১ বংশধর 25:6 - Chakma Bible

⁶ গোজেন ঘরর সেবা-কামত্তে ইগুনে বেক্কুনে তারার্‌ বাব্‌ আসফ, যিদূথূন আর হেমন পরিচালনার্‌ অধীনোত্‌ এলাক্‌। তারা রাজার উগুমে ঝোন্‌ঝোনি, বাশি আর হার্‌মোনিলোই লগেপ্রভুর ঘরত্‌ গান-বাজনা গুরিদাক্‌।

১ বংশধর 25:6 ပူးပေါင်းရင်းမြစ်များ

২ শমূয়েল 6:5

দায়ূদ আর ইস্রায়েল জাদর্‌ বেক্‌ মানুচ্চুনে লগেপ্রভুর মুজুঙোত্‌ দেবদারু তক্তার বানেয়্যে বেক্‌ যন্ত্রগানি আর সুরবাহার, বীণা, খঞ্জনী, ঝুম্‌ঝুমি আর করতাল বাজেইনে ফুত্তি গত্তন্‌।

১ রাজাবলী 10:12

রাজা সে বেরস তক্তানিলোই লগেপ্রভুর ঘরর্‌ আর রাজঘরর্‌ রেলিং আর গানগেই্‌য়্যেগুনোত্তে বীণা আর সুরবাহার বানেল। এচ্ছে সং এদক্‌ বেরস তক্তা কনদিন্‌অ দেজত্‌ আনা ন-অয় আর দেগায়ো ন-যায়।

১ বংশধর 15:16

দায়ূদে লেবীয়গুনোর নেতাগুনোরে কলঅ, তারা যেনে বাদ্যযন্ত্র, অত্তাৎ বীণা, সুরবাহার আর করতাল বাজেইনে হুজির্‌ গান গেবাত্তে তারা গানগেইয়্যে ভেইয়ুনোরে ঠিগ্ গরন।

১ বংশধর 15:19

পিদোল করতাল বাজেবার্‌ ভারান্‌ পড়িলোদে গানগেইয়্যে হেমন, আসফ আর এথনর্ উগুরে।

১ বংশধর 15:22

গান পরিচালনার ভারান্‌ পড়িলোদে লেবীয় নেতা কননিয় উগুরে। তে গানত্‌ কাবিল্‌ এলঅ বিলিনে তা উগুরে সে ভারান্‌ পড়িলো।

২ বংশধর 20:28

তারা বাশি, হার্‌মনি আর তূরী বাজাদে বাজাদে যিরূশালেমত্‌ ফিরি এইনে লগেপ্রভুর ঘরত্‌ গেলাক্‌।

২ বংশধর 23:13

তে দেগিলোদে, লগেপ্রভুর ঘরত্‌ সোমেবার্‌ পথ্‌তানত্‌ রাজা তার্‌ থুনিবো কায়-কুরে থিয়্যেই আঘে আর সেনাপতিগুনে আর তূরী বাজেয়্যেগুনে রাজার্‌ কায়-কুরে আগন্‌। দেজর্‌ বেক্‌ মানুচ্চুনে হুুজি-ফুত্তি গত্তন্‌ আর তূরী বাজাদন্‌ আর গান গেইয়্যেগুনে বাজনা বাজেইনে নাঙ্ গিনেদে-গান গত্তন্‌। ইয়েনি দেগিনে অথলিয়া তার্‌ কাবড়্‌-চুগোড়ানি ফাদিনে রঅ ছাড়িনে কলঅ, “ইয়েন্‌ দঅ বেঈমানি! বেঈমানি!”

২ বংশধর 29:13

ইলীষাফণর বংশধরুনো ভিদিরেত্তুন্‌ শিম্রি আর যিয়ূয়েল; আসফর বংশধরুনো ভিদিরেত্তুন্‌ সখরিয় আর মত্তনিয়;

২ বংশধর 29:25

রাজা দায়ূদ, তার্‌ চেইচিদিয়্যে গাদ আর ভাববাদী নাথনর উগুম্‌ মজিম্‌ রাজা হিষ্কিয় লেবীয়গুনোরে কলদে যেনে তারা ঝোন্‌ঝোনি, বাশি আর হার্‌মনি লোইনে লগেপ্রভুর ঘরত্‌ যান্‌। লগেপ্রভু তার্‌ ভাববাদীগুনোর্‌ মাধ্যমে এ উগুমানি দিয়্যে।

নহিমিয় 11:17

ইগুনে বাদেয়ো এলদে মীখার পূঅ মত্তনিয়, যিবে ভালেদি আর তবনাগানি পরিচালনা কামত্‌ আজল্‌ এলঅ। মীখার পূরোণিমানুচ্চুন অলাক্‌ সব্দি আর আসফ। ইগুনোর্‌ লগে এলাক্‌ বক্‌বুকিয়, যিবে তার্‌ সমাজ্যেগুনোর্‌ ভিদিরে দ্বিলম্বরত্‌। আরঅ এলদে শম্মুয়োর পূঅ অব্দ; শম্মুয়োর পূরোণিমানুচ্চুনে অলাক্‌ গালল আর যিদূথূন।

নহিমিয় 12:24

লেবীয়গুনোর নেতা হশবিয়, শেরেবিয়, কদ্‌মীয়েলর পূঅ যেশূয় আর তারার্‌ বংশর মানুচ্চুনে গোজেনর মানুচ্‌ দায়ূদোর কধামজিম্‌ অন্য দলর্‌ মুজুঙো-মুজুঙি থিয়্যেইনে দলকে দল্‌ গোজেনরে নাঙ্‌ গিনিদাক্‌ আর ভালেদি জানেদাক্‌।

নহিমিয় 12:46

বোউত্‌ বজর্‌ আগেত্তুন্‌ ধুরি দায়ূদ আর আসফর সময়োত্‌ গোজেনর নাঙে বাঈনী আর ভালেদির গান গেবাত্তে গানগেইয়্যেগুনোরে আর পরিচালক্কুনোরে নেযা ওইয়্যে।

গীতসংহিতা 68:25

পত্তমে যাদন্ গীদ্ গেইয়্যেগুনে, তারার্ পিজেন্দি যাদন বাজনা বাজেয়্যেগুনে; ঝোন্‌যোনি-বাজেয়্যে মিলেগুনোর সংমধ্যে তারা যাদন্।

ইফিষীয় 5:19

আর গীতসংহিতার গীদ্, বাঈনী গরানা আহ্ আত্মিক গীদোর্ মাধ্যমে তুমি একজন আরেকজন সমারে কধা কঅ; তমা মনেদি প্রভুর নাঙে গীদ্ গঅ।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।