১ বংশধর 23:29 - Chakma Bible29 তারা উগুরে এ জিনিসছানির ভারান্ এলঅ-মুজুঙো-রুটি, শোজ্য-উৎসর্বর মোয়দে, সদানেইয়্যে রুটি, সেক্ক্যে রুটি আর তেল্ মিজেয়্যে মোয়দ্যে। ইয়েনি বাদেয়ো তারা উগুরে ভারান্ এলদে বেক্কানি মাবানা আর কত্তমান্ সিয়েনি চানা, အခန်းကိုကြည့်ပါ။ |
পত্তি দিন বেন্যে আর বেল্যে থিয়্যেইনে লগেপ্রভুরে ভালেদি আর নাঙ্গিনেনা আর জিরেবার দিন্নোত্, আঙোস্যে পরবত্ আর অন্য ঠিগ্ গোজ্যে পরবত্ যেক্কে লগেপ্রভুর নাঙে পূজ্যে-উৎসর্বর অনুষ্ঠানান্ গরা অয় সেক্কেয়ো লগেপ্রভুরে ভালেদি জানানা আর নাঙ্ গিনেনা। লগেপ্রভুর্ মুজুঙোত্ সুদোম মজিম, তা উগুম্ মজিম আর গুণ্যে মানুচ্চো তারার্ সেবা-কামানি গরা পুরিবো।
পত্তিদিন বেন্যে আর সাজোন্যে ধর্মগুরুগুনে লগেপ্রভুর নাঙে পুজ্যে-উৎসর্বর অনুষ্ঠান গরন্ আর তুম্বাজ্ আগর্বাট্টি জ্বালান। তারা সিজি গোজ্যে টেবিলো উগুরে মুজুঙো-রুটি সাজেইনে রাগান্ আর পত্তিদিন সাজোন্যে অক্তত্ সোনার চেরাগটগ উগুরে চেরাক্কুন্ জ্বালেই দুয়োন্। আমি আমা গোজেন লগেপ্রভুর উগুম মজিম কাম্ গুরিই, মাত্তর্ তুমি তারে ছাড়ি যেইয়ো।
এ শেখেলানিলোই যেনে টেবিলো উগুরে মুুজুঙো-রুটি দিয়্যে যায় আর দিনমজিম্ শোজ্য আর পূজ্যে-উৎসর্বর পরব্, জিরেবার্ দিনোত্ উৎসর্বর পরব্, আঙোস্যে আর অন্য ঠিগ্ গোজ্যে পরব্ পালেবার্ মেট্বান, সুদ্ধো-সাংগ জিনিস উৎসর্বর পরব্ আর ইস্রায়েলীয়গুনোর পাপ ঢাগিবাত্তে পাপ-উৎসর্বর পরব্ গরা যায় আর আমা গোজেনর ঘরর্ বেক্ কামানি গরা যায়।