১ বংশধর 26:26 - Chakma Bible

²⁶ রাজা দায়ূদ, ইস্রায়েল নানান্‌ বংশর নেতাগুন, আজার্ আর শত উগুরে সৈন্যর সেনাপতিগুন আর বেগঅ দাঙর্‌ সেনাপতিগুন যেদক্কানি পযাপিরা গোজেন নাঙে যুদো গুরি রাগেয়োন্‌ শলোমৎ আর তা বংশর মানুচ্চুনে সে পযাপিরানির ভান্ডালর্‌ চেইচিদিয়্যে এলাক্‌।

১ বংশধর 26:26 ပူးပေါင်းရင်းမြစ်များ

২ শমূয়েল 8:11

ইয়েনর্ আগেন্দি দায়ূদে অরামীয়, মোয়াবীয়, অম্মোনীয়, পলেষ্টীয় আর অমালেকীয় জাদ্‌তুনোরে দোঙেবাত্তে তারারে সনা-রূবোগানি অানিনে লগেপ্রভুর নাঙে ফারক্ গুরিনে রাগেয়্যে, আর তে সোবার রাজা রহোবর পূঅ হদদেষরর ইত্তুন্‌ যিয়েনি লুদেইনে আন্যে সিয়েনিয়ো ফারক্ গুরি রাগেয়্যে। ঠিগ্‌ সেধোক্ক্যেন গুরি যোরামর দিয়্যে বেক্‌ পযাপিরানিয়ো তে লগেপ্রভুর নাঙে যুদো গুরি রাগেল।

১ বংশধর 18:11

ইয়েন আগেন্দি রাজা দায়ূদে ইদোমীয়, মোয়াবীয়, অম্মোনীয়, পলেষ্টীয় আর অমালেকীয়গুনো ইত্তুন্‌ সোনা আর রূবো আনিনে যেধোক্ক্যেন লগেপ্রভুর নাঙে যুদো গুরি রাগেয়োন্‌ সেধোক্ক্যেন ইয়েনিলোই তে সেধোক্ক্যেন গুরিলো।

১ বংশধর 22:14

“মুই বোউত্‌ দুগ্‌ গুরিনে লগেপ্রভু ঘরত্তে তিন আজার্ নয়শ টন সোনা আর ঊনচোল্লিশ আজার্ টন রূবো রাগেয়োং। ইয়েনিবাদে এদক্‌ বেশ্‌ পিদোল্‌ আর লুয়ো রাগেয়োং যিয়েনি মাবানা সম্ভব নয়, আর তক্তা আহ্‌ শিলঅ ঠিগ্‌ গুরি রাগেয়োং। হামাক্কাই ইয়েন সমারে তুয়ো কিজু দি পারিবে।

১ বংশধর 26:25

গের্শোম ভেই ইলীয়ষের মাধ্যমে শলোমোৎ এলদে শবূয়েল বংশর মানুচ্‌। ইলীয়ষের পুয়ো রহবিয়, রহবিয় পুয়ো যিশায়াহ, যিশায়াহ পুয়ো যোরাম, যোরাম পুয়ো সিখ্রি, সিখ্রির পুয়ো শলোমোৎ।

১ বংশধর 26:27

যুদ্ধোত্‌ লুদেয়্যে কয়েক্কান্‌ পযাপিরা তারা লগেপ্রভুর ঘর্‌ ঠিগ্‌ গুরিবাত্তে তার্‌ নাঙে যুদো গুরি রাগেয়োন্‌।

১ বংশধর 28:21

গোজেন ঘরর্‌ বেক্‌ সেবা-কামানিত্তে নানান্‌ দল ধর্মগুরু আর লেবীয়গুনে যুক্কোল্‌ আগন্‌‌। বেক্‌ কামানিত্‌ তরে বল্‌ দিবাত্তে কাবিল্‌ আর আওজ্‌বলা মানুচ্চুনেয়ো আগন্‌। নেতাগুনে আর বেক্‌ মানুচ্চুনে তঅ উগুমান্‌ মানিবাক্‌।”

১ বংশধর 9:14

লেবীয়গুনো ইত্তুন্‌: হশূবর পুয়ো শমরিয়। তা পূরোণি মানুচ্চুনো ভিদিরে এলাক্‌ অস্রীকাম, হশবিয় আর মরারি।

২ বংশধর 23:8

ধর্মগুরু যিহোয়াদা যে উগুমান্‌ দিলো লেবীয়গুনে আর যিহূদার শত্‌ শত্‌-সেনাপতিগুনে বেক্কুনে সিয়েনই গুরিলাক্‌। সেনাপতিগুনে পত্তিজনে নিজোর্‌ নিজোর্‌ মানুচ্চুনোর, অত্তাৎ জিরেবার দিন্নোত্‌ যিগুনে কাম পালা বুদুলিবাত্তে এচ্ছ্যন্‌ আর যিগুনে কামত্তুন্‌ ফিরোদন্‌ তারারে আনিলাক্। ইগুনোর্‌ কনঅ দলরে ধর্মগুরু যিহোয়াদা ছুটি ন-দে।

২ বংশধর 31:2

পূজ্যে-উৎসর্ব আর উদোলোলি-উৎসর্বর পরব্‌পান গুরিবাত্তে, সেবা-কামত্তে আর গোজেনর ঘরত্‌ পাত্তুরু তুরু আর নাঙ্ গিনেদে-গীদ গুরিবাত্তে হিষ্কিয় ধর্মগুরু আর লেবীয়গুনোর্‌ পত্তিজনর্‌ কাম্‌ মজিম তারারে নানান্‌ বাবোত্যে দলরে নেযেল।

ইষ্রা 2:42

উবোসনা-ঘরর চুগিদারুন্ অলাক্ বেক্কুনে একশ ঊনচল্লিশ জন। ইগুনে অলাক্ শল্লুম, আটের, টল্‌মোন, অক্কূব, হটীটা আর শোবয়ের বংশর্ মানুচ্।

নহিমিয় 12:45

দায়ূদ আর তার্‌ পূঅ শলোমনর্ উগুম মজিম্ ধর্মগুরু আর লেবীয়গুনে তারার্‌ গোজেনর সেবা-কাম্‌ আর সিজি গুরিবার্‌ কামানি গুরিদাক্‌ আর গানগেইয়্যে আর চুগিদারুনে তারার্‌ ঠিগ্‌ গোজ্যে কামানি গুরিদাক্‌।