১ বংশধর 28:4 - Chakma Bible

⁴ তো ইস্রায়েল গোজেন লগেপ্রভু জনমভুরি ইস্রায়েল উগুরে রাজা অবাত্তে মঅ গদা গিরিবো ভিদিরেত্তুন্‌ মরে বেঈ নেযেয়োচ্। তে নেতা ইজেবে যিহূদারে বেঈ লোইয়্যে, সে পরেন্দি যিহূদা-গুট্টিত্তুন্‌ মঅ বাবঅ বংশবোরে বেঈ নেযেয়্যে আর ইস্রায়েল উগুরে রাজা অবাত্তে তে হুজি ওইনে মঅ ভেইয়ূনো ভিদিরেত্তুন্‌ মরে বেঈ লোইয়্যে।

১ বংশধর 28:4 ပူးပေါင်းရင်းမြစ်များ

২ শমূয়েল 5:3

ইস্রায়েল দেজর্‌ বেক্‌ বুড়ো নেতাগুনে হিব্রোণত্‌ রাজা দায়ূদো ইদু লুমিলাক্। সেক্কে রাজা লগেপ্রভুরে সাক্ষী রাগেইনে তারাল্লোই এক্কো চুক্তি গুরিলো। তারা দায়ূদোরে ইস্রায়েল উগুরে রাজা ইজেবে অভিষেগ্ গুরিলাক্।

১ বংশধর 17:23

“ইক্কিনে ও লগেপ্রভু, মর্‌ আর মর্‌ বংশবো পৌইদ্যেনে তুই যে এগেমান্‌ গোজ্যস্‌ সিয়েন উমরত্তেই রোক্ষ্যে গর্‌। তর্‌ এগেম্ মজিম সিয়েন্‌ রোক্ষ্যে গর্‌।

১ বংশধর 17:27

মর্‌ বংশবোরে তুই হুজি ওইনে বর্‌ দুয়োচ্‌ যেনে এ বংশবো সারা জনমত্তেই তঅ মুজুঙোত্‌ থান্‌।

১ বংশধর 5:2

আরঅ যুনিয়ো ভেইয়ো গুট্টিগুনো ভিদিরে যিহূদা-গুট্টিবো বেগত্তুন্‌ বোলী এলঅ আর তা গুট্টিত্তুন্‌ নেতা বেঈ নেযা ওইয়্যে তো দাঙর্‌ পুয়োবো অধিকারান্‌ যোষেফে পেইয়্যে।

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

গীতসংহিতা 108:8

গিলিয়দগান মর্, মনঃশিগানঅ মর্; ইফ্রয়িমান যেন মঅ মাধাবোর লুয়োর টোক্কেবো, আর যিহূদাগান মর্ রাজ লুদিক্কো।

গীতসংহিতা 18:19

তে মরে এক্কান্ খুলো জাগাত্ নিগিলেই আনিলো; মঅ উগুরে হুজি এলঅ বিলিনে তে মরে উদ্ধোর্ গুরিলো।

গীতসংহিতা 60:7

গিলিয়দ আর মনঃশি মর্; ইফ্রয়িম যেন মঅ মাধাবোর লুয়োর্ টোক্ক্যে, আর যিহূদা মর্ রাজ্ লুদিক্।

গীতসংহিতা 89:4

‘তর্ বংশবোরে মুই উমরত্যে থিদেবর্ গুরিম; বংশর পর বংশ ধুরি তর্ সিংহাসনান ঠিগ্ রাগেম।’ ”

ইব্রীয় 7:14

ইয়েন সাব্ কধা যে, আমা প্রভু যিহূদার বংশত্তুন্ এচ্চ্যে। এই বংশত্তুন্ কনঅ মানুচ্‌ যে ধর্মগুরু অবঅ সে কধাগান মোশি কনদিন্‌অ ন-কয়।

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 26:1

পরেন্দি সীফোর মানুচ্চুনে গিবিয়াদত্‌ শৌলর ইদু যেইনে কলাক্, “যিশীমোনর ইদু হখীলা মুড়োবোত্‌ দায়ূদে পৌল্যেই আঘে।”