১ বংশধর 9:31 - Chakma Bible

³¹ লেবীয়গুনো ভিদিরে কোরহীয় শল্লুম দাঙর্‌ পুয়ো মত্তথিয় উগুরে শোজ্য-উৎসর্বর জিনিসছানি সিগি আনিবার্‌ ভারান্‌ দিয়্যে ওইয়্যে।

১ বংশধর 9:31 ပူးပေါင်းရင်းမြစ်များ

পত্থম 19:3

মাত্তর্‌ লোটে যেক্কে অমকদ কোজোলী গরা ধুরিলো সেক্কে তারা তা সমারে যেইনে তা ঘরত্‌ উদিলাক্‌। পরেদি লোট সদানেইয়্যে পিদে শিগিনে তারাত্তে এক্কো হানার্‌ যুক্কোল্ গুরিলো, সেক্কে তারায়ো হানা-বিনে গুরিলাক্‌।

১ বংশধর 23:29

তারা উগুরে এ জিনিসছানির ভারান্‌ এলঅ-মুজুঙো-রুটি, শোজ্য-উৎসর্বর মোয়দে, সদানেইয়্যে রুটি, সেক্ক্যে রুটি আর তেল্‌ মিজেয়্যে মোয়দ্যে। ইয়েনি বাদেয়ো তারা উগুরে ভারান্‌ এলদে বেক্কানি মাবানা আর কত্তমান্‌ সিয়েনি চানা,

১ বংশধর 9:17

রোক্ষ্যে গুরিয়্যেগুনো ইত্তুন্‌: শল্লুম, অক্কুব, টল্‌মোন, অহীমান আর তারা বংশর্‌ মানুচ্চুন। এ মানুচ্চুনে এলাক্‌ লেবি-গুট্টির্‌ তাম্বুলো চুগিদার। কোরির পুয়ো শল্লুমে এলদে তারার্‌ নেতা। তা পূরোণি মানুচ্চুনো ভিদিরে এলদে ইবীয়াসফ আর কোরহ। শল্লুম আর তা বংশর মানুচ্চুনোরে, অত্তাৎ কোরহীয়গুনো উগুরে তবনা-ঘরর্‌ দোরানি চুগি দিবার্‌ ভারান্‌ এলঅ। এজঅ তারা রাজঘর পূগেন্দি গেদোত্‌ থান্‌। তারার্‌ পূরোণি মানুচ্চুনো উগুরেয়ো ঠিগ্‌ এক্কুই লগেপ্রভুর থেবার-তাম্বুলো দোরান্‌ চুগি দিবার্‌ ভারান্‌ এলঅ।

১ বংশধর 9:22

দোরানি চুগি দিবাত্তে যিগুনোরে বেঈ নেযা ওইয়্যে তারা জনেদি এলাক্কে বেক্কুনে দ্বিশঅ বার জন। তারা আদামানিত্‌ যিদুক্কুন্‌ বংশর-নাঙ্ এলঅ সিদু তারার্‌ নাঙানি লেগা ওইয়্যে। দায়ূদ আর দর্শক শমূয়েলে এ মানুচ্চুনোরে দায়িত্ববলা চুগিদার কামত্‌ নেযেয়োন।

১ বংশধর 9:26

যে চেরজন্‌ লেবীয় আজল্‌ চুগিদার এলাক্‌ তারা উগুরে এলঅ গোজেন ঘরর্‌ ধনভান্ডাল গুদিগুনো ভারান্‌।

লেবীয় 2:5

সেই শোজ্য-উৎসর্ববো যুনি কোড়েয়েলোই ভাজেয়ে কনঅ জিনিস্ অয় সালে সিবে উয়ো পুরিবো তেল্‌ মিজেয়ে সদাছাড়া নিগুজ্‌ ময়দালোই বানেয়্যে।

লেবীয় 2:7

সেই শোজ্য-উৎসর্ববো যুনি কোড়েয়্যেত্‌ ভাজেয়ে কনঅ জিনিস্ অয় সালে সিবে উয়ো পুরিবো তেল আর নিগুজ ময়দালোই বানেয়্যে।

লেবীয় 6:14

“ইয়েন্‌ অলঅ শোজ্য-উৎসর্বর্‌ সুদোম। হারোণর্‌ পূঅগুনে শোজ্য-উৎসর্বর্‌ জিনিস্‌ছানি পুজোবো ইদু লগেপ্রভুর্ মুজুঙোত্ নেযেবাক্।

লেবীয় 6:21

শোজ্য-উৎসর্ব ইজেবে সেই মোইদেগানত্ তেলর্‌ ময়ান দিইনে তাবাত্‌ ভাজেইনে কট্টা কট্টা গুরিনে লগেপ্রভু ইদু আনা পুরিবো। ইয়েনর্‌ তুম্বাজে লগেপ্রভু হুজি অয়্‌।