১ বংশধর 29:9 - Chakma Bible

⁹ তারা হুজি মনে আর খুলো আদে মন দিইনে লগেপ্রভুরে দি পারিনে হুজি অলাক্‌। রাজা দায়ূদেয়ো অমকদ হুজি ওইয়্যে।

১ বংশধর 29:9 ပူးပေါင်းရင်းမြစ်များ

১ রাজাবলী 8:61

এচ্চ্যে যেধোক্কেন্‌ লগেপ্রভুর সুদোম্ আর উঘুম মানিবাত্তে তমা মনানি পুরোপুরিভাবে আমা গোজেন লগেপ্রভুর ইন্দি আঘে সেধোক্কেন্‌ নিত্য থোক্‌।”

২ রাজাবলী 12:5

পত্তি ধর্মগুরুয়্যে যেনে তা মানুচ্চুনোত্তুন্‌ টেঙা নেযান্‌ আর তবনা-ঘরর্‌ ভাঙা জাগায়ানি ঠিগ্‌ গুরিবার্‌ কামত্‌ সিগুন্‌ বেবহার গরন্‌।”

১ বংশধর 29:10

দায়ূদে বেক্‌ মানুচ্চুনো মুজুঙোত্‌ ইয়েন্‌ কোইনে লগেপ্রভুরে বাঈনী গুরিলো, ও লগেপ্রভু, আমা পুরোণি মানুচ্‌ ইস্রায়েলর গোজেন, পুরোণি কালত্তুন্‌ ধুরিনে থুম্‌ ন-ওইয়্যে কাল সং তরে বাঈনী গোরোদোক্‌।

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

২ বংশধর 17:16

তিন লম্বর সেনাপতি সিখ্রির পুয়ো অমসিয় আর তার্‌ দ্বিলাখ্‌ যুদ্ধোগুরিয়্যে। অমসিয় লগেপ্রভুর কামত্‌ নিজোরে উৎসর্ব গুরিলো।

২ বংশধর 24:10

সিয়েনত্তে নেতাগুনে আর মানুচ্চুনে হুজি ওইনে তারার্‌ খাজানাগুন্‌ আনিনে সে বাক্‌সুবোত্‌ ফেলা ধুরিলাক্‌; সেক্কে বাক্‌সুবো ভুরিদো।

২ বংশধর 31:8

হিষ্কিয় আর তার্‌ কাম্‌গুরিয়্যেগুনে এইনে সে কুড়ুন্‌ দেগিনে লগেপ্রভুর বাঈনী গুরিলাক্‌ আর তার্‌ মানুচ্‌ ইস্রায়েলীয়গুনোরে বাঈনী গুরিলো।

ইষ্রা 1:6

তারার্ বেক পাড়াল্যেগুনে রুবোর্ পিলে, সনা, অন্য পযাপিরা, য়েমানপাল আর মংগা মংগা জিনিস দিইনে তারারে সাহায্য গুরিলাক্ আর গোজেনর্ ঘরত্যে নিজোর্ আওজে বক্‌‌‌শিজ্অ দিলাক্।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

যাত্রা 35:29

মোশিরে দিইনে লগেপ্রভু যিয়েনি গুরিবার্‌ উগুম্‌ দিয়্যে সেই বেক্‌ কামানি গুরিবাত্তেই ইস্রায়েলীয় মিলেগুনে আর মরত্তুনো ভিদিরেত্তুন্‌ যিগুনোর্‌ আওজ অলঅ‌ তারা লগেপ্রভুরে দিবাত্তে যিবের্‌ যেধোক্ক্যেন হুজি লোই আনিলাক্‌।

লূকে লেখ্যে গম্ হবর্ 15:6

পরেদি ঘরত্ যেইনে তা সমাজ্যে আর পাড়াল্ল্যেগুনোরে ডাগিনে কয়, মঅ সমারে ফুত্তি গরঅ, কিয়া মর্ আঝেইয়্যে ভেড়াবো মুই তোগেইনে পেয়োং।

যোহন 15:11

এ বেক্‌ কধানি মুই তমারে কলুং যেন মঅ হুজীগান্ তমা মনত্ থায় আর তমার হুজীগান্ পূরোণ্ অয়।

২ করিন্হীয় 8:12

যুনি কার্‌‌অ দিবার্ আওজ্ থায় সালে তার্ যিয়েন আঘে সেই ইজেবে তার্ দানুন্ গোজেনে মানি লয়, তাত্তুন্ যিয়েন নেই সেই ইজেবে নয়।

২ করিন্হীয় 8:3

মুই তারার্ পক্ষে এ সাক্ষ্যগান্ দোঙত্তে, তারা আওজ্ গুরিনে নিজোর্ সাধ্য মজিম্, এন্‌ কি, সাধ্যর্ বারেদিয়ো দান গোজ্জ্যন্।

ফিলিপীয় 4:1

মর্ ভেইয়ুন, তমারে মুই কোচ্‌পাং আর তমারে রিনি চেবাত্যে চাং। তুমিই মর্ হুজী, মর্ মকুট। তুমি প্রভুর লগে মিজেইনে থির্ থাগঅ।

ফিলিপীয় 4:10

প্রভু মরে ভারী হুজি গোজ্জ্যে, কিয়া ভালোক্ দিন বাদে তুমি আরঅ মত্যে চিন্তে গরর্। খালিক্ মত্যে নিত্য তমার্ চিন্তে এলঅ, মাত্তর্ সিয়েন তুমি দেগেবার্ জু ন-পঅ।

বিচের গুরিয়্যেগুন 5:9

মঅ মনান্‌ গেলগোই ইস্রায়েলর সেই মুরুব্বীগুনো ইদু যিগুনে নিজোর্ আওজে যুদ্ধো গুরিবাত্তে গেলাক্‌।; লগেপ্রভুর বাঈনী ওক্