১ বংশধর 29:10 - Chakma Bible

¹⁰ দায়ূদে বেক্‌ মানুচ্চুনো মুজুঙোত্‌ ইয়েন্‌ কোইনে লগেপ্রভুরে বাঈনী গুরিলো, ও লগেপ্রভু, আমা পুরোণি মানুচ্‌ ইস্রায়েলর গোজেন, পুরোণি কালত্তুন্‌ ধুরিনে থুম্‌ ন-ওইয়্যে কাল সং তরে বাঈনী গোরোদোক্‌।

১ বংশধর 29:10 ပူးပေါင်းရင်းမြစ်များ

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

পত্থম 33:20

সিয়েনত্‌ তে এক্কান ডালিঘর বানেইনে সিয়েন নাঙান দিলো এল্‌-ইলোহে-ইস্রায়েল (যিয়েনর্‌ ভেদ্‌‌তান “ইস্রায়েলর্ গোজেনে আজল্ গোজেন”)।

১ রাজাবলী 8:15

সেক্কে তে কলঅ, ইস্রায়েলর গোজেন লগেপ্রভুর বাঈনী ওক্‌। তে মঅ বাপ্পো দায়ূদো ইদু নিজোর মুয়োন্দি যিয়েনি কোইয়্যে সিয়েনি নিজেই পূরেই দিলো। তে কোইয়্যেদে,

১ বংশধর 29:11

ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্‌, কিত্তে স্বর্গর আর পিত্‌থিমীর বেক্কানি তর্‌। ও লগেপ্রভু, তুয়ই বেক্কানি উগুরে রাজাগিরি গরর্‌; তর্‌ জাগায়ান্‌ বেক্কানি উগুরে।

১ বংশধর 29:20

পরেন্দি দায়ূদে বেক্‌ মানুচ্চুনোরে কলঅ, “তুমি তমা গোজেন লগেপ্রভুরে বাঈনী গরঅ।” সেক্কে তারা বেক্কুনে তারার্‌ পূরোণি মানুচ্চুনোর গোজেন লগেপ্রভুরে বাঈনী গুরিলাক্‌ আর লগেপ্রভু আর রাজার নাঙে মাদা নিগিরিনে জু জু জানেলাক্‌।

১ বংশধর 29:9

তারা হুজি মনে আর খুলো আদে মন দিইনে লগেপ্রভুরে দি পারিনে হুজি অলাক্‌। রাজা দায়ূদেয়ো অমকদ হুজি ওইয়্যে।

২ বংশধর 31:8

হিষ্কিয় আর তার্‌ কাম্‌গুরিয়্যেগুনে এইনে সে কুড়ুন্‌ দেগিনে লগেপ্রভুর বাঈনী গুরিলাক্‌ আর তার্‌ মানুচ্‌ ইস্রায়েলীয়গুনোরে বাঈনী গুরিলো।

২ বংশধর 6:4

সে পরেন্দি তে কলঅ, ইস্রায়েলর গোজেন লগেপ্রভুর বাঈনী ওক্‌। তে মঅ বাপ্পো দায়ূদো ইদু নিজোর্‌ মুয়োন্দি যিয়েনি শমক্‌ হেইয়্যে সিয়েনি নিজেই পূরোণ গুরিলো। তে কোইয়্যেদে,

ইষ্রা 7:27

আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

নহিমিয় 8:6

সেক্কে ইষ্রা মহান গোজেন লগেপ্রভুর বাঈনী গুরিলো, আর বেক্‌ মানুচ্চুনে তারার্‌ আঢ্‌তানি তুলিনে‌ কলাক্‌, “আমেন, আমেন।” সে পরেন্দি তারা মাদিত্‌ মাদা নিগিরিনে লগেপ্রভুরে তারার্‌ মনর্‌ ভোক্তি জানেলাক্‌।

গীতসংহিতা 138:1

ও লগেপ্রভু, মনে পরাণে মুই তরে বাঈনী গুরিম; এন্ কি, দেবেদাগুনো মুজুঙত্‌অ মুই তর্ নাঙ্ গিনেদে-গীদ্ গেইম্।

