১ বংশধর 6:32 - Chakma Bible

³² শলোমনে যিরূশালেমত্‌ লগেপ্রভুর ঘরান্‌ ন-বানানা সং সে মানুচ্চুনে থেবার-তাম্বুলো মুজুঙোত্‌, অত্তাৎ মিলন-তাম্বুলো মুজুঙোত্‌ গান-বাজনা গুরিনে লগেপ্রভুর সেবা-কামানি গুরিদাক্‌। তারাত্তে যে সুদোমান ঠিগ্‌ গুরি দিয়্যে ওইয়্যে সে ইজেবে তারা নিজো কামানি গুরিদাক্‌।

১ বংশধর 6:32 ပူးပေါင်းရင်းမြစ်များ

১ বংশধর 6:10

যোহানন পুয়ো অসরিয়। ইবে যিরূশালেমত্‌ শলোমনর্ বানেয়্যে তবনা-ঘরত্‌ ধর্মগুরুর্‌ কাম্‌ গুরিদো।

১ বংশধর 6:31

সাক্ষ্য-সুন্দুক্কো লগেপ্রভুর ঘরত্‌ আনিনে রাগানার্‌ পরেন্দি দায়ূদে কয়েক্কো মান্‌জ্য উগুরে গান-বাজনা ভারান্‌ দিলো।

১ বংশধর 6:33

এ সেবা-কামত্‌ যিদুক্কুন্‌ মান্‌জ্যে আর তারা বংশধরুন নেযা ওইয়্যে তারা অলাক্‌: কহাতীয়গুনো ভিদিরে এলদে গানগেইয়্যে হেমনে। হেমন অলদে যোয়েলর পুয়ো, যোয়েল শমূয়েল পুয়ো,

১ বংশধর 9:33

লেবি-গুট্টির বংশ-নেতাগুনে যিগুনে গান-বাজনা গুরিদাক্‌ তারা তবনা-ঘরর্‌ গুদিগুনোত্‌ থেদাক্‌। গান-বাজনা কামত্‌ তারা দিন-রেত্‌ থেদাক্‌ বিলিনে তারা উগুরে অন্য কনঅ কাম ভারান্‌ দিয়্যে ন-অয়।

২ বংশধর 31:2

পূজ্যে-উৎসর্ব আর উদোলোলি-উৎসর্বর পরব্‌পান গুরিবাত্তে, সেবা-কামত্তে আর গোজেনর ঘরত্‌ পাত্তুরু তুরু আর নাঙ্ গিনেদে-গীদ গুরিবাত্তে হিষ্কিয় ধর্মগুরু আর লেবীয়গুনোর্‌ পত্তিজনর্‌ কাম্‌ মজিম তারারে নানান্‌ বাবোত্যে দলরে নেযেল।

২ বংশধর 35:15

দায়ূদ, আসফ, হেমন আর রাজার চেইয়্যে যিদূথূনোর উগুম মজিম্ আফসর গুট্টির গানগেইয়্যে আর বাজেয়্যেগুনে নিজোর্‌ নিজোর্‌ জাগাত্‌ এলাক্‌। পত্তি গেদোত্‌ চুগিদার এলাক্‌। তারার্‌ কামানি ছাড়ি এজানা দরকার্‌ ন-অলঅ, কিত্তে তারার্‌ লেবীয় ভেইয়ুনে তারাত্তে বেবস্থা গোজ্যন্‌।

ইষ্রা 6:18

মোশির বোইবোত্ যেবাবোত্যে লেগা এলঅ সেই মজিম্ যিরূশালেমত্ গোজেনর সেবা-কামত্যে ধর্মগুরুগুনোরে আর লেবীয়গুনোরে নানান্ দলত্ নেযা অলঅ।

যিহিষ্কেল 40:44

ভিদিরে উদোন সংমোধ্যে গেদো কায়কুরে গীদ্ গেইয়্যেগুনোত্তে তিন্নো এক কিত্তেদি খুলো গুদি এলঅ; দ্বিবে উত্তোর্-গেদো কায়কুরে দোগিণো মু আর এক্কো পূগ-গেদো কায়কুরে উত্তোরেদি মু।