১ বংশধর 24:2 - Chakma Bible

² হারোণে মুরি যেবার্‌ আগেন্দি নাদব আর অবীহূ কনঅ পুয়ো ন-রাগেইনে মুরি গেলাক্; সেনত্তে ইলিয়াসর আর ঈথামর ধর্মগুরুগুনোর কামানি গুরিদাক্‌।

১ বংশধর 24:2 ပူးပေါင်းရင်းမြစ်များ

যাত্রা 24:1

পরেদি লগেপ্রভু মোশিরে কলঅ, “হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বী আর তুই মইদু উদোগি। এবার্‌ অক্তত্‌ তুমি দূরোত্তুন্‌ মাদা নিগিরিনে মরে ভোক্তি সর্মান জানেবা।

যাত্রা 24:9

ইয়েন পরেদি মোশি, হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বীগুনে মুড়োবো উগুরে উদিনে ইস্রায়েলীয়গুনোর্‌ গোজেনরে দেগিলাক্। তা টেঙর্‌ তলে এলঅ‌ জোক্‌জোক্যে আগাজ ধোক্ক্যেন নীলকান্তমণিলোই বানেয়্যে পাক্কা ধোক্ক্যেন কিজু এক্কান।

যাত্রা 6:23

হারোণ পূয়োগুন অলাক্ নাদব, অবীহূ, ইলিয়াসর আর ঈথামর। হারোণ অম্মীনাদব ঝি নহশোনর বোন ইলীশেবাররে লোইয়ে আর তা পেদত্‌ ইগুনোর্‌ জর্ম ওইয়্যে।

লেবীয় 10:12

মোশি পরেদি হারোণরে আর তার্‌ বাগি দ্বিবে পূঅ ইলীয়াসর আর ঈথামররে কলঅ, “লগেপ্রভুর্ নাঙে আগুন্দোই গোজ্যে উৎসর্বর্ ভিদিরেত্তুন শোজ্য-উৎসর্বর যে ভাগ্‌কান বাগি আঘে, সিয়েন তুমি পূজোবো ইদু নেযেইনে খঅ, মাত্তর্ সিয়েন সদাছাড়া খা পুরিবো। ইয়েন দাঙর্ পবিত্র জিনিস।

লেবীয় 10:2

ইয়েনত্তে লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল, আর তারা লগেপ্রভুর্ মুজুঙোত্ মুরি গেলাক্।

গণাণা 18:7

মাত্তর্‌ ধর্মগুরু্‌ ইজেবে বানা তুই আর তর্‌ পূঅগুনে পূজোবোর আর পর্দার ভিদিরে কামানি গুরি পারিবাক্। ধর্মগুরুর্ কামান্ মুই দান ইজেবে তমারে দুয়োঙর্। লেবীয়গুনে বাদে আর কনজনে যুনি মিলন-তাম্বুলোর চাগালা ইদু এজন্‌ সালে তারে মারে ফেলা অবঅ।”

গণাণা 26:61

লগেপ্রভু ইদু সুদোমর্‌ বারেন্দি আগুন্দোই পৌইরেগ উৎসর্ব গুরিবাত্তে যেইনে নাদবে আর অবীহূ মুরি যেইয়োন।

গণাণা 3:2

হারোণর পূঅগুন অলাক নাদব, অবীহূ, ইলীয়াসর আর ঈথামর। ইগুনো ভিদিরে নাদবে এলঅ দাঙর্‌বো। ধর্মগুরু ইজেবে খেমতা দিইনে ইগুনোরে সেবা-কামত্‌ লাগেই দিয়া ওইয়্যে।

গণাণা 3:4

মাত্তর্‌ নাদব আর অবীহূ সিনাই ধূল্যেচর-চাগালাত্‌‌ লগেপ্রভুর্‌ নাঙে সুদোমর্‌ বারেন্দি আগুন্দোই পোইরেক জ্বালেবার সময় লগেপ্রভুর মুজুঙোত্ মুরি যেইয়োন। তাঁরার কনঅ পূঅ ন-এলাক বিলিনে ইলীয়াসর আর ইথামরর্‌ বাপ্পো বাঁজি থাগদে ধর্মগুরু ইজেবে সেবার্‌ কাম্‌ গোজ্যে।