১ বংশধর 26:32 - Chakma Bible

³² যিরিয় বংশর দ্বিআজার্ সাতশঅ জন মানুচ্‌ খেমতাবলা এলাক্‌। তারা অলাক্‌ নিজো নিজো গিরির্ নেতা। রাজা দায়ূদে গোজেন আর রাজার বেক্‌ কামানি গুরিবাত্তে রূবেণীয়, গাদীয় আর মনঃশি-গুট্টির্‌ অদ্দেক্‌ মান্‌জ্য উগুরে এ হিব্রোণীয়গুনোরে নেযা অলঅ।

১ বংশধর 26:32 ပူးပေါင်းရင်းမြစ်များ

১ বংশধর 12:37

নানান্‌ বাবোত্যে আত্যের্‌ লোইনে যর্দন পূগেন্দিত্তুন্‌ এলাক্‌ এক লাখ্‌ কুড়ি আজার্ মানুচ্‌। ইগুনে এচ্ছ্যন্‌ রূবেণ, গাদ আর মনশিঃ-গুট্টির অদ্দেক্‌ মান্‌জ্যর ভিদিরেত্তুন্‌।

১ বংশধর 15:12

তে তারারে কলঅ, “তুমি অলাদে লেবি-গুট্টির নানান্‌ বংশর নেতা; তুমি আর তমা সমাজ্যে লেবীয়গুনে গোজেন নাঙে নিজোরে ফারক্‌ গুরি নেযেবা, যেনে যে জাগায়ান্‌ মুই যুক্কোল্‌ গুরি রাগেয়োং সে জাগানত্‌ তুমি ইস্রায়েল গোজেন লগেপ্রভুর সুন্দুক্কো আনিনে রাগেই পারিবা।

১ বংশধর 23:24

ইগুনে অলাক্‌ বংশ অনুসারে লেবি-গুট্টির নানান্‌ বংশর নেতা। ইগুনো বংশ মানুচ্চুনো ভিদিরে যিগুনোর বয়স এলদে কুড়ি বা তাত্তুন্‌অ বেজ্ তারারে গুণিনে নাঙানি লেগা ওইয়্যে, আর তারা অলাক্‌ লগেপ্রভুর ঘরর্‌ সেবাগুরিয়্যে।

১ বংশধর 24:31

ইগুনেয়ো রাজা দায়ূদ, সাদোক, অহীমেলক আর ধর্মগুরু আর লেবীয়গুনোর বংশ-নেতাগুনোর মুজুঙোত্‌ ইগুনো ভেইয়ুনোরে, অত্তাৎ হারোণ বংশর মানুচ্চুনো ধোক্ক্যেন গুরিনে চাম্বা চেয়োন্‌। দাঙর্‌ ভেইবো ওক্‌ বা চিগোন্‌ ভেইবো ওক্‌ তারা বেক্কুনোত্তে এক্কুই চাম্বা চাহ্ ওইয়্যে।

১ বংশধর 27:1

ইগুনে অলাক্‌ ইস্রায়েলীয় বংশর নেতা, আজার্ আর শত উগুরে সৈন্যর্‌ সেনাপতি আর তারা অধীনোত্‌ কাম্‌গুরিয়্যেগুনো নাঙানি। ইগুনে নানান্‌ সৈন্যদল বেক্কানি বিষয়ে রাজারে বল্‌ দিদাক্‌। বারবো দলর্‌ এক্কোত্‌ চোব্বিশ আজার্ সৈন্য এলাক্‌। পুরো বজর্‌বো ধুরিনে এক্কো দলে এক মাস গুরিনে কাম্‌ গুরিদাক্‌।

২ বংশধর 19:11

“লগেপ্রভুর বেক্কানি পৌইদ্যেনে আজল্‌ ধর্মগুরু অমরিয় আর রাজার বেক্কানি পৌইদ্যেনে যিহূদা-গুট্টির নেতা ইশ্মায়েলর পুয়ো সবদিয় তমা উগুরে নেযা অলঅ, আর লেবীয়গুনে তমারে বল্‌ দিবাক্‌। তুমি সাহস গুরিনে কাম্‌ গরঅ। যিগুনে গমেডালে কাম্‌ গুরিবা লগেপ্রভু তারারে লগে থেবঅ।”

যিহোশূয় 1:12

রূবেণ আর গাদ-গুট্টির বেক্কুনোরে আহ্‌ মনঃশি-গুট্টির অদ্দেক্‌ মান্‌জ্যরে যিহোশূয় কলদে,