১ করিন্হীয় 1:26 - Chakma Bible

²⁶ ভেইলগ্, তমারে যেক্কে ডাগা ওইয়্যে সেক্কে তুমি কিবাবোত্যে মানুচ্‌ এলা সে কধাগান ভাবি চঅ। মান্‌জ্যর্ বিচেরত্ তমা ভিদিরে ভালোক্ জনে যে জ্ঞানী বা খেমতাবলা বা উচ্চ বংশর্ সিয়েন নয়।

১ করিন্হীয় 1:26 ပူးပေါင်းရင်းမြစ်များ

২ রাজাবলী 5:4

ইস্রায়েলত্তুন্‌ আন্যে সে মিলেবো যিয়েনি কোইয়্যে সিয়েনি নামানে যেইনে তা গিরোজ্‌সো ইদু কলগোই।

ইয়োব 37:24

ইয়েনত্তে মান্‌জ্যে তারে ভোক্তি গুরিনে দরান্; যিগুনে নিজোরে জ্ঞানি মনে গরন তারান্দি তে কনঅ নজর্ ন-দে।”

সফনিয় 3:12

যিগুনে লগেপ্রভু উগুরে বিশ্বেজ্ গুরিনে সেবাবোত্যে নত আর নম্র মানুচ্চুনোরে মুই তইদু বাগি রাগেম্।

লূকে লেখ্যে গম্ হবর্ 1:3

সেই বেক্ বিষয়ানি পৌইদ্যেনে পৌইল্যাত্তুন্ ধুরি গমেডালে হবরা-হবর্ লোইনে তত্তে সিয়েন এক্কান্ এক্কান্ গুরি লেগানা মুইয়ো গম্ বিলি মনে গুরিলুং।

লূকে লেখ্যে গম্ হবর্ 10:21

সেক্কে যীশু পবিত্র আত্মার্ দিয়্যে হুজিয়ে হুজি ওইনে কলঅ, ও বাবা, তুই স্বর্গ আর পিত্‌থিমীর প্রভু। মুই তর্ বাঈনি গরং, কিয়া তুই ইয়েনি বেক্ বিষয়ানি জ্ঞানী আর বুদ্ধিবলাগুনোত্তুন্ লুগেই রাগেয়োচ্ মাত্তর্ চিগোন্ গুড়ো ধোক্ক্যেন্ মানুচ্চুনো ইধু ফগদাং গোজ্যস্। অয় বাবা, তর্ আওজ্ মজিম্ ইয়েনি ওইয়্যে।

প্রেরিত্‌ 13:12

ইয়েনি দেগিনে সেই শাসনগুরিয়্যেবো প্রভু উগুরে বিশ্বেজ্ গুরিলো, কিয়া প্রভু পৌইদ্যেনে যে শিক্ষ্যেনি তে পেইয়্যে সিয়েনিলোই তে আমক্ ওইয়্যে।

প্রেরিত্‌ 13:7

সেই ভন্ড ভাববাদীবোরে ইলুমা, অত্তাৎ যাদুকর্ কুয়ো অদঅ। সেই যাদুকর শাসনগুরিয়্যেবো সের্গিয়-পৌলর এক্কো সমাজ্যে, আর সেই শাসনগুরিয়্যেবো এলঅ এক্কো বুদ্ধিবলা মানুচ্‌। সের্গিয়-পৌলে গোজেনর্ কধা শুনিবাত্যে বার্ণবা আর শৌলরে ডাগিনে পাধেল। মাত্তর্ বার্ণবা আর শৌলরে ইলুমা মানা গরা ধোল্ল্য আর খ্রীষ্ট উগুরে বিশ্বেজ্ গরানাত্তুন্ শাসন গুরিয়্যেবোরে ফিরেবাত্তে চেষ্টা গুরিলো।

প্রেরিত্‌ 17:34

কয়েক্কো মান্‌জ্যে পৌল সমারে মিজেলাক্ আর বিশ্বেজ্ গুরিলাক্। সেই বিশ্বেজিগুনো ভিদিরে দিয়নুষিয় নাঙে আরেয়পাগের সভার একজন, দামারিস্‌ নাঙে এক্কো মিলে আর তারা সমারে আরঅ কয়েকজন এলাক্।

রোমীয় 11:29

গোজেনে যিয়েন দান গরে আর যিবেরে ডাগে সে পৌইদ্যেনে তা মনান্ তে ন-বদলায়।

১ করিন্হীয় 1:20

মাত্তর্ জ্ঞানী মানুচ্‌ কুধু? পন্ডিত্ মানুচ্ বা কুধু? আর যিবের্ তর্ক গুরিবার খেমতা আঘে এ যুগোর্ সেবাবোত্যে মানুচ্ বা কুধু? এ জগদর্ জ্ঞানান্ যে বানা মূর্খতা সিয়েন কি গোজেনে ন-দেগায়?

১ করিন্হীয় 2:13

আর সে দানানির্ কধা আমি কোই। সিয়েনি কবাত্যে আমি যেদক্কানি কধা বেবহার গুরিই সিয়েনি মান্‌জ্যর্ জ্ঞানত্তুন্ শিক্ষ্যে পেইনে ন-কোই, মাত্তর্ পবিত্র আত্মালোই শিক্ষ্যে পেইনে কোই। আত্মিক সত্য বুঝেবাত্তে আমি আত্মিক কধা বেবহার গুরিই।

১ করিন্হীয় 2:8

এ যুগোর্ নেতাগুনো ভিদিরে কনজনে সিয়েন ন-বুঝোন্; যুনি সিয়েন বুঝিদাক্ সালে সেই মহিমাবলা প্রভুরে ক্রুশোত্ ন-দিদাক্।

ফিলিপীয় 4:22

গোজেনর্ বেক্‌ মানুচ্চুন যিগুনে ইধু আঘন, বিশেষ গুরিনে সম্রাট কৈসরর্ ঘর মানুচ্চুনে তমারে ভালেদি জানাদন্।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

২ যোহন 1:1

গোজেনে যিবেরে বেঈ লোইয়্যে সেই মিলেবো আর তা পুয়ো-ছাগুনো ইধু সেই বুড়ো নেতাবো মুই এ চিধিগান লেগঙর্। গোজেনর্ সত্যগানত্যে মুই তমারে বেক্কুনোরে কোচ্‌পাং। বানা যে মুই তমারে কোচ্‌পাং সিয়েন নয়, মাত্তর্ যিগুনে গোজেনর্ সত্যগান হবর্ পেইয়োন সিগুনে বেক্কুনে তমারে কোচ্‌পান।