১ বংশধর 9:20 - Chakma Bible

²⁰ সে সময়োত্‌ ইলীয়াসর পুয়ো পীনহস উগুরে রোক্ষ্যে গুরিয়্যেগুনোর্‌ চেইচিদিবার্‌ ভারান্‌ এলঅ আর লগেপ্রভু তা লগে এলঅ।

১ বংশধর 9:20 ပူးပေါင်းရင်းမြစ်များ

পত্থম 39:2

লগেপ্রভু যোষেফ লগে লগে এলঅ। সেনত্তে তে বেগ্‌ কামানি গমে-ডালে গুরি পাজ্যে। তারে তা মিসরীয় গিরোজ ঘরত্‌ রাগা ওইয়্যে।

পত্থম 39:3

লগেপ্রভু যে তা লগে লগে এলঅ আর তা আদে বেক্‌ কামানি গমে-ডালে গরের্ সিয়েন্‌ তা গিরোজ্‌সো দেগিলো।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

গণাণা 3:32

লেবীয়গুনোর বেগঅ দাঙর্‌ নেতা এলদে ধর্মগুরু হারোণর পূঅ ইলীয়াসর। পবিত্র তাম্বুলোর দেগাশুনো গুরিবার্‌ ভারান্‌ যিগুনোরে দিয়া ওইয়্যে তারারে দেগাশুনো গুরিবাত্তে ইলীয়াসররে নেযা ওইয়্যে।

গণাণা 31:6

মোশি পত্তি গুট্টিত্তুন্‌ এক আজার্ গুরি মানুচ্‌ নেযেইনে তারারে যুদ্ধোত্‌ পাধেই দিলো। তারা সমারে ধর্মগুরু ইলিয়াসরর্‌ পূঅ পীনহসে গেলঅ। ইজিরে দিবার তূরীগুন্‌ আর কয়েক্কো সুদ্ধো-সাংগ জিনিস তে লগে নেযেল।

গণাণা 4:16

চেরাগর্‌ তেল, তুম্বাজ্ পৌইরেক, সুদোম মজিম্ শোজ্য-উৎসর্ব আর অভিষেগ-তেলর দায়িত্বো থেবঅ ধর্মগুরু্‌ হারোণর পূঅ ইলীয়াসর উগুরে। বেক্‌ থেবার-তাম্বুলান্ আরঅ ‍সিয়েন ভিদিরে বেক্কানি, অত্তাৎ পবিত্র তাম্বুলোর আর সিয়েনর্ পজা-পিরানির দায়িত্বো থেবঅ ইলীয়াসর উগুরে।”

গণাণা 4:28

মিলন-তাম্বুলোত্‌ গের্শোনীয় বংশগুনোর্‌ ইয়েনই অলঅ কাম্‌। তারার্‌ কামর দেগাশুনো গুরিবার্‌ দায়িত্বো থেবঅ ধর্মগুরু হারোণর পূঅ ঈথামর উগুরে।

গণাণা 4:33

ইয়েনই অলঅ মিলন-তাম্বুলোর কামত্‌ মরারীয় বংশগুনোর দায়িত্বো। তারার্‌ কামানি দেগাশুনো গুরিবার্‌ দায়িত্বো থেবঅ ধর্মগুরু হারোণর পূঅ ঈথামর উগুরে।”

যিহোশূয় 22:13

তারা ধর্মগুরু ইলিয়াসরর পূঅ পীনহসরে গিলিয়দত্‌ রূবেণ আর গাদ-গুট্টির মানুচ্চুনোরে আর মনঃশি-গুট্টির অদ্দেক্‌ মানুচ্চুনো ইদু পাদেলাক্।

১ শমূয়েল 16:18

তার কাম্‌গুরিয়্যেগুনো ভিদিরেত্তুন্‌ একজনে কলঅ, “মুই বৈৎলেহমত্‌ যিশয়র এক্কো পূঅরে দেক্কোং। তে গমেদালে বীণা বাজেই জানে। তে এক্কো সাহসী আর যোদ্ধা। তে দোল্‌ গুরিনে কধা কোই জানে আর তে চাদেয়ো দোল্‌, আর লগেপ্রভুয়ো তা সমারে আঘে।”