১ বংশধর 28:21 - Chakma Bible

²¹ গোজেন ঘরর্‌ বেক্‌ সেবা-কামানিত্তে নানান্‌ দল ধর্মগুরু আর লেবীয়গুনে যুক্কোল্‌ আগন্‌‌। বেক্‌ কামানিত্‌ তরে বল্‌ দিবাত্তে কাবিল্‌ আর আওজ্‌বলা মানুচ্চুনেয়ো আগন্‌। নেতাগুনে আর বেক্‌ মানুচ্চুনে তঅ উগুমান্‌ মানিবাক্‌।”

১ বংশধর 28:21 ပူးပေါင်းရင်းမြစ်များ

১ বংশধর 25:25

আদার লম্বরত্ চাম্বাত্‌ উদিলো হনানির নাঙান্‌; তে, তার্‌ পুয়োগুন আর কুদুম্মোগুন মিলিনে অলাক্‌ বারজন।

১ বংশধর 26:26

রাজা দায়ূদ, ইস্রায়েল নানান্‌ বংশর নেতাগুন, আজার্ আর শত উগুরে সৈন্যর সেনাপতিগুন আর বেগঅ দাঙর্‌ সেনাপতিগুন যেদক্কানি পযাপিরা গোজেন নাঙে যুদো গুরি রাগেয়োন্‌ শলোমৎ আর তা বংশর মানুচ্চুনে সে পযাপিরানির ভান্ডালর্‌ চেইচিদিয়্যে এলাক্‌।

১ বংশধর 28:13

ধর্মগুরু আর লেবীয়গুনোর নানান্‌ দল কামানি, লগেপ্রভু ঘরর্‌ বেক্‌ সেবা-কামানি আর সে কামত্‌ বেবহার বেক্‌ পযাপিরানি পৌইদ্যেনে তে তারে উগুম্‌ দিলো।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

যাত্রা 31:3

মুই এই বৎসলেলরে গোজেনর্‌ আত্মালোই পরিপূরোণ গোজ্যং। মুই তারে জ্ঞান, বুদ্ধি, অভিজ্ঞতা আর নানান্‌ বাবত্যে কালিগরি কামর্‌ খেমতা দিইনে রাগেয়োং।

যাত্রা 35:25

যে মিলেগুনে সুদো কাদিবার্‌ কামত্‌ কাবিল্‌ তারা য়েল্, বিগুনি আর রাঙা রঙয়র্‌ সুদো আর মসীনা সুদো নিজোর্‌ আদে কাবি আনিলাক্।

যাত্রা 36:1

“সেনত্তে কেধোক্ক্যেনগুরি এই পবিত্র তাম্বুল-ঘরান্‌ বানা পুরিবো সিয়েন্‌ বুঝিবাত্তেই লগেপ্রভু বৎসলেলরে, অহলীয়াবরে আর অন্য যিদুক্কুন্‌ কালিগররে জ্ঞান আর বুদ্ধি দুয়োন্‌ তারা যেনে লগেপ্রভুর্‌ উগুম মজিম্‌ সেই বেক্‌ কামানি গরন্‌।”

যাত্রা 36:2

ইয়েনর্ পরেদি মোশি এই কামানি গুরিবাত্তেই বৎসলেলরে আর অহলীয়াবরে ডাগিলো আর এধোক্ক্যেন বেক্‌ কাবিল্‌ কালিগরুনোরে ডাগিলো যিগুনোরে লগেপ্রভু কাম্‌ গুরিবার্‌ খেমতা দিয়্যে আর যিগুনে মনত্তুন্‌ সাড়া পেইয়োন।

রোমীয় 13:1

বেক্কুনে দেজর্ শাসনগুরিয়্যেগুনোরে মানি চোলোদোক্, কিয়া গোজেনে যারে শাসনগুরিয়্যে বানায় তে বাদে আর কনজনে শাসনগুরিয়্যে ওই ন-পারন্। গোজেনে শাসনগুরিয়্যেগুনোরে বেঈ লয়;

তীত 3:1

গোজেনর্ মানুচ্চুনোরে মনত্ তুলি দে যেন তারা শাসনগুরিয়্যে আর যিগুনোর্ আঢত্ খেমতা আঘে তারার্ অধিনোত্ থান, বাধ্য অন্ আর মানুচ্চুনোরে যে কনঅ উপকার গুরিবাত্যে যুক্কোল্ থান্।