১ বংশধর 28:12 - Chakma Bible

¹² লগেপ্রভু ঘরর্‌ উদোন, সিয়েন চেরোকিত্তে গুদিগুন্‌, গোজেন ঘরর্‌ ধনভান্ডালানি আর উৎসর্ব পযাপিরানি রাগেবার্‌ ভান্ডাল যে আরুক্কানি পবিত্র আত্মা দায়ূদো ইদু ফগদাঙ্‌ গোজ্যে সিয়েনি বেক্কানি তে শলোমনরে জানেল।

১ বংশধর 28:12 ပူးပေါင်းရင်းမြစ်များ

১ রাজাবলী 14:26

তে লগেপ্রভুর ঘরর্‌ আর রাজঘরর্‌ ধন-সোম্বোত্তিগানি নেযেল। তে বেক্কানি নেযেল, এন্‌ কি, শলোমনর্‌ বানেয়্যে সোনার বেক্‌ ঢালানিয়ো নেযেল।

১ রাজাবলী 15:15

তে আর তা বাপ্পো যেদক্কানি সোনা, রূবো আর অন্য জিনিস লগেপ্রভুর নাঙে যুদো গুরি রাগেয়োন সিয়েনি তে লগেপ্রভুর ঘরত্‌ নেযেল।

১ রাজাবলী 15:18

লগেপ্রভুর ঘরত্‌ আর নিজোর্‌ রাজঘর ভান্ডালত্‌ যেদক্কানি সোনা আর রূবো এলঅ আসা সিয়েনি বেক্কানি নিগিলেই নেযেল। সিয়েনি তার্‌ কামগুরিয়্যেগুনোর্‌ আঢত্‌ দিইনে অরামর রাজা বিনহদদ ইদু পাধেই দিলো। বিনহদদ অলদে টব্রিম্মোণর পূঅ হিষিয়োণর নাদিন্‌। তে সেক্কে দামেস্কত্‌ রাজাগিরি গুরিদো। আসা তারে কোই পাদেল,

১ রাজাবলী 7:51

এবাবোত্যেগুরি রাজা শলোমনে লগেপ্রভুর ঘরর বেক্‌ কামানি থুম্ গুরিলো। সে পরেন্দি তে তা বাপ্পো দায়ূদে যেদক্কানি পযাপিরা লগেপ্রভুর নাঙে যুদো গুরি রাগেয়্যে সিয়েনি আনিলো। সিয়েনি অলদে সনা, রূবো আর নানান বাবোত্যে পিলে। সিয়েনি তে লগেপ্রভুর ঘরর ধনভান্ডালত্‌ থোই দিলো।

২ রাজাবলী 16:8

আহসে লগেপ্রভুর ঘর আর রাজঘরর্‌ ভান্ডালত্তুন্‌ সোনা আর রূবো লোইনে ভেদ ইজেবে আসিরিয়ার রাজা ইদু পাধেই দিলো।

২ রাজাবলী 18:15

সেনত্তে হিষ্কিয় লগেপ্রভুর ঘরত্‌ আর রাজঘর ভান্ডালত্‌ যেদক্কানি রূবো এলঅ বেক্কানি তারে দিলো।

১ বংশধর 26:20

গোজেন ঘরর ধনভান্ডাল্‌ আর গোজেন নাঙে যুদো গোজ্যে পযাপিরার্‌ ধনভান্ডাল চেইচিদেনার্‌ ভারান্‌ এলদে বাদবাগি লেবীয়গুনো ভিদিরেত্তুন্‌ অহিয়োর উগুরে।

১ বংশধর 28:11

সে পরেন্দি দায়ূদে তাহ্ পুয়ো শলোমনরে তবনা-ঘরর্‌ আস্‌ছালা, বিল্ডিঙানি, ভান্ডাল্‌-ঘরানি, উগুরে আর ভিদিরে গুদিগুন্‌ আর পাপ ঢাগিবার জাগান আরুক্কানি দিলো।

১ বংশধর 28:19

দায়ূদে কলঅ, “লগেপ্রভু যে আরুক্কান্‌ মইদু ফগদাঙ্‌ গোজ্যে সিয়েন পরিচালনায় মুই সিয়েন্‌ ছাবেয়োং, আর সে আরুক্কানর্‌ বেক্কানি বুঝিবার জ্ঞানান্‌ তে মরে দিয়্যে।”

যাত্রা 25:40

এই মুড়োবো উগুরে তরে যে নক্‌সাগান্‌ দেগা অলঅ‌ ঠিগ্ সেধোক্ক্যেন গুরি যেনে বেক্কানি বানা অয়্‌ সিয়েনি রিনি চেইজ্‌।

যাত্রা 31:2

“চাহ্, মুই যিহূদা-গুট্টির্‌ ঊরির পূঅ বৎসলেলরে বেঈ লোইয়োং। ঊরি অলদে হূরোর্‌ পূঅ।

যিরমিয় 35:2

“তুই রেখবীয় বংশর মানুচ্চনো ইধু যেইনে তারারে মঅ ঘরর্ এক্কো গুদিত্ এবাত্তে কঅ আর তারারে আংগুর-রস হেবাত্তে দে।”

যিহিষ্কেল 40:2

গোজেনর দিয়্যে দর্শনানর ভিদিরেদি তে মরে ইস্রায়েল দেজত্ নেযেইনে এক্কান অমকদ অজল্ মুড়ো উগুরে রাগেল। সেই মুড়োবোর্ দোগিণেদি কয়েক্কান বিল্ডং এলঅ যিগুন চাদে শঅর ধোক্ক্যেন্।

যিহিষ্কেল 40:38

বারেদি উদোন সংমোধ্যে ভিদিরে গেদোর্ খুদোবো কায়কুরে এক কিত্তেদি খুলো এক্কো গুদি এলঅ; সিবে এলদে পুজ্যে-উৎসর্বর্ য়েমান য়েরা ধবার্ জাগা।

ইব্রীয় 8:5

ধর্মগুরু ইজেবে তারার্ এ কামান্ স্বর্গ কামর বানা এক্কান আরুক্ আর ছাবা ধোক্ক্যেন। সেনত্যে মোশি যেক্কে সেই উবোসনা-তাম্বুলান বানেবাত্যে যার্ সেক্কে গোজেনে ইয়েন কোইনে মোশিরে উজিয়ার্ গোজ্জ্যে, “সিনাই মূড়োবো উগুরে তরে যে নমুনাগান দেগা অলঅ ঠিগ্ সেবাবোত্যেগুরি যেন বেক্কানি বানা অয় সিয়েন চেইজ্।”