১ বংশধর 26:20 - Chakma Bible

²⁰ গোজেন ঘরর ধনভান্ডাল্‌ আর গোজেন নাঙে যুদো গোজ্যে পযাপিরার্‌ ধনভান্ডাল চেইচিদেনার্‌ ভারান্‌ এলদে বাদবাগি লেবীয়গুনো ভিদিরেত্তুন্‌ অহিয়োর উগুরে।

১ বংশধর 26:20 ပူးပေါင်းရင်းမြစ်များ

১ রাজাবলী 14:26

তে লগেপ্রভুর ঘরর্‌ আর রাজঘরর্‌ ধন-সোম্বোত্তিগানি নেযেল। তে বেক্কানি নেযেল, এন্‌ কি, শলোমনর্‌ বানেয়্যে সোনার বেক্‌ ঢালানিয়ো নেযেল।

১ রাজাবলী 15:18

লগেপ্রভুর ঘরত্‌ আর নিজোর্‌ রাজঘর ভান্ডালত্‌ যেদক্কানি সোনা আর রূবো এলঅ আসা সিয়েনি বেক্কানি নিগিলেই নেযেল। সিয়েনি তার্‌ কামগুরিয়্যেগুনোর্‌ আঢত্‌ দিইনে অরামর রাজা বিনহদদ ইদু পাধেই দিলো। বিনহদদ অলদে টব্রিম্মোণর পূঅ হিষিয়োণর নাদিন্‌। তে সেক্কে দামেস্কত্‌ রাজাগিরি গুরিদো। আসা তারে কোই পাদেল,

১ রাজাবলী 7:51

এবাবোত্যেগুরি রাজা শলোমনে লগেপ্রভুর ঘরর বেক্‌ কামানি থুম্ গুরিলো। সে পরেন্দি তে তা বাপ্পো দায়ূদে যেদক্কানি পযাপিরা লগেপ্রভুর নাঙে যুদো গুরি রাগেয়্যে সিয়েনি আনিলো। সিয়েনি অলদে সনা, রূবো আর নানান বাবোত্যে পিলে। সিয়েনি তে লগেপ্রভুর ঘরর ধনভান্ডালত্‌ থোই দিলো।

১ বংশধর 18:11

ইয়েন আগেন্দি রাজা দায়ূদে ইদোমীয়, মোয়াবীয়, অম্মোনীয়, পলেষ্টীয় আর অমালেকীয়গুনো ইত্তুন্‌ সোনা আর রূবো আনিনে যেধোক্ক্যেন লগেপ্রভুর নাঙে যুদো গুরি রাগেয়োন্‌ সেধোক্ক্যেন ইয়েনিলোই তে সেধোক্ক্যেন গুরিলো।

১ বংশধর 26:19

ইয়েন্‌ অলঅ কোরহ আর মরারি বংশর চুগিদারুনোর দলভাগ।

১ বংশধর 26:21

গের্শোনীয় লাদন পুয়ো অলঅ যিহীয়েলি। যিহীয়েলি পুয়ো সেথম আর তাহ্ ভেই যোয়েল উগুরে এলঅ লগেপ্রভু ঘরর্‌ ধনভান্ডালর দেগাশুনোর্‌ ভারান্‌। ইগুনে অলাক্‌ তারার্‌ নিজো নিজো বংশর নেতা।

১ বংশধর 26:24

শবূয়েল নাঙে মোশির পুয়ো গের্শোমর এক্কো বংশধর আজল্‌ ধন চুগিদার এলঅ।

২ বংশধর 8:15

রাজা দায়ূদে ভান্ডালর্ কনঅ পৌইদ্যেনে আর অন্য যে কনঅ পৌইদ্যেনে ধর্মগুরুগুনোরে আর লেবীয়গুনোরে যে উগুমানি দি যেইয়্যে সিয়েনি তারা অমান্য ন-গুরিলাক্‌।

ইষ্রা 2:69

তারার্ খেমতা মজিম এই কামত্তে তারা চের্‌‍শ পাচ কেজি সনা, তিন আজার দ্বিশ পঞ্চাশ কেজি রুবো আর ধর্মগুরুগুনোত্যে একশত্‌‍তো পোজাগ্ ধনভান্ডালত্ দিলাক্।

ইষ্রা 8:28

মুই তারারে কলুং, “তমার আর এই বেক্ পিলেগুন লগেপ্রভুর নাঙে যুদো গরা ওইয়্যে। ইগুনবাদে এই সনা আর রূবোগানি তমার পূরোণি মানুচ্চুনোর গোজেন লগেপ্রভুর নাঙে নিজোর্ আওজে দান গোজ্যে।

নহিমিয় 12:44

ভান্ডাল-ঘরত্‌ যিদুক্কুন্‌ দান, পত্তমে তুল্যে ফসল আর দশমাংশ আনা অদঅ সিগুন্‌ চেইচিদিবাত্তে সে অক্তত্‌ মানুচ্চুনোরে নেযা অলঅ। তারা আদামানির কায়-কুরে ক্ষেদত্তুন্‌ রীদি-সুদোম মজিম ধর্মগুরু আর লেবীয়গুনোত্তে মানুচ্চুনোর ইত্তুন্‌ ফসলর ভাগ্‌ লোই এদাক্‌। যিহূদার মানুচ্চুনে হুজি মনে দিদাক্‌, কিত্যে সেবাগুরিয়্যে ধর্মগুরু আর লেবীয়গুনোরে কামত্‌ তারা হুজি এলাক্‌।

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

গণাণা 8:26

সেক্কে এই মানুচ্চুনে মিলন-তাম্বুলোত্‌ তারার্‌ ভেইয়ুনো সমারে দেগাশুনোর্‌ কামত্‌ সাহায্য গুরি পারিবাক মাত্তর্‌ নিজেয়ো কনঅ কামত্‌ আত্‌ দিই ন-পারিবাক। এই সুদোম মজিম তুই লেবীয়গুনোর্‌ কামানি ঠিগ্ গুরি দিবে।”