১ বংশধর 3:15 - Chakma Bible

¹⁵ যোশিয়ো পত্তম পুয়োবো যোহানন, দ্বিলম্বর যিহোয়াকীম, তিন লম্বর সিদিকিয়, চের্‌ লম্বর শল্লুম।

১ বংশধর 3:15 ပူးပေါင်းရင်းမြစ်များ

২ রাজাবলী 23:31

তেইশ বজর্‌ বয়জত্‌ যিহোয়াহসে রাজা অলঅ। তে তিনমাস যিরূশালেমত্‌ রাজাগিরি গুরিলো। তা মাবো নাঙান্‌ অলদে হমূটল; তে অলদে লিব্‌না শঅর যিরমিয়োর ঝি।

২ রাজাবলী 23:34

তে যোশিয়োর আর এক্কো পুয়ো ইলিয়াকীমরে তা বাপ্পো যোশিয়োর জাগানত্‌ রাজা বানেল আর ইলিয়াকীমোর নাঙান্‌ বুদুলিনে যিহোয়াকীম রাগেল। ফরৌণ-নখো যিহোয়াহসরে মিসরত্‌ নেযেল, আর সিদু যিহোয়াহসে মুরি গেলঅ।

২ রাজাবলী 24:17

তে যিহোয়াখীনোর জাগানত্‌ তা কুদ্‌‌তোবোয়ো মত্তনিয়রে রাজা বানেল আর তা নাঙান বদলে সিদিকিয় রাগেল।

১ বংশধর 3:14

মনঃশি পুয়ো আমোন আর আমোন পুয়ো যোশিয়।

১ বংশধর 3:16

যিহোয়াকীমো পুয়োগুনে অলাক্‌ যিকনিয় আর সিদিকিয়।

২ বংশধর 36:1

যেরেন্দি দেজর্‌ মানুচ্চুনে যোশিয়োর্‌ পুয়ো যিহোয়াহসরে নেযেইনে যিরূশালেমত্‌ তা বাবর্‌ জাগানত্‌ রাজা বানেলাক্‌।

২ বংশধর 36:10

বজরর্‌ শেজত্‌ রাজা নবূখদ্‌নিৎসরে মানুচ্‌ পাদেইনে তারে আর তা লগে লগেপ্রভুর ঘরর্‌ মংগা পযাপিরানিয়ো বাবিলোত্‌ নেযেল, আর যিহোয়াখীনোর কুত্‌তো সিদিকিয়রে যিহূদা আর যিরূশালেমর রাজা বানেল।

যিরমিয় 1:3

যোশিয়র পুয়ো যিহূদার রাজা যিহোয়াকীমোর রাজাগিরিত্তুন ধুরি যিহূদার রাজা যোশিয়র পুয়ো সিদিকিয়র রাজাগিরির এগার বজরর পাচ্ মাস সং লগেপ্রভুর কধানি আরঅ ফগদাং ওইয়্যে। সে মাসত্ যিরূশালেমর মানুচ্চুনোরে বন্দি গুরি নেযা ওইয়্যে।

যিরমিয় 22:11

তে অলঅ যোশিয়র পুয়ো শল্লুম, যিবে তা বাবঅ পরেদি যিহূদার রাজা ওইয়্যে মাত্তর্ এ জাগায়ান ছাড়িনে যেইয়্যেগোই। তা পৌইদ্যেনে লগেপ্রভু কোইয়্যেদে, “তে কনদিন্‌অ ফিরি ন-এবঅ।

যিরমিয় 22:18

সেনত্তে যিহূদার রাজা যোশিয়র পুয়ো যিহোয়াকীমোর পৌইদ্যেনে লগেপ্রভু কোইয়্যেদে, “মান্‌জ্যে তাত্তে একজন আর একজন ইধু ‘হায় হায়’ কোইনে আবিলেচ্ ন-গুরিবাক্। তারা তাত্তে ‘হায় মর্ প্রভু! হায় তার সয়সাগজ্যে!’ কোইন্যেয়ো আবিলেচ্ ন-গুরিবাক্।

যিরমিয় 24:8

“মাত্তর্ এই বজং ডোমোর, যিগুন এদক্ বজং যে, হা ন-যায়, সিগুনো ধোক্ক্যেন গুরি মুই যিহূদার রাজা সিদিকিয়, তার রাজার্ চাগর্ আর যিরূশালেমর যে মানুচ্চুনে দেজত্ রোইয়োন বা মিসরত্ বজত্তি গত্তন তারা লগে ভান্ন্যেই বেবহার গুরিম।

যিরমিয় 26:1

যোশিয়র পুয়ো যিহূদার রাজা যিহোয়াকীমর রাজাগিরির পৌইল্যাদি লগেপ্রভু যিরমিয়রে কোইয়্যেদে,

যিরমিয় 37:1

বাবিলর রাজা নবূখদ্‌নিৎসরে যোশিয়র পুয়ো সিদিকিয়রে যিহূদার রাজা বানেল, সেনত্তে সিদিকিয় যিহোয়াকীমর পুয়ো কনিয়র, অত্তাৎ যিহোয়াখিনো জাগানত্ রাজাগিরি গরা ধুরিলো।