১ বংশধর 25:5 - Chakma Bible

⁵ ইগুনে বেক্কুনে অলাক্‌ রাজার দর্শক হেমন পুয়ো। গোজেন এগেম্ মজিম হেমনরে খেমতাবলা গুরিবাত্তে গোজেনে তারে চোদ্দোবো পুয়ো আর তিন্নো ঝি দিলো।

১ বংশধর 25:5 ပူးပေါင်းရင်းမြစ်များ

পত্থম 33:5

পরেদি এষৌ মুয়োন্‌ তুলিনে সে বেক্‌ মিলেগুন্‌ আর পুয়ো-ঝিগুনোরে দেগিনে পুযোর্‌ গুরিলো, “তঅ লগে ইগুন্‌ কন্না?” যাকোবে কলঅ, “গোজেনে দোয়্যে গুরি তঅ চাগর্‌বোরে এ পুয়ো-ঝিগুন দিলো।”

২ শমূয়েল 24:11

তার্‌কেল্যে বেন্যে দায়ূদে ঘুমোত্তুন্‌ উদোনার্ পর্ তা দর্শক ভাববাদী গাদর ইদু লগেপ্রভুর এ কধাগান ফগদাঙ্‌ গুরিলো,

১ বংশধর 21:9

লগেপ্রভু সেক্কে দায়ূদ দর্শক ভাববাদী গাদরে কলঅ,

১ বংশধর 25:4

হেমন পুয়ো বুক্কিয়, মত্তনিয়, উষীয়েল, শবূয়েল, যিরীমোৎ, হনানিয়, হনানি, ইলীয়াথা, গিদ্দল্‌তি, রোমাম্‌তী-এষর, যশ্‌বকাশা, মল্লোথি, হোথীর আর মহসীয়োৎ।

১ বংশধর 28:5

লগেপ্রভু মরে ভালোক্কুন্‌ পুয়ো দিয়্যে, আর সে পুয়োগুনো ভিদিরে লগেপ্রভুর রেজ্যগান্‌ ইস্রায়েল সিংহাসনত্‌ বোজেবাত্তে তে মঅ পুয়োবো শলোমনরে বেঈ লোইয়্যে।

২ বংশধর 35:15

দায়ূদ, আসফ, হেমন আর রাজার চেইয়্যে যিদূথূনোর উগুম মজিম্ আফসর গুট্টির গানগেইয়্যে আর বাজেয়্যেগুনে নিজোর্‌ নিজোর্‌ জাগাত্‌ এলাক্‌। পত্তি গেদোত্‌ চুগিদার এলাক্‌। তারার্‌ কামানি ছাড়ি এজানা দরকার্‌ ন-অলঅ, কিত্তে তারার্‌ লেবীয় ভেইয়ুনে তারাত্তে বেবস্থা গোজ্যন্‌।

গীতসংহিতা 127:3

পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

১ শমূয়েল 9:9

পুরোণি দিনোত্‌ ইস্রায়েল দেজর্‌ কনঅ মানুচ্‌ যুনি গোজেন ইত্তুন্‌ কনঅ পৌইদ্যেনে জানিবাত্তে চেদঅ সালে তে যেবার আগেন্দি কদঅ, “আদঅ, আমি ভাববাদীবো ইদু যেই।” ইক্কিনে যিবেরে ভাববাদী কুয়ো অদঅ পুরোণি দিনোত্‌ তারে কুয়ো অদঅ দর্শক।