে কায়কুরে থেলে দেগা যায়, তে বল্‌‌নেইয়্যে আর তার্ কধানি শুনেদে ধোক্ক্যেন্ এমন্ কিচ্চু নয়।”

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?