১ বংশধর 29:30 - Chakma Bible

³⁰ তার্‌ রাজাগিরির্‌ খুটিনাটি আর খেমতার কধানি আর তারে নিইনে, ইস্রায়েলরে নিইনে আর অন্য দেজর্‌ বেক্‌ রেজ্যগানিরে নিইনে যেদক্কানি ঘটনা ঘোট্যে সে কধানিয়ো সিয়েনত্‌ লেগা আঘে।

১ বংশধর 29:30 ပူးပေါင်းရင်းမြစ်များ

২ রাজাবলী 10:34

যেহূর অন্য বেক্‌ কামর্‌ কধানি আর যুদ্ধোত্ তার জিদেনার্‌ কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 14:28

যারবিয়ামর অন্য বেক্‌ কাম কধানি, যুদ্ধোত্‌ তার্‌ জিদেনার্‌ কধানি আর এক সময়োত্‌ যিহূদার গজগত্ থেইয়্যে দামেস্ক আর হমাৎ কেধোক্ক্যেনগুরি তে ইস্রায়েলত্তে আরঅ গজক্ গুরি নেযেয়্যে সে কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

১ বংশধর 29:29

দর্শক শমূয়েলর, ভাববাদী নাথনর আর দর্শক গাদর বিজগ বোইবোত্‌ রাজা দায়ূদো রাজাগিরির বেক্‌ কধানি আরাম্ভত্তুন্‌ ধুরি থুম্‌ সং লেগা আঘে।

২ বংশধর 1:1

দায়ূদোর পুয়ো শলোমনে তার্‌ রেজ্যগান্‌ বেশ্ দরমরগুরিনে নিজোর্‌ অধীনোত্‌ রাগেল, কিত্তে তা গোজেন লগেপ্রভু তা লগে এলঅ‌ আর তারে খুব দাঙর্‌ গুরিলো।

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

দানিয়েল 4:23

তুই, ও মহারাজ, এক্কো পবিত্র চুগিদাররে স্বর্গত্তুন্ লামি এত্তে দেখ্যচ্। তে কোইয়্যেদে, গাজ্‌‍চো কাবিনে ভস্ত গুরি ফেলা, মাত্তর্ সিবের্ গোড়া আর শিঙোরান লুয়ো আর পিদোল্লোই বানিনে মাদিত্ মাদ ঘাস ভিদিরে ফেলেইনে থোই দে। তে আগাজ শিরোপানিলোই ভিজোক্; সাত্ বজর্ সং তে য়েমানুনো সমারে বজত্তি গোরোক্।

দানিয়েল 4:25

তরে মানুচ্চুনো ইত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; তুই দামাড়া গোরু ধোক্ক্যেন ঘাস হেবে আর আগাজ শিরোপানিয়ে ভিজিবে। এবাবোত্যেগুরি সাত বজর্ যেবগোই, যেদক ভিলোন্ সং তুই মানি ন-নেযেব, মান্‌‍‍জ্য রেজ্যনি উগুরে দাঙর্ গোজেনে কাবিদ্যঙি গরে আর তেয়ই সিদুগোর্ বেক রেজ্যগানি সেই বেক্ রেজ্যগানি যিবেরে আওজ্ তারে দে।