১ বংশধর 9:17 - Chakma Bible

^17-19 রোক্ষ্যে গুরিয়্যেগুনো ইত্তুন্‌: শল্লুম, অক্কুব, টল্‌মোন, অহীমান আর তারা বংশর্‌ মানুচ্চুন। এ মানুচ্চুনে এলাক্‌ লেবি-গুট্টির্‌ তাম্বুলো চুগিদার। কোরির পুয়ো শল্লুমে এলদে তারার্‌ নেতা। তা পূরোণি মানুচ্চুনো ভিদিরে এলদে ইবীয়াসফ আর কোরহ। শল্লুম আর তা বংশর মানুচ্চুনোরে, অত্তাৎ কোরহীয়গুনো উগুরে তবনা-ঘরর্‌ দোরানি চুগি দিবার্‌ ভারান্‌ এলঅ। এজঅ তারা রাজঘর পূগেন্দি গেদোত্‌ থান্‌। তারার্‌ পূরোণি মানুচ্চুনো উগুরেয়ো ঠিগ্‌ এক্কুই লগেপ্রভুর থেবার-তাম্বুলো দোরান্‌ চুগি দিবার্‌ ভারান্‌ এলঅ।

১ বংশধর 9:17 ပူးပေါင်းရင်းမြစ်များ

২ রাজাবলী 7:10

সেনত্তে তারা যেইনে শঅর-গেদো চুগিদারুনোরে ডাগিনে কলাক্‌, “আমি অরামীয়গুনোর তাম্বুলোত্‌ যেইয়্যেই। সিদু এক্কো মানুচ্‌অ নেই, কারঅ রঅয়ো নেই; বানা ঘোড়া আর গাধাগুন্‌ বান্যে আগন্‌ আর তাম্বুলানি যেবাবোত্যে এলঅ সেবাবোত্যে গুরি রাগেইনে তারা যেইয়োন্‌।”

১ বংশধর 9:16

শময়িয় পুয়ো ওবদিয়। তা পূরোণি মানুচ্চুনোর ভিদিরে এলাক্‌ গালল আর যিদূথূন। ইল্‌কানা নাদিন্‌, অত্তাৎ আসার পুয়ো বেরিখিয়। তে নটোফাতীয় গুনো আদামত্‌ বজত্তি গুরিদো।

২ বংশধর 8:14

তা বাপ্পো দায়ূদোর উগুম্‌ মজিম তে ধর্মগুরুগুনোর কামানি গুরিবাত্তে তারারে নানান্‌ দলত্‌ ভাগ গুরিনে কামত্‌ নেযেল আর পত্তিদিনোর্‌ কাম্‌ মজিম নাঙ্ গিনেদে-গান গুরিবার আর ধর্মগুরুগুনোরে বল্‌ দিবাত্তে তে লেবীয়গুনোরে নেযেল। পত্তি গেদোট্টে তে রক্ষীগুনোর্‌ দল্‌ মজিম কামত্‌ লাগেল, কিত্যে এধোক্ক্যেন গুরিনে গোজেনর মানুচ্‌ দায়ূদে উগুম্‌ দি যেইয়্যে।

ইষ্রা 2:42

উবোসনা-ঘরর চুগিদারুন্ অলাক্ বেক্কুনে একশ ঊনচল্লিশ জন। ইগুনে অলাক্ শল্লুম, আটের, টল্‌মোন, অক্কূব, হটীটা আর শোবয়ের বংশর্ মানুচ্।

নহিমিয় 11:19

গেট্‌-চুগিদারুনে অলাক্‌ অক্কুব, টল্‌মোন আর তারার্‌ সমাজ্যেগুনে। ইগুনে একশঅ বায়োত্তুর্‌ জন মান্‌জ্যে গেট্‌তুন চুগি দিদাক্‌।