গীতসংহিতা 146:2

মুই জিংকানিরব্ লগেপ্রভুরে বাঈনী গুরিম; যেদকদিন্ মুই বাঁজি থেম্ সেদকদিন্ মঅ গোজেনরে নাঙ্ গিনি গিনি গান গেম্।

গীতসংহিতা 22:26

নম্র মানুচ্চুনোর্ হেইনে ঈল্ অবঅ; যিগুনে লগেপ্রভুর আওজ্ মজিম্ চলন্ তারা তার্ বাঈনী গুরিবাক্। তারা জিংকানিবর্ জেদা থেবাক্।

গীতসংহিতা 57:6

তারা মর্ আঢিবার পদ্‌তানথ্ জাল পাত্যন্; অত্যেচারে মুই ভাঙি পোজ্যং; তারা মঅ পদ্‌তানথ্ গাদ্ খুজ্যন্, মাত্তর্ তারা নিজে সিয়েনত্ পোজ্যন।

গীতসংহিতা 89:52

জিংকানিবর্ লগেপ্রভুর বাঈনী ওক্! আমেন, আমেন।

যিশাইয় 63:16

ও লগেপ্রভু, তুই দঅ আমা বাপ্। যুনিয়ো অব্রাহামে আমারে হবর্ ন-পায় বা যাকোবে আমারে স্বিগের্ ন-গরে, তো তুয়ই আমা বাপ্; তুই উমরর্ উদ্ধোর্ গুরিয়্যে-ইয়েনই তর্ নাঙান।

যিহিষ্কেল 3:12

সে পরেদি গোজেনর আত্মাগানে মরে তুলি নিলো, আর মুই মঅ পিজেদি জোরে কোইয়্যে এ কধাগান শুনিলুং, “লগেপ্রভুর থেবার্ জাগানত্ তার্ মহিমার বাঈনী ওক্।”

দানিয়েল 2:20

তে কলঅ, “গোজেনে উমরত্যে সাধুবাদ্ পোক্; জ্ঞান আর খেমতা তার।

দানিয়েল 4:34

সে সময়ান শেজ্ ওই গেলে পরেদি মুই নবূখদ্‌নিৎসর স্বর্গ ইন্দি রিনি চেলুং আর মর্ মনান্ গম্ পেলুং। সেক্কে মুই মহান গোজেনরে বাঈনী গুরিলুং; যিবে উমরত্যে বাঁজি আঘে মুই তারে সর্মান দেগেলুং আর তারে নাঙ্ গিনিলুং। মুই কলুং, “গোজেনর রেজ্যগান উমরর্ রেজ্য; তাঁর রাজাগিরি যুগে যুগে থিদেবর্ গোজ্যে।

মথি লেখ্যে গম্ হবর্ 6:9

ইয়েনত্তে তুমি এবাবোত্যেগুরি তবনা গরঅ: ও আমার স্বর্গর্ বাবা, তঅ নাঙান্ পবিত্র বিলিনে মানা ওক্।

লূকে লেখ্যে গম্ হবর্ 11:3

পত্তিদিনোর্ হানা তুই আমারে পত্তিদিন্ দে।

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।

দ্বি’লম্বর বিররণ 32:3

মুই লগেপ্রভুর নাঙান্‌ ফগদাং গুরিম্‌। তুমি আমার গোজেনর মহিমা-গান গরঅ।

ফিলিপীয় 4:20

যুগ যুগ ধুরিনে উমরত্যে আমা বাবা গোজেনর্ বাঈনী ওক্‌। আমেন।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

ফগদাং পেইয়্যে 5:12

তারা জোরে জোরে এ কধাগান কদন্: “যে ভেড়া-ছবোরে মারে ফেলা ওইয়্যে, তেয়ই খেমতা, ধন, জ্ঞান, বল্, সম্মান, বাঈনী আর নাঙ্ গিনে হেবার যোগ্য।”