১ বংশধর 25:3 - Chakma Bible

³ যিদূথূনর ছঅ জন পুয়ো গদলিয়, সরী, যিশায়াহ, শিমিয়ি, হশবিয় আর মত্তিথিয়। তারা তারার্‌ বাপ্পো যিদূথূন পরিচালনায় হারমনি বাজেইনে লগেপ্রভুরে নাঙ্‌ গিনেনা আর ভালেদি জানানার্‌ মাধ্যমে তা কধানি ফগদাঙ্‌ গুরিদাক্।

১ বংশধর 25:3 ပူးပေါင်းရင်းမြစ်များ

১ বংশধর 15:18

তারা সমারে নেযা অলঅ তারা বংশর দ্বিলম্বরর ধর্মগুরুগুনোরে। তারা অলাক্‌ সখরিয়, বেন, যাসীয়েল, শমীরামোৎ, যিহীয়েল, উন্নি, ইলীয়াব, বনায়, মাসেয়, মত্তিথিয়, ইলীফলেহূ, মিক্‌নেয় আর ওবেদ-ইদোম আর যিয়ীয়েল নাঙে দোরোর্‌ দ্বিজন চুগিদার্‌।

১ বংশধর 15:21

চিগোন্‌ রঅ গুরিনে সুরবাহার বাজেবার্‌ ভারান্‌ পড়িলোদে মত্তিথিয়, ইলীফলেহূ, মিক্‌নয়, ওবেদ-ইদোম, যিয়ীয়েল আর অসসিয়র উগুরে।

১ বংশধর 25:2

আসফর পুয়ো সক্কুর, যোষেফ, নথনিয় আর অসারেল। তারা রাজার্ উগুমে আসফর পরিচালনায় গানর মাধ্যমে গোজেন কধানি ফগদাঙ্‌ গুরিদাক্‌।

১ বংশধর 25:21

চোদ্দো লম্বরত্ চাম্বাত্‌ উদিলো মত্তিথিয়র নাঙান্‌; তে, তার্‌ পুয়োগুন আর কুদুম্মোগুন মিলিনে অলাক্‌ বারজন।

১ বংশধর 25:4

হেমন পুয়ো বুক্কিয়, মত্তনিয়, উষীয়েল, শবূয়েল, যিরীমোৎ, হনানিয়, হনানি, ইলীয়াথা, গিদ্দল্‌তি, রোমাম্‌তী-এষর, যশ্‌বকাশা, মল্লোথি, হোথীর আর মহসীয়োৎ।

১ বংশধর 9:16

শময়িয় পুয়ো ওবদিয়। তা পূরোণি মানুচ্চুনোর ভিদিরে এলাক্‌ গালল আর যিদূথূন। ইল্‌কানা নাদিন্‌, অত্তাৎ আসার পুয়ো বেরিখিয়। তে নটোফাতীয় গুনো আদামত্‌ বজত্তি গুরিদো।

২ বংশধর 29:14

হেমন বংশধরুনো ভিদিরেত্তুন্‌ যিহূয়েল আর শিমিয়ি আর যিদূথূনোর বংশধরুনো ভিদিরেত্তুন্‌ শময়িয় আর উষীয়েল।

গীতসংহিতা 92:1

ও লগেপ্রভু, দাঙর্ গোজেন, দশতারা আর হার্‌মোনি বাজেইনে আর বাশিলোই তরে ভালেদি জানানা, তর্ নাঙ্-গিনেদে গান গরানা, বেন্যেমাদান্ তর্ অমকদ কোচ্‌পানার কধা আর রেদোত্ তর বিশ্বেজর্ কধা ফগদাং গরানা কদক্ হুজির কধা!

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।