শিমিয়োন-গুট্টির এই মানুচ্চুনে যিহূদার রাজা হিষ্কিয়োর সময়োত্ সিদু যেইয়োন্। তারা হামীয়গুনোর থেবার্ জাগানিত্ যেইনে তারারে আক্রমণ গুরিলাক্। ইগুনোরে বাদেয়ো তারা সে জাগার্ মিয়ূনীয়গুনোরেয়ো আক্রমণ গুরিনে পুরোপুরিগুরিনে ভস্ত গুরিলাক্। তারার্ আর কনঅ চিহ্নো ন-রলঅ। সে পরেন্দি তারা সে মানুচ্চুনোর জাগানিত্ বজত্তি গরা ধুরিলাক্, কিত্তে তারার্ য়েমানুনোত্তে সিদু বোজোমান ঘাস্ এলঅ।
১ বংশধর 4:34 - Chakma Bible34-38 ইগুনে এলাক্ শিমিয়োন-গুট্টির নানান্ বংশর নেতা: মশোবব, যম্লেক, অমৎসিয়োর্ পুয়ো যোশঃ, যোয়েল আর যোশিবিয়োর পুয়ো যেহূ যিগুনোর্ পূরোণি মানুচ্চুন এলাক্ সরায় আর অসীয়েল। ইগুন্বাদেয়ো এলাক্ ইলিয়ৈনয়, যাকোবা, যিশোহায়, অসায়, অদীয়েল, যিশীমীয়েল, বনায় আর শিফির পুয়ো সীষঃ যিগুনোর্ পূরোণি মানুচ্চুন এলাক্ অলোন, যিদয়িয়, শিম্রি আর শময়িয়। তারার্ বংশর মানুচ্চুনে অমকদ বেশ্ ওইয়োন। အခန်းကိုကြည့်ပါ။ |
১ বংশধর 4:34
3 ပူးပေါင်းရင်းမြစ်များ
ကြော်ငြာတွေ