১ বংশধর 28:7 - Chakma Bible

⁷ যেবাবোত্যে ইক্কিনে গরা অর্‌ সেধোক্ক্যেন গুরি যুনি তে মঅ উগুমান আর নিদ্দেশ্‌ছানি পালানা পৌইদ্যেনে ঠিগ্‌ থায় সালে মুই তাহ্ রেজ্যগান্‌ উমরত্যে থিদেবর্ গুরিম্‌।

১ বংশধর 28:7 ပူးပေါင်းရင်းမြစ်များ

১ রাজাবলী 11:4

শলোমনর্ বুড়ো বয়জত্‌ তা মোক্কুনে তা মনান্‌ দেব-দেবেদাগুনোর ইন্দি টানি নেযেয়োন্‌। সিয়েনত্তে তা বাপ্পো দায়ূদো ধোক্কেন্‌ তা মনত্‌ তার গোজেন লগেপ্রভু উগুরে এদক্‌ ভোক্তি ন-এলঅ।

১ রাজাবলী 3:14

তঅ বাপ্পো দায়ূদো ধোক্ক্যেন গুরি যুনি তুই মর্‌ বেক্‌ সুদোম আর উগুমানি পালন গরচ্‌ আর মর্‌ পধেন্দি আদচ্‌ সালে মুই তরে বোউত্‌ আয়ূ দিম্‌।”

১ রাজাবলী 8:61

এচ্চ্যে যেধোক্কেন্‌ লগেপ্রভুর সুদোম্ আর উঘুম মানিবাত্তে তমা মনানি পুরোপুরিভাবে আমা গোজেন লগেপ্রভুর ইন্দি আঘে সেধোক্কেন্‌ নিত্য থোক্‌।”

১ বংশধর 22:13

মোশির মাধ্যমে লগেপ্রভু ইস্রায়েলরে যে সুদোমান্‌ আর উগুমান্‌ দিয়্যে সিয়েন্‌ যুনি তুই গমেডালে পালাচ্ সালে তুই ভালেদি গুরি পারিবে। তুই বোলী অ আর মনত্‌ সাহস রাগা। ন-দোরেচ্‌ আজা ন-আরেচ্‌।

১ বংশধর 28:10

ইক্কিনে মনযোগী অ, কিয়া তবনা গুরিবাত্তে এক্কান্‌ ঘর্‌ বানেবাত্তে লগেপ্রভু তরে বেঈ লোইয়্যে। তুই বোলী অ আর কাম্‌ গর্‌।”

১ বংশধর 28:8

সেনত্তে বেক্‌ ইস্রায়েলীয়গুনোরে, অত্তাৎ লগেপ্রভু সমাজ মানুচ্চুনোরে আর আমা গোজেন মুজুঙোত্‌ মুই তমারে এ উগুমান্‌ দুয়োঙর্‌, তুমি তমার্‌ গোজেন্‌ লগেপ্রভুর বেক্‌ উগুমানি পালেবাত্তে মনান্‌ দুয়ো যেনে তুমি এ দোল্‌ দেজ্‌ছানত্‌ থেই পারঅ আর উমরত্তে সোম্বোত্তি ইজেবে তমা বংশধরুনো আদত্‌ সিয়েনি দি যেই পারে।

গীতসংহিতা 132:12

তর্ পুয়োগুনে যুনি মঅ থিদেবর্ গোজ্যে সুদোমানি পালান্ আর মঅ কধানি মানন্ যিয়েনি মুই তারারে শিগেম, সালে তারার পুয়োগুনোরে জনমভুরি তঅ সিংহাসনত্ বুজিবাত্তে দিয়্যে অবঅ।”

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।