১ বংশধর 28:13 - Chakma Bible

¹³ ধর্মগুরু আর লেবীয়গুনোর নানান্‌ দল কামানি, লগেপ্রভু ঘরর্‌ বেক্‌ সেবা-কামানি আর সে কামত্‌ বেবহার বেক্‌ পযাপিরানি পৌইদ্যেনে তে তারে উগুম্‌ দিলো।

১ বংশধর 28:13 ပူးပေါင်းရင်းမြစ်များ

১ বংশধর 23:6

লেবির পুয়ো গের্শোন, কহাৎ আর মরারি গুট্টি অনুসারে দায়ূদ লেবীয়গুনোরে তিন্নো দলে ভাগ গুরিলো।

১ বংশধর 28:14

নানান্‌ বাবোত্তে সেবা-কামানিত্তে যেদক্কানি সোনা আর রূবোর্‌ জিনিস বেবহার্‌ গরা পুরিবো তে সিয়েনিত্তে কদক্কানি সোনা আর রূবো লাগিবো সিয়েনি উগুম্‌ দিলো।

১ বংশধর 28:21

গোজেন ঘরর্‌ বেক্‌ সেবা-কামানিত্তে নানান্‌ দল ধর্মগুরু আর লেবীয়গুনে যুক্কোল্‌ আগন্‌‌। বেক্‌ কামানিত্‌ তরে বল্‌ দিবাত্তে কাবিল্‌ আর আওজ্‌বলা মানুচ্চুনেয়ো আগন্‌। নেতাগুনে আর বেক্‌ মানুচ্চুনে তঅ উগুমান্‌ মানিবাক্‌।”

১ বংশধর 9:29

অন্যগুনো উগুরে এলঅ তবনা-ঘর খাট-পালঙানি আর বেক্‌ পিলেগুন, মোয়দে আর আংগুর-রস, তেল, লোবান আর বেক্‌ তুম্বাজ্ মজলানি চুগি দিবার্‌ ভারান্‌।

ইষ্রা 8:33

সে পরেদি চের্ দিনোত্ আমি আমার্ গোজেন ঘর ভিদিরে সেই সনা, রূবো আর পিলেগুন মাবিনে ধর্মগুরু ঊরিয়র পুয়ো মরেমোতর্ আঢত্ দিলোং। মরেমোত সমারে এলদে পীনহসর বংশধর ইলীয়াসর আর তারা সমারে এলদে যেশূয়র পুয়ো যোষাবদ আর বিন্নুয়ির পুয়ো নোয়দিয়। ইগুনে দ্বিজনে লেবীয় এলাক্।