১ বংশধর 9:33 - Chakma Bible

³³ লেবি-গুট্টির বংশ-নেতাগুনে যিগুনে গান-বাজনা গুরিদাক্‌ তারা তবনা-ঘরর্‌ গুদিগুনোত্‌ থেদাক্‌। গান-বাজনা কামত্‌ তারা দিন-রেত্‌ থেদাক্‌ বিলিনে তারা উগুরে অন্য কনঅ কাম ভারান্‌ দিয়্যে ন-অয়।

১ বংশধর 9:33 ပူးပေါင်းရင်းမြစ်များ

১ বংশধর 9:34

বংশর-নাঙানি মজিম বেক্কুনে এলাক্‌ লেবি-গুট্টির নিজোর্‌ নিজোর্‌ বংশর নেতা। ইগুনে যিরূশালেমত্‌ বজত্তি গুরিদাক্‌।

ইষ্রা 7:24

আমি তমারে আরঅ কোত্তে, গোজেনর্ সেই ঘরর কনঅ ধর্মগুরু, লেবীয়, গানগেইয়্যে, চুগিদার্, সেবাগুরিয়্যে বা অন্য কনঅ কামগুরিয়্যে উগুরে কনঅ খাজানা, কর্‌ বা শুল্ক বোজেবার্ খেমতা তমার্ নেই।

নহিমিয় 11:17

ইগুনে বাদেয়ো এলদে মীখার পূঅ মত্তনিয়, যিবে ভালেদি আর তবনাগানি পরিচালনা কামত্‌ আজল্‌ এলঅ। মীখার পূরোণিমানুচ্চুন অলাক্‌ সব্দি আর আসফ। ইগুনোর্‌ লগে এলাক্‌ বক্‌বুকিয়, যিবে তার্‌ সমাজ্যেগুনোর্‌ ভিদিরে দ্বিলম্বরত্‌। আরঅ এলদে শম্মুয়োর পূঅ অব্দ; শম্মুয়োর পূরোণিমানুচ্চুনে অলাক্‌ গালল আর যিদূথূন।

নহিমিয় 12:46

বোউত্‌ বজর্‌ আগেত্তুন্‌ ধুরি দায়ূদ আর আসফর সময়োত্‌ গোজেনর নাঙে বাঈনী আর ভালেদির গান গেবাত্তে গানগেইয়্যেগুনোরে আর পরিচালক্কুনোরে নেযা ওইয়্যে।

যিরমিয় 35:2

“তুই রেখবীয় বংশর মানুচ্চনো ইধু যেইনে তারারে মঅ ঘরর্ এক্কো গুদিত্ এবাত্তে কঅ আর তারারে আংগুর-রস হেবাত্তে দে।”